سؤال لأهل الخبرة فيات 128

[the.bracelet]

السلام عليكم ورحمة الله وبركاتة
لو سمحتو سؤال لأهل الخبرة والمعرفة:
انا كان عندي فيات 128 وكانت اول بختي ف العربيات واخدت فترتها وبعتها لظروف بس مش مادية ولا عيب فيها وبصراحة كانت مريحاني وقطع غيارها كانت رخيصة وفي كل حتة وجنب البيت. وبصراحة كدة انا بعون الله بفكر اشتري عربية تاني بس احب اوضح ان استخدامي بسيط ومشاويري قليلة وداخل المدينة. المهم وانا بقلب كدة ف الاعلانات ع النت لقيت عربية صغيرة وبيليق عليها الروشنة جداً جداً جداً. هقول طبعاً على نوعها ولو أني عارف أنكو هتستغربو جامد لأنها على حد علمي البسيط والمتواضع انها مش مشهورة ومشوفتش منها غير عربية واحدة بس بتمشي ف المنطقة هنا عندنا. العربية دي هي لادا أوكا.
بصراحة حاولت اشوف مواقع بتتكلم عنها ولقيت بس مش كتير ودة اللي خلاني اشك انها مش معروفة عند ناس كتير حتى مواقع بيع السيارات ف مصر بردو مكنش ليها فيها اعلانات بيع كتير ومعظمها قديم.
وبصراحة أكتر انا معلوماتي عنها بسيطة جداً ومشوشة. يعني اسمع ان موتورها 3 سلندر بس وف موقع اجنبي لقيت فية رسم لمقطع ف الموتور 2 سلندر بس. وكمان انا مش عارف هي ليها راديتير ولا تبريد هواء بس لما شوفت صورة للحوض مشوفتش راديتير. واعرف من نفس الموقع الاجنبي ان موتورها اقل من 700 سي سي ودة مش هيفرق معايا كتير لاني مش محتاج السحب ف حاجة. وشوفتلها صورة من جوا الكابينة ولقيت آخر العداد 160 كيلو بس.
انا بصراحة محتاج أعرف الآتي:
1) نوع تبريد الأوكا اية (تبريد هواء زي السيات كدة ولا راديتير)؟
2) هل قطع غيارها متوفرة عند بتوع الادا ولا شحيحة وياريت لو حد يعرف إذا كان ليها قطع غيار استيراد ولا لازم جديد؟
3) اسعار قطع الغيار زي الفيات 128 ولا في فرق؟
4) هل هي عربية بتتباع ولا اللي بيشتريها بتبقى بتاعتة ومش بتتباع؟
4) هل هي بتسخن جامد ف الصيف ولا حرارة الموتور بتبقى ف المعقول؟
5) ياترى أي ميكانيكي بيشتغل فيها ولا بيزهقو منها
وبتعمل حولي كام كيلو ف الصفيحة؟
أرجو الإفادة وياريت لو حد عندة اي معلومة تاني يحب يضيفها أكون شاكر لية...
والسلام عليكم ورحمة الله تعالى وبركاتة

[mr_astra]

موتورها تبريد ماء
وهو يعتبر نصف موتور الـ لادا سمارا

حاجتها موجودة جديد عند سيد نصار
واستيراد فى عزبة شلبى

[the.bracelet]

المشاركة الأصلية كتبت بواسطة mr_astra موتورها تبريد ماء وهو يعتبر نصف موتور الـ لادا سمارا حاجتها موجودة جديد عند سيد نصار واستيراد فى عزبة شلبى

سيدي الفاضلAbonorA الموضوع ليس بخصوص الفيات 128 حتى يتم تعديل العنوان هكذا ولكن الموضوع بخصوص لادا اوكا وشكراً
سيدي الفاضل mr_astra شكراً جزيلاً على الرد

[the.bracelet]

اية يا جماعة؟!!!!!!
فين الردود؟؟؟؟؟؟؟؟؟

[محمد رمضان ابراهيم]

بالنسبة للعربية 128 هيا كويسة الى حد ما ومن احسن العربيات اللى تتعلم عليها عشان تعرف تسوق اى عربية جديدة بس لادا احسن منها طبعا قطع غيارها موجود وهيا مطلوبة فى السوق بس ياريت نبقى روسى افضل من لادا المصرى والعربيات القديمة فى الصيف لازم تسخن واى ميكانيكى بيشتغل فيها