توضيح هام للسادة أعضاء مصر موتورز الكرام (YahiaAshraf)

[YahiaAshraf]

بسم الله الرحمن الرحيم

أنا تقريبا بقالى حوالى شهرين مدخلتش على المنتدى

بس أنا حاكمنى ظروف الثانوية العامة لأنى فى تالتة ثانوى و كمان تخصص علمى رياضة


أنا كل يومين تلاته كده بفتح الفيس شوية علشان بتابع سكرتاريا المدرسين او المدرسين نفسهم على الفيس بوك + موقع ثانوية التعليمى


واثناء ما بفتح انا لاقيت كم هائل من الرسائل على حسابى الشخصى على الفيس بوك منهم اللى بيسال وبيطمن عليا ومنهم استفسارات عن سيارات و الكلام ده وكل يوم عدد الرسايل بيزيد بشكل كبير

فانا أولا أشكركم على شعوركم الطيب تجاهى

ثانيا اعتذر عن الرد عن أى رسائل سواء على حسابى على مصر موتورز أو الفيس بوك نظرا لأنى بفتح لهدف معين


ثالثا اعتذر عن المشاركة فى المنتدى فى الظروف دى لان الثانوية العامة محتاجة تركيز شديد وانا اعتبر شبه منعزل عن عالم السيارات يمكن التواصل الوحيد هو ملحق السيارات بالاهرام اثناء ترفيهى فقط و أحيانا لا كمان



رابعا ولمن يقول أننى اعتزلت المنتدى بسبب خلافات شخصية بينى و بين ادارة المنتدى هذا كلام غير صحيح تم عودة العلاقات الطيبة بنجاح و تقدروا تسالوا وائل مجدى ( أبو نورا) بنفسه لأنى كونت بكلمه على الفيس

خامسا : ولمن يقول أنى سيبت المنتدى علشان منتدى ن؟؟؟؟؟؟؟موتورز وعلشان بقيت ناشر صحفى هناك و رتبة خاصة والكلام ده أحب أقول أن قوانين المنتدى متمنعش أنى اشترك فى أى منتدى دى حرية شخصية وأنا بتعامل مع الجميع سواء بأشد التقدير و الاحترام للجميع وفى الاخر أنا هدفى هو أنى أفيد أكبر قدر من السادة الاعضاء بخبرتى المتواضعة فى عالم السيارات
وبم أنى لم أضر بمصالح المنتدى فده حق مكفول ليا وده لا يقلل من شأن مصر موتورز لأنى مش لوحدى اللى مسجل فى منتديات أخرى يعنى بنسبة كبيرة جدا أنا شوفت الاعضاء هنا فى منتديات أخرى


سادسا :
الخلافات بين رئيس مجلس ادارة مصر موتورز ( وائل مجدى ) و بين ؟؟؟؟؟؟ و بين علان وبين البتنجان كل الكلام ده ميهمنيش دى حاجة ترجع بينهم


لكنى أحترم كلا منهما أشد الاحترام وكلا منهما لهما كل أشد التقدير و الاحترام بغض النظر عن اى خلاف بينهم




سابعا :
أرجو من أبو نورا مراجعة صورة اللقب الشخصى لعضويتى حيث أن عضويتى بقت من غير أى لقب الظاهر انه اتمسح من مركز رفع الصور اللى كان عليه لأن شريف عابدين معاه نفس اللقب و اتمسح برده فأرجو حل هذه المشكلة

ثامنا
ولمن يقول أننى أمتلك منتدى سيارات شخصى فانا حاليا لا أمتلك أى منتدى وحتى لو ربنا شاء وبقى عندى فأنا عمرى ما هعمله على حساب مصر موتورز بأنى أبعت المنتدى برسالة للأعضاء و الكلام الفارغ ده ...........الخ

تاسعا :-
بخصوص موضوع كورسير انا لاقيته فى المشاركات الجديد ففتحته بالمره وده رأى الشخصى

أحمد ممدوح الشهير بكورسير راجل محترم بمعنى الكلامه هو ساب المنتدى من اوائل 2012 بس كفاية أن الناس لغاية دلوقتى فاكراه وده مش أول موضوع ده عدة مواضيع بخصوصه

