لسة مستلم سيراتو 2011 و عندى استفسارات مهمة

[bassem_fencer]

مساء الخير على اجمد أعضاء مصر موتورز

انا الحمد و الشكر ليك يا رب لسة مستلم عربية سيراتو ثالث فئة (كاملة عدا فتحة سقف و بصمة) وكيل مش خليجى.
العربية عاملة عداد 19,900 كيلو حالتها كسر زيرو صراحة و خدتها من واحد معاة من الزيرو بـ 105 ألف
الراجل عامل صيانة الـ 20 فى التوكيل و بالفواتير
فانا أول حاجة عايز أعرف انا هحط ايدى فيها تانى أمتى
تانى حاجة و دة الـ قالقنى جدا .. انى سمعت زى كل الناس عن سهولة سرقة السيراتو.....
انا روحت جبت قفل للبدال و كنت هجيب للطارة كمان بس قلولى ملوش لازمة
فـ عايز أعرف اية اضمن حاجة أعملها (والضامن هو الله) و كمان الراجل صاحب العربية بيقولى فى انذار نازل معاها .. فأنا كدة محتاج أنذار تانى ؟؟؟ ولا أعدل فى دة ولا أعمل اية؟؟؟؟
أخيراً بقى و انا ماشى حسيت بحدفة خفيفة جدا للشمال... دة عادى بقى ظبط زوايا و كدة ولا ممكن يبقى فى مشكلة لا قدر الله ؟؟؟؟
-------------------------------

مستنى ردودكم
شكراً مقدماً

[Abd ellatif]

السلام عليكم
انت اول حاجه تعملها لو مكنش صاحب العربيه عاملها انك تشيل الاستيكر الى على الشباك الى على الشمال وتحاول تخفى الرقم الى على البربريز الى قدم علشان محدش يخدو ويعمل مفتاح بكل سهوله وبا النسبه لقفل الدركسيون لو انت بتركن العربيه فى الشارع او بتسبها لمده طويله فى مكان شغلك او حاجه من الافضل انك تجيب قفل للدركسيون وبا النسبه لجهاز الانزار الراجل قالك ان هى فيها فمش لازم تجيب جهاز تانى والف مبروك وربنا يكفيك شر طريقها

[bassem_fencer]

المشاركة الأصلية كتبت بواسطة Abd ellatif السلام عليكم انت اول حاجه تعملها لو مكنش صاحب العربيه عاملها انك تشيل الاستيكر الى على الشباك الى على الشمال وتحاول تخفى الرقم الى على البربريز الى قدم علشان محدش يخدو ويعمل مفتاح بكل سهوله وبا النسبه لقفل الدركسيون لو انت بتركن العربيه فى الشارع او بتسبها لمده طويله فى مكان شغلك او حاجه من الافضل انك تجيب قفل للدركسيون وبا النسبه لجهاز الانزار الراجل قالك ان هى فيها فمش لازم تجيب جهاز تانى والف مبروك وربنا يكفيك شر طريقها

شكراً لسرعة ردك..... و الله يبارك فيك يارب يحفظنا كلنا...
بس انا مش عارف ازاى أخفى الرقم دة ؟؟؟ حد جرب طريقة قبل كدة و نجحت ؟؟؟
و بعدين أنهى ستيكر تقصدة ؟؟ اللى عالزجاج الى ورا السواق و مكتوب علية بلد المنشأ ؟؟ ولا دة انهى؟؟؟
- و الانذار بعليه و أوطية ازاى ؟؟ ولا الى نازل مع العربية مفهوش الاوبشن دة ؟؟؟

و شكرا ليك مرة أخرى

[bassem_fencer]

و معلش حاجة كمان ... انا جبت القفل الى بيمسك الطارة بالبدال .... هحتاج بتاع الطارة لوحدها دة برضة ولا اية؟ ؟؟

[Abd ellatif]

با النسبه لرقم البربريز انا خفيه عندى بورقه صغيره مدخلها من التبلوه بص انت هتلقى من عند الرقم من جوه من التبلوه هتلقى فتحه لتحت نزل فيها الورقه وحاول تدخلها شويه وتظبطها على الرقم بحيث انو ميظهرش وبا النسبه للستيكر الى خلف كرسى السائق الى مكتوب عليه بلد المنشا ومعلش بقى فى حكايه الانزار ده ان بجد معنديش معلومه عنه وبا النسبه للقفل اعتقد ان الى عندك كفايه