#1
|
||||
|
||||
مالك النهاردة يا لانوس؟
الاخوة الكرام
من حوالى اسبوعين طقت فى دماغى ابيع حبيبتى لانوس واجيب حاجة تانية وطبعا اللى متابع باقى الاقسام هيلاقينى هريت المنتدى استفسارات عن عربيات مختلفة وبامانة انا فكرت انى ابيع العربية رغم انها موفرالى كتير وبترضى بقليلها ونادر لما تحك معايا فى مطبات رغم الطرق الوعرة اللى بمشى عليها لسبب واحد الا وهو انى بقالى فترة حاسس انى ظهرى تعبنى من العربية وخاصة ان ابعاد وزاويا العربية لما بتقعد على الكرسى فى وضع مريح بتبقى محتاجة لتقدير المسافات كويس لانك مبتبقاش شايف الكبوت كويس والنقطة دى متزعلش اى حد لو الطريق بتاعك مفتوح وكويس انما لو طريق زحمة ورخم زى اللى بمشى عليه كل يوم مع الوقت هتتعب نفسيا شوية ، الا ان النهاردة حسيت باحساس غريب اول ما صحيت حسيت انى بحبها ومش هاقدر ابيعها وطلبت معايا عبد الحليم بحبها بحبها وفى قلبى ساكن حبها الخ المهم بعد ماروحت الشغل رجعت البيت على طول وبفكر فى حل لمشكلة ظهرى اللى تاعبنى من العربية والحمد لله لقيت الحل وممكن تستغربوا وتضحكوا شوية بس معلش هاقوله وخلاص بس ما تضحكوش عليا جبت شلتة صغيرة لقيتها فى البيت صدفة وطلعت على قد الكرسى بالظبط واجرب اركب فى العربية الاقى ظهرى مستريح وشايف الكبوت كويس والدنيا ورد اوركيد المهم حمدت ربنا واتوكلت على الله وروحت المكتب بس يا فرحة ما تمت فى صوت غريب وجديد ظهر فى العربية فجاة الصوت ده انا سامعه فى المقص اليمين لما باجى اكسر الدركسيون فى ملف مثلا او وانا باركن وحسيت الدركسيون تقل سنة عن الاول بس عامة الحمد لله على كل حال ياريت حد يطمنى ويعرفنى ممكن يكون الصوت ده نتيجة ايه بالظبط قبل ما اروح للعفشجى اسف للاطالة بس حبيت انكم تشاركونى فى فرحتى بلانوس وبالمشكلة اللى انا فيها تقبلوا تحياتى |
#2
|
||||
|
||||
رد: مالك النهاردة يا لانوس؟
السلام عليكم
ممكن تكون البطاحه والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: مالك النهاردة يا لانوس؟
ان شاء الله بسيطه ممكن جلبه مقص او كاوتش ميزان او شويه تربيط علي الماشي وممكن البطاحه برضه كلها سهل بسيطه بعون الله
__________________
لمن لا يعرفني
http://www.masrmotors.com/vb/member.php?u=50931 لتجاره قطع الغيار الاستيراد والجديد ومقاوله سيارات الحوادث (لانوس - نوبيرا - كيا سيراتو - تويوتا - لانسر - هيونداي - اوبترا - اوبل - متسوبيشي ) اقوي مقابلات الاسكندريه فى اجازه نصف العام 2013 http://masrmotors.com/vb/showthread.php?t=105128 |
#4
|
||||
|
||||
رد: مالك النهاردة يا لانوس؟
والله انا شاكر ليكم سرعة الرد ولو امكن تعرفونى ممكن تكلف كام؟ وهل وراد لا قدر الله يكون المقص اتكسر مثلا او فى مشكلة فى الاسكترا لان الطريق اللى بمشى عليه فعلا وحش جدا
|
#5
|
||||
|
||||
رد: مالك النهاردة يا لانوس؟
لالالا صعب تكون الاسكاترا او المقص مكسور ان شاء الله مش حتتكلف اكتر من 50 جنيه علي الاكتر لو جلب
__________________
لمن لا يعرفني
http://www.masrmotors.com/vb/member.php?u=50931 لتجاره قطع الغيار الاستيراد والجديد ومقاوله سيارات الحوادث (لانوس - نوبيرا - كيا سيراتو - تويوتا - لانسر - هيونداي - اوبترا - اوبل - متسوبيشي ) اقوي مقابلات الاسكندريه فى اجازه نصف العام 2013 http://masrmotors.com/vb/showthread.php?t=105128 |
|
|