وللامانة انا كلمت الطرفين و ابو نورا كان عنده الاستعداد انه يرجعه تانى بس انا اتحايلت على كورسير بكل الاساليب و الطرق ولكن مفيش فايدة وزى ما بيقولوا كده ( كرامته ناقحة عليه ) الله يكرمكم محدش يفمهنى غلط و حد يقولى انت مع وائل ولا ضده أنا قولت التعبير اللى حسيته من خلال محادثاتى مع كورسير

ليا بس تعليق على كلام أبو نورا بموضوع كورسير

مواضيع من نوعية شبشبى ضاع ياعينى ده كان بصباع ونملى مواضيع ومشاركات فى سلامات يا برنجى ونبقى اكبر منتدى فى مصر وعدد المشاركات فى اللمون بس مش هيبقى ده مصرموتورز

فأنا لما بفتح وادوس على المشاركات الجديدة حاليا بلاقى التالى :-

غسالات للبيع
بوتاجازات لبيع
ستاير و مفارش للبيع

وكتير منهم اعضاء سبام يحملون اعلانات تجارية لمنتجات الشركات الخاصة بهم
لكن فيه منهم ناس عادية
ده غير موضوعات قسم الثورة بينزل رود فى المواضيع بصور بوستات من الفيس بوك عن الاخوان و الكلام ده

لما تجمع كل ده مش هتلاقى فرق ما هى هى

يعنى تخيل لما تدوس المشاركات الجديدة يطلع حوالى 3 صفحات وتلاقى صفحتين كاملين ملهومش دعوهة بالسيارات وياريتهم حتى حاجة مفيدة فده كان بس تعليقى

(أرجو تقبل رأى بسعة صدر )

اسف على الاطالة و لكن أنا جاوبت على أغلب الاسئلة التى وردتنى على الفيس بوك وقولت كل حاجة بمنتهى الشفافية و الوضوح

وفى النهاية أرجو أنى مكونش زعلت حد ولا حد زعلان منى


أرجو من كل عضو قام بفتح هذا الموضوع بالدعاء لى بالتوفيق وتحقيق هدفى و هو هندسة جامعة الاسكندرية

ولكل زائر أيضا قام بزيارة هذا الموضوع


شكرا لاتساع صدركم واسف مره تانية على الاطارة
والسلام عليكم و رحمة الله و بركاته

Yahia Ashraf

[AbOnOrA]

تمام يا يحي كلامك عموماً وبخصوص مواضيع من نوعية شبشبى ضاع ياعينى ده كان بصباع ففيه نقطتين وكون فيه مشاركات سبام

فاولاً زى مانت قولت المشاركات اللى زى كدة بتتعامل بسهولة على انها سبام يعنى كليكتين تلاتة بالماوس وبنمسح المشاركات كلها والعضوية كمان
هل الادارى والمشرف يعرف يعمل المثل مع عضو ليه شعبية ؟
ده فيه اعضاء بنبعت تستاذنهم فى بعض المواضيع مبيعجبهمش وبفهموها شمال وانت بتستاذنه كمان
قولى المشرف يعمل ايه بقى ؟

ثانياً اى منتدى كبير معرض لاستهداف السبام وكل الناس عارفه السبام سواء الادارة او الاعضاء بتميز المواضيع من النوع ده لكن لما تبقى مواضيع فارغة بالشكل ده وباسم عضو قديم اكيد هيدى انطباع سلبى خاصة لو قدام عضو لسه جديد

وثالثاً وهو الاهم واقسم على كتاب الله ان ده حصل ان بسبب مشاركات الاخ ده المخالفة واللى تم طلب واستاذان وكان ناقص نبوس ايده وهو متعمد يكررها فى المنتدى خسرنا مادياً عشرات الاف على مدى شهور بعد كدة وتحديداً بسبب الافلام والموضوعات اللى كان بينقلها بالجملة وبالمخالفة لكل القواعد والقوانين فجوجل عاقبتنا فى الاعلانات بفلوس وعاقبتنا فى ترتيب المنتدى وظهورة فى محركات البحث ده تقوله ايه بقى وكمان هو مش عاجبة وزى ما بتقول كرامتة ناقحة عليه

