المشاركة الأصلية كتبت بواسطة mody112
السلام عليكم طبعا كلنا عارفين مشكلة الحكومة مع البنزين واللى زادت قوى اليومين دول واللى زاد الطين بله وخلى الامور اخر عله الارتفاع الجنونى فى سعر الدولار وباقى العملات مقابل الجنية المصرى حيث ان مصر تستورد احتياجاتها من البنزين والسولار.( يعنى موت وخراب ديار ). والحكومة كل يوم والتانى تطلع تهديد بزيادة اسعار البنزين والسولار(بحجة رفع الدعم تدريجيا عن المواد البترولية ) ولما تحس ان الشارع المصرى مولع لوحده مش ناقص وليعة تأجلها شوية لغاية لما اخدت الجراة وقررت زيادة البنزين ال 95 تأجيل زيادة باقى المواد البترولية لاجل غير مسمى طبعا احنا ( الطبقة العريضة من المصريين ) اللى يهمنا فى الموضوع هو اسعار البنزين ال92 وال 90 وال 80 والسولار طبعا والحكومة عماله تقولك ده هيبقى كوبونات لا ده هيبقى بالبطاقة الرقم القومى لا ده هيبقى بالبطاقة التموينية ولغاية دلوقتى مش راسيين على بر وايا ما يكون فى كل الاحوال هيكون القرار زيادة تنغيص عيشة المواطن المصرى ( من الطبقة العريضة طبعا )لانه البنزين والسولار لما يزيد ده كل حاجة فى البلد هتزيد وطبعا انتو عارفين الاستغلال فى الزيادة عامل ازاى هتلاقى الاكل هيزيد ( تكلفة نقل المواد الغذائية والخضروات والفاكهة هتزيد نتيجة لزيادة اسعار السولار والبنزين ) والكهرباء هتزيد والعيش واجرة المواصلات والحديد والاسمنت والشقق والايجارات ......... ........الخ. طب ليه الحكومة مش بتقول على اى بدائل تانية للخروج من الازمة وتكتفى فقط بالحل من وجهة نظرها لتخفيض الدعم عن المواد البتروليه بدون تنغيص عيشة المواطن المصرى العريض مع ان الحل ممكن يكون بسيط وفى متناول ايديها لان احنا بلدنا مصر من اكبر الدول على مستوى العالم فى مخزون الغاز الطبيعى وعندنا فى بلدنا يعنى مش هنستورده زى البنزين ده اصلا موجود عندنا طيب ليه ما نتوسعش فى امتشافه واستخراجه و استخدامه فى السيارات وخصوصا ان الاجهزة الحديثة منه لا ينتج عنها اى مشاكل بالنسبة لمواتير السيارات حسب الابحاث والتقارير وحسب كلام المستخدمين له سواء فى التاكسى او الملاكى وكمان ان السحب فى الغاز لا يختلف كثيرا عن السحب فى البنزين وهو الامر الذى يتلاشى نهائيا عند مقارنة السعر بالنسبة للغاز وكذلك عدد الكم المقطوعة بالنسبة للتفويله الواحدة فحسب كلام المستخدمين فان الاسطوانة الحجم 70 لتر تفول ب 16 م مكعب غاز بحوالى 7 جنيهات تكفى للسير لمسافة 200 كم تقريبا يعنى التوفير خطييييييييييييييييير جدا وكتيييييييييير جدا جدا جداوبدون الدخول فى تفاصيل اكتر من ذلك فى موضوع الغاز فالمنتدى هنا لديه مواد دسمة جدا وقيمة عن ذلك الموضوع بالتفصيل . ولكن تكمن المشكلة الاساسية فى تكلفة تحويل السيارة من بنزين الى غاز وهنا مربط الفرس وهنا هو ما يجب ان تتدخل فيه الحكومة لتخفيض هذه التكلفة فهى حوالى 600 جنيه الى تكلفة شبة رمزية يعنى حوالى 1000 جنيه فقط ( مثلا ) وهو ما سيشجع الكثيرين جدا جدا على التحويل لانخفاض التكلفة وهو ايضا ما سيعود بالنفع على الدولة من توفير المليارات التى تنفق على البزين والسولار وايضا ما سينعكس على نظافة البيئة . ارجو من الحكومة النظر لهذا الموضوع بعين الاعتبار والتخفيف عن المواطن المصرى ومع الاخذ فى الاعتبار ان المنفعة ستكون متبادلة يعنى مش دعم لا ده استثمار . والسلام عليكم ورحمة الله وبركاته
|
بص ياباشا رغم ان حضرتك دخلت فى كذا موضوع بس ده ناتج طبيعى لحاله مصر بعد الثوره جايه من تكسير وحرق وتدمير جهاز امن ولسه ياما هنشوف من الثورة الشالت نظام وحش جابت نظام اوحش
وبالنسبه لموضوع ان حضرتك عايز تحول لغاز ازاى ابقى راكب عربيه بنزين وادمر الموتور بتعها عشان احول غاز طب ما الحكومه تخلى العربيات التنزل تشتغل غاز فى بعض شركات السيارات بقيت بتنزل عربيات مواتيرها غاز اصلا وتنزل فى مصر او الحكومه تدخل مواتير غاز من غير جمارك والعايز يغير الموتور يغيرو
21-02-2013, 02:10 PM
الحكومة والبنزين والدولار
