سؤال فنى محتاج خبيييييير لادا

[zing0]

السلام عليكم
كنت سألت عن ضبط التاكيهات قبل كده
و عرفت إن الضبط ممكن يكون مرة واحدة و تنفغ للصيف و الشتاء
و كان رد إحد الإخوة دكاترة اللادا:

تظبط التاكيهات عند واحد بيفهم وبالمقاسات الآتية وتقولة كدة يشتغل زى ما انت عاوز تاكيهات صباب العادم الفللر مقاس 25 ، وصبابات الهوا ( الحريق) على 20 فقط .

و قاللى بالمرة:

تغيير بكات السلانسية والسرعة اياً كانوا بالارقام الاتية : السلانسية بك رقمة 120،والسرعة(البوابة التانية ) 150 وعلى فكرة دى مقاسات الفبريكة مش اختراع يعنى .

بس أنا لاقيت فى الكتالوج (بتاع 2107, و ليس 2105 و مش عارف هل يوجد فرق فى البيانات دى و لا لأ)
لاقيت إن فتحة التاكيهات للكل 0.15 مم بالفيلر

و برضه بعض الأعضاء قالوا إن بك السلانسية فى اللادا 105 لأن أعلى من كده بتبلع بنزين.

أنا بصراحة كنت هطنش موضوع ضبط التاكيهات لأنى لاقيت أنة موال: لازم أجيب جوان تاكية الأول و أسيب العربية 3-4 ساعات لحد ما تبقى باردة تماماً و لازم الميكانيكى يكون شاطر و .....
بس لاقيت زيت مسرب من الجوان القديم, و بالتالى لااااااااازم يتغير, فبالمرة أضبط تاكيهات علشان الدخنة السودا إللى مش نافع معاها تضبيط كربراتير خالص.

تانى طلب ليا: عاوز أعرف فين مسمار البنزين و الهوا و السلانسية فى كربراتير 2105 بالله عليكم؟

حد يوضحه لنا فى الصور المرفقة؟



منتظر ردودكم و جزاكم الله خيرا.

[abokoko]

متابع لانى عايز اعرف واتعلم

[محمدصلاح القاضى]

المشاركة الأصلية كتبت بواسطة zing0 السلام عليكم كنت سألت عن ضبط التاكيهات قبل كده و عرفت إن الضبط ممكن يكون مرة واحدة و تنفغ للصيف و الشتاء و كان رد إحد الإخوة دكاترة اللادا: و قاللى بالمرة: بس أنا لاقيت فى الكتالوج (بتاع 2107, و ليس 2105 و مش عارف هل يوجد فرق فى البيانات دى و لا لأ) لاقيت إن فتحة التاكيهات للكل 0.15 مم بالفيلر اولا لو موتور عربيتك استندر يعنى متفكش منه مسمار قبل كدا يعنى لا خرط وش سلندر ولا عمر ولا اى حاجه من دى يبقى تظبط على 0.15 مل بالفيلر للكل ودا ليه ؟؟ لانه انسب وضع بيخلى شوط الصباب سواء عادم او حريق مظبوط طيب لو غيرت او عملت شغل فى الموتور يبقى الميكانيكى او الخراط بيظبط على الوضع اللى موجود قدامه يعنى ممكن يظبط صباب على 0.15 وممكن يظبط التانى 0.25 حسب ما التاكيه محمل او مفتوح لان ببساطه مقاسات الاستندر اختلفت نتيجة الشغل ودا بيظهر واحنا بنقسم الكاتينه فى عربيات ممكن تنظبط على الاستندر وعربيات تانيه استحاله تظبط لازم تقدم الحريق او تأخر العادم وخدها نصيحه منى شوف خراط كويس يظبط لك التاكيهات والدليل على الظبط ان التاكيه لا يكوون محمل يسخن العربيه ويخليها تاكل زيت او يخليه مفتوح يعمل صوت نقره اثناء تشغيل الموتور و برضه بعض الأعضاء قالوا إن بك السلانسية فى اللادا 105 لأن أعلى من كده بتبلع بنزين. [COLOR="rgb(139, 0, 0)"]دا برضه عمره ما يظبط الا عن طريق التجربه لان مش كل الكربراتيرات نفس الحاله انا الكربراتير بتاعى المجارى بتاعته سالكه او تقدر تقول واسعه لو ركبت اعلى من 105 يخلى العربية تاكل بنزين والبوجيهات تهبب والافلام اللى باقيه وفى واحد الكربراتير بتاعه المجارى بتاعته مش سالكه او ضيقه يركب ال 105 يخنق العربيه ويخلى سحبها ضايع واما يركب اكبر من كدا ترتاح العربيه أنا بصراحة كنت هطنش موضوع ضبط التاكيهات لأنى لاقيت أنة موال: لازم أجيب جوان تاكية الأول و أسيب العربية 3-4 ساعات لحد ما تبقى باردة تماماً و لازم الميكانيكى يكون شاطر و ..... بس لاقيت زيت مسرب من الجوان القديم, و بالتالى لااااااااازم يتغير, فبالمرة أضبط تاكيهات علشان الدخنة السودا إللى مش نافع معاها تضبيط كربراتير خالص. لا مطنش ظبط التاكيهات اظبط التاكيهات ولو لزم الامر نظبط تقسيمة تانى نظبط طالما انا عاوز اظبط تانى طلب ليا: عاوز أعرف فين مسمار البنزين و الهوا و السلانسية فى كربراتير 2105 بالله عليكم؟ حد يوضحه لنا فى الصور المرفقة؟ منتظر ردودكم و جزاكم الله خيرا. [/COLOR]

