إخترع محرك يعمل بضغط الزيت الهيدروليكى!!

[screamseko]

(اشرف سعد مخترع مصري لا يحمل اي شهادات دراسية)



أشرف سعد نموذج مشرف للمواطن المصري البسيط
أشرف لا يحمل اي مؤهلات لكن منحه المولى (عز و جل ) عقلا لا يتوقف عن العمل و إرادة من حديد
فبعد ١٣ سنة من البحث إخترع محرك يعمل بضغط الزيت الهيدروليكى
يعمل بدون ماء وبديلا للطاقة الحالية من بنزين و سولار ..
تكلفة الزيت ١٠٠ جنيه ويمكن أن يدير السيارة من عام الى عامين و لا يسبب تلوث
الله عليكي يا مصر

للاسف معنديش اي تفاصيل
لو حد عندو تفاصيل عن الموضوع ده ياريت يفيدنا

[أحمد محمود عبد الرازق]

ممكن شوية تفاصيل . يعنى مثلاً ضغط الزيت ده مصدره إيه ( لو طرمبه بيدورها نفس المحرك يبقى فى حاجه غلط )
و على فكره فى ناس عملت محرك بالهوا و قالوا دائرته مغلقه يعنى مبيخلصش و تقدر تمشى بى سنه بدون واقود ( مصريين برضه و ممعاهمش شهدات برضه ) و بعد كده إتضح إن الفكره ليست صحيحه بعد عرضها على أهل الإختصاص . حتقولى ده حاصل على برائة إختراع , مش مشكله بس عند العرض لبحث التنفيذ يتضح أنها غير سليمه . لأن الطاقه لا تفنى و لا تستحدث من عدم يعنى .

[ahmed_zamalek7]

والله ياريت ياخد دعم
الموتور ده لو فكرته صح وادعم جامد هيطورو فيه وساعتها يبقو حلو مشاكل كتير قوى

[الغباشي]

المشاركة الأصلية كتبت بواسطة أحمد محمود عبد الرازق ممكن شوية تفاصيل . يعنى مثلاً ضغط الزيت ده مصدره إيه ( لو طرمبه بيدورها نفس المحرك يبقى فى حاجه غلط ) و على فكره فى ناس عملت محرك بالهوا و قالوا دائرته مغلقه يعنى مبيخلصش و تقدر تمشى بى سنه بدون واقود ( مصريين برضه و ممعاهمش شهدات برضه ) و بعد كده إتضح إن الفكره ليست صحيحه بعد عرضها على أهل الإختصاص . حتقولى ده حاصل على برائة إختراع , مش مشكله بس عند العرض لبحث التنفيذ يتضح أنها غير سليمه . لأن الطاقه لا تفنى و لا تستحدث من عدم يعنى .

كلام مظبوط 100/100 لان الافكار دي بتعارض قوانين الطبيعه الي خلقها ربنا
القانون الاول والثاني للديناميكا الحرارية
واعرف برده ان الهيئات المختصة بمنح براءات الاختراع بالخارج بطلت تنظر اصلا في الافكار الي بتدور حول الطاقه المجانية والحاجات ذاتيه الحركة
بالاضافة الي ان المحركات التي تعمل بضغط الزيت الهيدروليكي تستعمل منذ اربعينات القرن العشرين
الهم الا اذا كان المخترع قد قام بتطوير محرك هيدروليكي وتحسين اداءه او ابتكر طريقه جديده لتوفير الطاقة او تحويلها بشكل جديد وحط تح توفير وتحويل دي مليون خط

[aborawan]

المشاركة الأصلية كتبت بواسطة أحمد محمود عبد الرازق ممكن شوية تفاصيل . يعنى مثلاً ضغط الزيت ده مصدره إيه ( لو طرمبه بيدورها نفس المحرك يبقى فى حاجه غلط ) و على فكره فى ناس عملت محرك بالهوا و قالوا دائرته مغلقه يعنى مبيخلصش و تقدر تمشى بى سنه بدون واقود ( مصريين برضه و ممعاهمش شهدات برضه ) و بعد كده إتضح إن الفكره ليست صحيحه بعد عرضها على أهل الإختصاص . حتقولى ده حاصل على برائة إختراع , مش مشكله بس عند العرض لبحث التنفيذ يتضح أنها غير سليمه . لأن الطاقه لا تفنى و لا تستحدث من عدم يعنى .

اسمحلي يا باشا اصححلك معلومة (محرك الهوا)) انا اعرف صاحب المشروع معرفه شخصيه واخر معلومه عرفتها من احمد تركي صاحب التصميم انه اشتغل في مصنع في برج العرب اسمه((air motor))والمصنع هيصنع سياره مصريه بالكامل تعمل بالهواء وقال كمان انهم راحين الصين اليومين دوول عشان يعملوا اسطمبة الموتور والعربيه هيكون فيها كوريك ذاتي شغال بالهوا وشوية كماليات خاصة بالهوا