هل يستحق الاب عيد ؟ انهارده عيد الأب اه والله .. كل الابهات يجمعو

[AbOnOrA]

هل يستحق الاب عيد ؟




انهارده عيد الأب اه والله .. كل الابهات يجمعو

الاحد التالت من شهر يونية وده فى دول كتير من العالم يمثل عيد الأب ..

ساعات بسأل نفسى ليه فى اوروبا والدول المتقدمة عندهم عيد اب وعيد طفولة وعيد الاجداد كمان

لكن فى بلادنا الجميلة عندنا عيد الام فقط

يمكن ده لانه مرتبط بعروض المكانس والبطانيات والكبه والخلاطات وغيرها من هدايا تصل احياناً لاتوات تفرضها الأم على اولادها واجواز اولادها وتستغلها الاعلانات والشركات للترويج والدعاية





بس بغض النظر عن ان ده السبب الحقيقى او لاء اعتقد فى مجتمعات كتير محدش بيبص لدور الاب بالاهتمام او الاعتبار الكافى

وده لان فى المجتمعات ديه الناس شايفة ان الاب بيخلف ويصرف وبس وتلاقى الرجالة نفسها بتقول ده وتسمع كلام من نوعية هما عايزين منى ايه تانى انا مش مكفى البيت طلباته وخلاص او وانا مالى امهم تعمل او تسوى

فهل فعلاً ده دور وقدر الاب ؟

كمان تلاقى اشارة مهمة وهى ان كتير من الامهات ممكن تفقد زوجها سواء بالطلاق او الوفاة فمتتجوزش وتنكفى على اولادها تربيهم

لكن نادراً لما بنلاقى الاب يعمل كدة وبنلاقى دايماً قبول مجتمعى لفكرة ان الاب لازم يتجوز بعد وفاة او طلاق زوجته ويجيب لهم واحدة تربيهم

انا شخصياً بطالب بمراجعة قيمة ودور الأب فى المجتمع

وبطالب بعيد اب كيوم للتأكيد على القيمة ديه ودعم وتكريم النماذج المثالية لها

انتو ايه رأيكو

[Eng/salwa]

السلام عليكم ورحمة الله وبركاته
أبادر أنا ولى الشرف إنى أقول لكل أب
كل سنة وانت طيب
ربنا يخليك لزوجتك و اولادك
ويعطيك الصحة والعافية
الأب هو صمام الأمان للأسرة
ربنا يخليك لى يا زوجى ويعطيك الصحة ويتم شفاؤك
كل سنة وانت طيب يا ابو نورا
كل سنة وكل عضو فى المنتدى بخير

[nktis]

الاب .!. ده متعرفوش الزوجات الا في الطلبات و المصاريف .,,,. انما عيد اب .,. صعبه قووووي .

[مروتي 31]

السلام عليكم

العالم الاسلامي لا يعترف بالأعياد التي ابدعها الغرب , فلنا أعيادنا الدينية المشروعة .
اما فيما يخص عيد الأم فيجب ان تكون كل الايام عيدا لها , لان تعبها لا يمكن أن يكافئ بيوم واحد لاغير
المسؤولية الابوية أيضا أمر مهم و صعب في نفس الوقت , فالأب هو المحور و الركيزة بالبيت إن غاب غابت كل الأشياء معه , مهما حاولت الأم تعويض وجوده بأن تكون حازمة و تكون حاضرة فإنها لن تستطيع التوفيق في الأمر
أقول هذا الأمر و أنا أعي ما أقول فأنا أم و أب بنفس الوقت , أعتب على أباء بعد الافتراق يعاقبون الزوجات بالأطفال فيهملونهم و لا يسئلون عليهم و لا يحاولون أن يكونوا حاضرين في حياتهم بل الأمر ينشئون أسرة أخرى و ينجبون أطفال آخرين و من تم يتناسون من أنجبوا أولا و يكون على الابن أو البنت أن تبر به و توده في المستقبل بل و يطالبونهم بالأمر .
ذات يوم سألني إبني لما أنا لما أبي لم يعد يزورنا فلم أجد جوابا غير أني سكت و صمت لم أشأ أن أقول له إنه يعاقبكم بسببي حتى لا أخسر أطفالي المهم ركزت على أمر مهما فعل سيظل أباكم عليكم بره و الطاعة له قد يظهر ذات يوم و قد يحن إليكم بالمستقبل أطفاله إخوتكم هذا أمر واقع لا مفر منه .

أن يخصص يوم واحد لمكافئة الوالدين أمر لا أحبه لا بعيد الأم و لا بعيد الطفولة أيضا التراحم و التحاب و التهادي يجب أن يكون كل يوم لقوله صل الله عليه و سلم تهادوا تحابوا.

صدق سيد الخلق .

و يظل الأمر مجرد رأي خاص بي .

[YahiaAshraf]

هههههههه تصدق أول مره اعرف