|
#1
20-08-2009, 12:37 PM
|
||||
|
||||
|
اللى عايز يروح ف داهيه يتفضل
اللى عايز يروح ف داهية يتفضل
_________________ اتنين أصحاب هنداوى وقناوى من بلد أسمها أفريقيا العليا00 حد سمع عنها؟! هنداوى خريج أعلام وبيشتغل حارس أمن فى مصنع أما قناوى فخريج تربية وبيشتغل تبّاع وفى أستراحة على القهوة بعد المغرب جلسا على المقهى للالتقاط الانفاس! قال هنداوى: -شفت يا أخى أمبارح واد زميلى 00دفعتى بقى مذيع ف التلفزيون مع أن عنده حرفين طايرين قال قناوى: -عادى له واسطه طب تعرف أنا ليا زميلى شغال ف الكهربا -كهربا؟! خريج تربية وشغال ف الكمهربا؟ أيه بيعلمها الادب! -هههههههه00 يا سيدى دفع أربعين باكو -آه 00 صاحبى ده بقى أبوه مسئول كبير -كده تمشى قال هنداوى: -يا أخى ملعون أبو الفقر وقلة الحيلة والواسطة يعنى أبويا لو مكنش عامل كان زمانى قاعد فى التكييف مذيع قد الدنيا ومشهور -ولا أنا لو أبويا مكنش موظف غلبان كان زمانى مدرس قد الدنيا -الواحد بيحمد ربنا أنه لقى شغلة ياخد منها قرشين يعيش بيهم بدل مد الايد -بس ح نتجوز ازاى ونعمل مستقبل ويادوب اللى جاى رايح -ههههه تتجوز!! أنت بتحلم ولا عبيط يا بنى دى رفاهيات حكومتنا حددت النسل بطريقة جهنمية 00غرستنا فى الطين -يا أخى أنا عارف مبتغرش فى داهية ليه وتريحنا -عيب عليك تقول الكلام ده يا راجل تروح ف داهية! يخرب بيتك00ده أسمه كلام متقولش داهيه قول ستين داهية -حاجة تقرف هيه العالم دى مبتحسش على دمها -يحسوا بمين يا جدع ؟ شفت الوزير بتاع وزارة الجباية اللى كل يوم مخترع له ضريبة مبحبش الراجل ده أبدا دمه بيلطش يا باى -والا التانى المواصلات00 المواصلات زى الزفت والطرق زى النيلة والناس متكومين على بعض وكل يوم حوادث وقفلة وعشوائية ف كل حته00 طرق تقرف ومواصلات تخنق وضحايا كل يوم بالهبل وبعد كل كارثة يخرج لنا واحد بارد يقول كلمتين محفوظين بسماجة وصفاقة والحال هوه الحال -ولا شفتش التانى بتاع الزراعة00 مرة مبيدات ومرة مجارى ومرة قمح مسرطن ووووبلاوى والبلد بخير والسلام عليكم ومحدش خد باله أن بطوننا عفنت -ولا الداخلية طرقعة ف الاقسام وضرب ورشاوى ف المرور وأدفع أولا تسلم والعسكر فى خدمة اللحلوح(عملة بلدهم) -كله كوم والتعليم كوم00 مدارس خرابة مفيهاش تعليم والعيال طول النهار والليل سارحة بالشوارع تاخد دروس والسيد الوزير بيظهر يومين أمتحانات الثانوية والكلمتين بتوع الامتحان من الكتاب المدرسى! يعنى هوه الامتحان ح يستوردوه من كوالالمبور00 بوركينا فاسو جنبنا يجيبوه استيراد أهو يوفر -نسيت أنت بقى الصناعة00قال عاملين وزارة للصناعة !! وليه مكلفين نفسهم لازم يغيروا أسم الوزارة لوزارة الصناعة الصينية والاستيراد00 أبر خياطة صينى وكبريت باكستانى ولبان سعودى وعبايات مغربى وشوكولاته أمارتى وسلمون تشيلى وأكسسوار تركى ومستحضرات هندى وكله على ودنه أمال أحنا بنصنع أيه فول مدمس؟ -أقولك أحنا بنقلب الهموم والوجع ليه؟ ألكش تولع -على رأيك بس انا نفسى قبل ما أموت أشوف واحد مسئول عنده دم يعترف بخطأ أو ضميره ينقح عليه وينتحر -ده فى الاحلام يا  -بس أنا يا اخى عندى أحساس دايما بانى حمار وكل يوم أحلم بكده -مش انت لوحدك اللى عندك الاحساس ده نظر هنداوى حوله وكأنه يستفيق من غيبوبة 00تلفت فى ريبة ثم قام وهو يقول: -وله يا قناوى بينا من هنا لموضوع الحمير ده يقلب بجد ويعلقونا ف كارو
__________________
|
|
#2
20-08-2009, 12:46 PM
|
||||
|
||||
رد: اللى عايز يروح ف داهيه يتفضل
الحمد لله روحنا فى داهيه
شكرا سيدى المواطن حلوه يا دكتور
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#3
20-08-2009, 02:43 PM
|
|||
|
|||
رد: اللى عايز يروح ف داهيه يتفضل
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#4
22-08-2009, 12:14 PM
|
|||
|
|||
|
رد: اللى عايز يروح ف داهيه يتفضل
اولا دكتور تامر انا من افريقيا العليا صعيدي يعني من الاخر
ثانيا انا حضرت لك العيش و الحلاوة يا حلو ما قلتلك بلاش تخبط في الحلل ماشي يا عم بس اوعي خلي بالك من ابو دبورة علي كتفه
__________________
لا تقل يارب عندي هم كبير قل ياهم عندي رب كبير ptmnlo123per154 ptmnlo123per122
|
|
#5
22-08-2009, 04:19 PM
|
|||
|
|||
رد: اللى عايز يروح ف داهيه يتفضل
 آه أدي أخرة اللي يدخل هنا
|
 |
|
|