بالنسبه للكربراتير
ياريت تصوره من جميع الجوانب لان الصور اللى فوق مش موضحه بشكل ادق

وتحت امرك ومتابع معاك

[ahmed_gamal777]

بص يا كبير الراى بتاع ضبط على 25 كنت دايمن ماشى علية
وموضوع صيف وشتاء برضة كنت ماشى علية
ريح نفسك هتروح لحد متخصص ضبط تاكية ( ممكن تقولى ساكن فين ولو فى حد قريب هواللك علية )
بالنسبة لسلانسية - لية بيك كبير اسمة بك السلانسية ودا بنطلع ونضفة
بالنسبة لمسامير بتاعت الهوا والبنزين ( دول 2 هوا و واحد بنزين ) افضلك انك متلعبش فيهما خالص
بتاع الكربيراتير يظبط وتمشى على الظبتة دى
ولو فى صورة من زوايا اكتر انا تحت امرك
ومن الاخر لو ازنقت اوى اوى هتعمل حاجة من اتنين
1- هتفتح الشفاط حتة لحد متروح لميكانيكى بتاعك - حل سريع لو بتبرجل
2- تقدم الكهرباء سنة بسيطة ازاى تفك الصامولة ال 13 الى رابطة الاسبراتير وتحرك يمين او شمال وانت مركز ودنك مع صوت المكنة عشان تعرف بتعلى كهرباء ازاى
ولو عايز اى حاجة انا تحت امرك
وسامحنى فى تقصيرى من ناحية حضرتك
وكل الاخوة الافاضل
وتذكر دائما ان تلتمس لاخيك عذرا
وان لم تجد فلتمس عذرا

[hassanin_lada]

المشاركة الأصلية كتبت بواسطة ahmed_gamal777 بص يا كبير الراى بتاع ضبط على 25 كنت دايمن ماشى علية وموضوع صيف وشتاء برضة كنت ماشى علية ريح نفسك هتروح لحد متخصص ضبط تاكية ( ممكن تقولى ساكن فين ولو فى حد قريب هواللك علية ) بالنسبة لسلانسية - لية بيك كبير اسمة بك السلانسية ودا بنطلع ونضفة بالنسبة لمسامير بتاعت الهوا والبنزين ( دول 2 هوا و واحد بنزين ) افضلك انك متلعبش فيهما خالص بتاع الكربيراتير يظبط وتمشى على الظبتة دى ولو فى صورة من زوايا اكتر انا تحت امرك ومن الاخر لو ازنقت اوى اوى هتعمل حاجة من اتنين 1- هتفتح الشفاط حتة لحد متروح لميكانيكى بتاعك - حل سريع لو بتبرجل 2- تقدم الكهرباء سنة بسيطة ازاى تفك الصامولة ال 13 الى رابطة الاسبراتير وتحرك يمين او شمال وانت مركز ودنك مع صوت المكنة عشان تعرف بتعلى كهرباء ازاى ولو عايز اى حاجة انا تحت امرك وسامحنى فى تقصيرى من ناحية حضرتك وكل الاخوة الافاضل وتذكر دائما ان تلتمس لاخيك عذرا وان لم تجد فلتمس عذرا

الله ينور عليك ياهندسه

احب اضيف ان العربيه بتنزل ببك سلانسيه 115 وعشان بتبقي بلاعت بنزين بنخليه 110 وده بيكتم العربيه بعد سرعات 100

لكن ال 105 ده هيخنق العربيه علي الاخر