افتراضي مشكلة فى ريجاتا 1500 سى سى موديل 86

[بدر الجندى]

السلام عليكم
يوم الوقفة لقيت العربية بتسخن جامد وكل ماازود القربة مياة ربع ساعة القاها خلصت المهم رحت للميكانيى قال المياة انخلطط بالزيت يعنى جوان وش السلندر ضرب المهم فك ووجد جوان وش السلندر سليم بس فية تاكل بسيط فى وش السلندر وخيرنى اشترى وش استراد ولا يودى الوش دا فى المخرطة يزود المهم العربية ركنت عندة لان كان صابح العيد المهم بعد انتهاء اجازة العيد راد المخرطة وظبط المسائل واشترى جوانات سواء لوش السلندر او الشوكمان وكوعة المياة والطبب
وركب واتصل بى وقال جرب المهم ركبت ومشيت حوالى 4 كيلو الملاحاظات
قبل العطل السابق كانت موشر الحرارة عندى لايزيد عن 70 درجة بعدها تشتغل المروحة وتنزل الحرارة وهكذا وكانت لاتتعدى عن 70 درجة فى مؤشر التابلوة لكن بعد تركيب هذة الاشياء المؤشر زاد بقة من 80 الى 90يعنى الحرارة زادة عن الاول بحوالى 15 درجة واد بيططلب ان المروحة تفضل شغالة مدة طويلة طبعا قلت للميكانيكى على هذة الملحوظة قال بس جرب تانى وابقة بلغنى المهم اليوم مشيت بها حوالى 30 كيلو والوضع ثابت ومؤشر الحرارة يرتفع مابين 80 الى 90
فهل هذا طبيعى وهذة الحرارة مناسبة ولا فية حاجة غلط بصراحة انا خايف امشى بها ولا اروح تانى للميكانيكى واحد صاحبى قال لى ممكن تكون التكهات محملة ولا رايكم اه ارجو من حضارتكم الافادةوكل عام وانتم بخير
معزرة لطول الرسالة

[mr_astra]

اولا نراجع على وضع الاسبراتير لانها ممكن تكون مقدمة كهرباء
ثانيا نراجع على تقسيمة سير الكاتينة لانة ممكن يكون مقدمة سنة
ثالثا نظبط التاكيهات عند الخراط لان ممكن يكون جوان وش السلندر اتخن من اللازم
وخلى بالك من جودة وقوة شد سير الدينامو

[sasao]

الترموستات اللى ركبه كم على كم 70-80 ولا 90-80
والطبيعى 90-80 لان درجة الحرارة دى طبيعى للمواتير القديمة

[بدر الجندى]

شكرا لكم وان شاء الله اروح بكرة للميكانيكى وقول له على ملاحيظ حضراتكم وعلى فكرة لاحظت ايضا فى العربية لما مشيت بها مسافة ويقابلنى مطب اجى اهدى تبطل ولو دورت العربية تعتل لحد المرش مايخلص البطارية ولو سبتها تبرد لو 5 دقائق تدور من اول لطة دا برضو له علاقة بكلام حضراتكم السابق مع العلم ان المرش جديد مركبة من شهر والبطارية سليمة وقبل مااغير لها الاشياء اللى انا ذكرتها من قبل كانت تمام التمام
معلش وجعت دمغكم
وشكرا

[بدر الجندى]

المشاركة الأصلية كتبت بواسطة بدر الجندى السلام عليكم يوم الوقفة لقيت العربية بتسخن جامد وكل ماازود القربة مياة ربع ساعة القاها خلصت المهم رحت للميكانيى قال المياة انخلطط بالزيت يعنى جوان وش السلندر ضرب المهم فك ووجد جوان وش السلندر سليم بس فية تاكل بسيط فى وش السلندر وخيرنى اشترى وش استراد ولا يودى الوش دا فى المخرطة يزود المهم العربية ركنت عندة لان كان صابح العيد المهم بعد انتهاء اجازة العيد راد المخرطة وظبط المسائل واشترى جوانات سواء لوش السلندر او الشوكمان وكوعة المياة والطبب وركب واتصل بى وقال جرب المهم ركبت ومشيت حوالى 4 كيلو الملاحاظات قبل العطل السابق كانت موشر الحرارة عندى لايزيد عن 70 درجة بعدها تشتغل المروحة وتنزل الحرارة وهكذا وكانت لاتتعدى عن 70 درجة فى مؤشر التابلوة لكن بعد تركيب هذة الاشياء المؤشر زاد بقة من 80 الى 90يعنى الحرارة زادة عن الاول بحوالى 15 درجة واد بيططلب ان المروحة تفضل شغالة مدة طويلة طبعا قلت للميكانيكى على هذة الملحوظة قال بس جرب تانى وابقة بلغنى المهم اليوم مشيت بها حوالى 30 كيلو والوضع ثابت ومؤشر الحرارة يرتفع مابين 80 الى 90 فهل هذا طبيعى وهذة الحرارة مناسبة ولا فية حاجة غلط بصراحة انا خايف امشى بها ولا اروح تانى للميكانيكى واحد صاحبى قال لى ممكن تكون التكهات محملة ولا رايكم اه ارجو من حضارتكم الافادةوكل عام وانتم بخير معزرة لطول الرسالة