خليها تنقح بقى بس فكرة ان المنتدى كمان ليه احترامة واللى عايز الناس تقدر كرامته وتحترمة اولى بيه هو كان يحترم نفسه الاول

[the ultimate opportunity]

اخيرااااااااااااااااااااا ا كمان واحد رجع تانى الحمد لله نورت مكانك يا يحى وبالتوفيق ان شاء الله ومستنين حلاوة

الهندسة ان شاء الله

ثانيا انا بشكر استاذ ابونورا على رده اخيرا بخصوص الموضوع انا بس كان نفسى اعرف ايه اللى حصل عشان

ابقى فاهم الموضوع وانا بشكرك مره تانية وياريت ميكونش سؤالى عنه زعلك منى

وبشكركم مره تانية:GROWIN~1 2:: GROWIN~12:

[YahiaAshraf]

المشاركة الأصلية كتبت بواسطة AbOnOrA تمام يا يحي كلامك عموماً وبخصوص مواضيع من نوعية شبشبى ضاع ياعينى ده كان بصباع ففيه نقطتين وكون فيه مشاركات سبام فاولاً زى مانت قولت المشاركات اللى زى كدة بتتعامل بسهولة على انها سبام يعنى كليكتين تلاتة بالماوس وبنمسح المشاركات كلها والعضوية كمان هل الادارى والمشرف يعرف يعمل المثل مع عضو ليه شعبية ؟ ده فيه اعضاء بنبعت تستاذنهم فى بعض المواضيع مبيعجبهمش وبفهموها شمال وانت بتستاذنه كمان قولى المشرف يعمل ايه بقى ؟ ثانياً اى منتدى كبير معرض لاستهداف السبام وكل الناس عارفه السبام سواء الادارة او الاعضاء بتميز المواضيع من النوع ده لكن لما تبقى مواضيع فارغة بالشكل ده وباسم عضو قديم اكيد هيدى انطباع سلبى خاصة لو قدام عضو لسه جديد وثالثاً وهو الاهم واقسم على كتاب الله ان ده حصل ان بسبب مشاركات الاخ ده المخالفة واللى تم طلب واستاذان وكان ناقص نبوس ايده وهو متعمد يكررها فى المنتدى خسرنا مادياً عشرات الاف على مدى شهور بعد كدة وتحديداً بسبب الافلام والموضوعات اللى كان بينقلها بالجملة وبالمخالفة لكل القواعد والقوانين فجوجل عاقبتنا فى الاعلانات بفلوس وعاقبتنا فى ترتيب المنتدى وظهورة فى محركات البحث ده تقوله ايه بقى وكمان هو مش عاجبة وزى ما بتقول كرامتة ناقحة عليه خليها تنقح بقى بس فكرة ان المنتدى كمان ليه احترامة واللى عايز الناس تقدر كرامته وتحترمة اولى بيه هو كان يحترم نفسه الاول

تمام يا أبو نورا شكرا على الرد الوافى

بس استاذنك الله يكرمك بس تشوفلى حكاية صورة لقب العضوية اللى اتشالت دى خلى بالك كل اللى كان معاه نفس صورة اللقب ده ( العضو المميز ) الصورة اتشالت من عنده مش أنا لوحدى


وشكراااااااا

[YahiaAshraf]

المشاركة الأصلية كتبت بواسطة the ultimate opportunity اخيرااااااااااااااااااااا ا كمان واحد رجع تانى الحمد لله نورت مكانك يا يحى وبالتوفيق ان شاء الله ومستنين حلاوة الهندسة ان شاء الله ثانيا انا بشكر استاذ ابونورا على رده اخيرا بخصوص الموضوع انا بس كان نفسى اعرف ايه اللى حصل عشان ابقى فاهم الموضوع وانا بشكرك مره تانية وياريت ميكونش سؤالى عنه زعلك منى وبشكركم مره تانية:GROWIN~1 2:: GROWIN~12:

متشكر جدا يا باشا على ذوق سعادتك

ادعيلى بس وانا اجبلك الحلاوة لغاية باب البيت

:GR OWIN~12: