حد يفيدنى بالله عليكوا

[Vanditta]

السلام عليكم ورحمة الله وبركاتة

انا بعت عربيتى الحمد لله كانت سويفت هاتش باك
وبقالى اكتر من اسبوعين بدور على عربية فى رينج من 30-35 ومحتاااار جدا جدا جدا مابين

1- الفيات تمبرا (بعشقها ونفسى اركبها بصراحة بس خايف من قطع الغيار وبيقولو التكييف بتاعها تعبان والمكنة 1600 وبتاكل بنزين جااامد )
2- فيات سيينا ( بحكم انى عمرى ما ركبت عربية انجكشن فعندى رهبة انى افتح الكبوت ومافهمش حاجة فى الكونترول والحساسات والكلام دة دة غير انى سمغت انها بتسخن وتكييفها تعبان برضو)
3- رينو كليو (كل الناس بتشكر فيها بس بيقولوا قطع غيار غالية وصيانة برضو متعبة شوية مش اى حد يفهم فيها)
4-هيونداى اكسل (مش طايقها ولا طايق شكلها ولا ركوبتها ,,, لسة شايف واحدة امبارح 1500 كاملة وسوقتها حسيت انى راكب مرجيحة اولا ثانبا من جوة الخامات تعبانة اوى دة السويفت بتاعتى برقبتها )
5-كيا برايد سيدان (اقتصادية واعتمادية بس برضو نفسيا كدة مش مرتاح لشكلها خااااااالص )

يعبدا عن دة كلو قدامى فيات بونتو 2002 عاملة 120الف كيلو فبريكة برة وجوة وحالتها كويسة بتاعت واحد صاحبى بس فيها عيييب غرييب ان تقريبا ال ايرباج ضارب قبل كدة (الطارة الجزء اللى فى النص رابطة بمسامير كدة )
وسئلت صاحبها اللى هو صاحبى (صاحبى اوى يعنى مستحيل يغشنى ) قالى لا مش حادثة وانا كاشف على العربية قبل ما اشتريها عند سمكرى وسليمة وفبريكة برة وجوة
اية رأيكوا
هل ممكن الايرباج يضرب بدون حوادث ؟؟!
و كدة كدة انا لو هاجيبها هاخد معايا سمكرى يبص عليها فهل بيبان لو عاملة حادثة او متغيرلها نص ولا ربع مثلا ؟!
واية رأيكو عموما فى البونتو 2 كقطع غيار وصيانة ومشى عموما وموضوع الايرباج دة هل هايقلل من تمنها وقت اعادة البيع

[حسن شرف]

ربنا يوفقك للصالح ان شاء الله

[eng/walaaeldeen]

السلام عليكم
البونتو عربيه كويسه واقتصاديه في البنزين وممكن تغير طارة الدركسيون بطاره استيراد
طيب ممكن تزود المبلغ قليلا وتشوف اسبرانزا 516
والله المستعان