العربية كلها بتخرف مش فاهم اى حاجة !!

[MoSHaX]

ياريت الاقى حد يساعدنى انا تبعت مع العربية دى انا هقول الى حصل معايا يابظبط يمكن يكون فى سبب فى الى حصل دا
انا كنت مركب سنتر وازاز كهربا ووحدة رفع فى التوفيقة من 3 او 4 سنين ومكنش فى مشاكل تقريبا وحدة الرفع باظت من شهرين روحت لكهربائى فك الاسلاك الى فى التحكم بتاع الزراير كلها "كان فاكر العيب منها" وبعدين ركبت واحدة رفع جديدة بعد شوية ابتدى الازاز يعلق مرة يفتح ومرة لا لحد ما بطل يفتح خالص روحت لنفس الكهربائى قالى العيب من الوحدة انا كان عندى 2 كل واحدة بترفع 2 قالى لا هات واحدة 4 SPY جبتها واحنا بنركب 5 واحدات رفع باظوا كل ما يركب واحدة تشتغل مرتين تلاتة وتبطل يااما تشتغل ناحية وناحية لا وبغيرها بواحدة جديدة واشتغلو بعدين ابتدى الازاز يعلق تانى او ميفتحش+ الانذار بقى ينور نص واحد + النور الامامى بيشتغل عالى ناحية وناحية لا وشوبة يشتغل الاتنين او ساعات بفتحة مينورش غير بعد شوية كام دقيقة وفى باب السنتر فية معلق وكمان بلاقى العربية ساعات بتدور بصعوبة وجات مرة طفيتها مرضتش تشتغل خالص كأن مفهاش بطارية استنيت عليها ربع ساعة اشتغلت مشيت شوية ووقفت تانى استيت برضو دورت مشيت عادى مع العلم ان الحاجات دى بتظهر واحدة واحدة مش مع بعض . انا مش فاهم اى حاجة وخايف اوديها لحد تانى يبوظها الكهربائى دا انضف واحد تقريبا فى سوهاج ومفيش توكيل فى سوهاج لدايو هنا . عربيتى لانوس .. ياريت حد يقدر يفيدنى وشكرا

[sherifabden]

لو حضرتك في سوهاج في كهربائي كويس ورا مستشفى سوهاج العام عند ابراج العزازي خليه يشوفلك المشكلة وان شاء الله سليمة

[MoSHaX]

المشاركة الأصلية كتبت بواسطة sherifabden لو حضرتك في سوهاج في كهربائي كويس ورا مستشفى سوهاج العام عند ابراج العزازي خليه يشوفلك المشكلة وان شاء الله سليمة

اسمة اية ياريت توصفهولى بالظبط انا كنت بتعامل مع احمد بخيت الى فى الشهيد