ياريت جت على قد كدا وخلاص بعد يوم رحت مشوار بالعرابية حوالى 12 كيلو وكان اسود مشوار فى حياتى العربية كل شوية طبطل لوحدها وبالذات لما اكون داخل على مطب او ارفع رجلى من على البنزين بعدعا ادور العربية مستحيل تدوروطبعا مؤشر الحرارة مازال على 90 العربية تعتل ومن المستحيل تدور اللى يشوفها يقول اكيد بطارية او مرش اسبها حوالى 5 دقائق وادور من لطة تدور وهكذا بصراحة احرجتنى فى هذا اليوم كتيييييير بطلت 6 مرات فى ال 12 كيلو وطبعا معظمهم فى الزحمة وانزل اذق انا لوحدى لحد مركن يمين لكى اوسع الطريق وفية ناس اولاد حلال كانو ممكن يذقونى وكل واحد له راى واحد قال شوف موبينة التكرير رحت عند واحد واشتريت الموبينة والكهربائى بجوارة وركبها تعالى دورى ياعربية نفس التعتيلة طبعا اشتريتها ب 80 وتركبها10 طبعا على الارض روحت البيت وانا كلى نكد رحت لبتاع المرش مركبة من عندة استراد من شهرين كشف على المرش وقال 1000 ال 1000 العيب عندك فى الميكانيكا روح للى مركب لك وش السلندر والجوانات وسير الكتينة وخلافة رحت لبتاع البطاريات مع العلم انى شارى منة البطارية بتاريخ 7-11 يعنى ماكملتش سنة قال البطارية تمام وعلى شان اقنعك جاب بطارية جافة مثل بتاعتى وطلعها من الكرتونة وشبطها دورى ياسيارة نفس المشكلة تعتل وبعد 10 دقائق لو سبتها تدور طبعا لما بتكون سخنة بعدها رحت لبتار الريادتير سلكه وحط مية خضراء وطبعا السخونية ماذالت من 80 الى 90
رحت للميكانيكى وانا مقطنع 100 فى 100 ان العيب عندة فى شغلة السابق وكان يوم الاثنين الماضى حكيت له على الوضع قلت له من 25 رمضان وانا صرفت حوالى 1300 على العربية ومش عارف اروح بها مشوار حتى لو 5 كيلو انت لوحدك واخد منى 720 جنية مخرطة للوش 250 دخان للمخرطة 25 والباقى سير كتينه طبب مياة خرطوم مياى وكوعة مياة وجوان الوش و 200 مصنعية لك وفى النهايه حولع فى العربية قال اوك سبها ولما اخلصها اتصل بك من يوم الاثنين لحد الخميس امبارح بالليل اتصلت انا خلصتها بس هات جركن بنزين اصل البنزين خلص رحت امبارح بالليل ويارتنى مارحت العربة بطلت امامة اكتر من 10 مرات يدوب على شان ادير الاتجاة التانى وصوت العربية بقة عامل ذى صوت جرار الحرت والله انغميت المهم ركب بجوارى وقال اطلع نجرب بعد 50 متر بطلت وتعالى دورى تانى نفس المشكلة والله بقة هاين علية اولعها ولا امسك فى خناقة مع العلم انو فاتح عندنا فى البلد واكتر الناس بترحلة وانا رحتلة مرتين من قبل ضبط فرامل وكهرباء المهم قال يمن مرش تعالى يوم السبت ونخلى كهربائى بجوارى يشوف المرش اتصلت بلى شارى منة المرش قال له المرش ميه ميه ولو طلع مرش حعطيك 1000 جنية المهم فى النهاية قال خلاص تعالى يوم السبت اخدها واروح اعاير لها صببات عند المختص قلت له لا هية عندك مش حخدها اصرف وبقة ذهقان كانى جانى علية ومفتكرش المصاريف اللى صرفتها مش عارف ادور العربية مع العلم ان العربية لما كانت ريحالة قبل مايحل الوش كانت الف الالف سوى الميه بتنخلط على الزيت ماكان لها صوت ودور من اول لطة وسحبها كان ممتاز والله انا نتنكد على العربية وعلى الفلوس اللى دفعتها بدون فائدة وخايف اروح لميكانيكى تانى يبقة راحت فلوسى والميكانيكى الجديد طبعا يقول كذا وكذا وطبعا ادفع والله انا اتعقد ونفسى مسدودة
هل يوجد تعليق على كلامى الكتير دا او حل او نصيحة والله من كثرة العربية ماارتكنت عندة الناس فكرو انى بعتها
ان شاء الله بكرة العصر اتصل به واشوفو عمل اه والله خايف اروح القاها زادت سوء انا عارف انى طولت كتير فى الرسالة بس دا من غلبى والله
اترككم فى امان الله