المحافظة علي فرامل عربيتك وسلامتك على الطريق

[star_poison]

بعد ما حصلى مشكله مع الفرامله بسبب تاكل الكاوتش والحمد لله تم حلها بعد تغيره قولت احط الموضوع ده وهو موضوع منقول للامانه من احدى المواقع ولكن رايت فيه فائدة كبيره



كتير من الحوادث بتحصل بسبب الفرامل، نلاقي السائق داس فرامل علي الآخر لكن العربية زحفت أو لم تقف وتحصل الحادثة، أو داس فرامل وحصل منها صوت جامد أربك سائق العربية اللي جانبه فخبط فيه.. تعالوا نعرف بعض النصائح السريعة علشان يفضل أداء الفرامل في أعلي مستوي.
1. الكشف علي دورة الفرامل كل 3 شهور.. يعني نكشف علي التيل وزيت الفرامل وإذا وصل سمك التيل الي 3 ملليمتر لازم نغيره في الحال .. كمان نكشف علي زيت الفرامل بالنظر الي إربة زيت الفرامل الموجودة في حوض العربية وهنلاقي عليها علامتين واحدة توضح المستوي الأعلي للزيت والتانية بتوضح أقل مستوي له وطبعا إذا مكان مستوي زيت الفرامل أقل من علامة المستوي الأدني لازم نزوده ليصل للحد المطلوب ولكن يجب تزويده بنفس مواصفات زيت الفرامل الموجود بالعربية سواء إذا كان dot 3 أو dot 4 أو dot 5.. وإذا تكرر نقصان مستوي الزيت يجب الكشف علي دورة الفرامل في أحد مراكز الخدمة لمعرفة السبب وإصلاحه.



2. عدم الجري ثم التوقف ثم الجري ثم التوقف.. لأن استمرار القيادة بهذا الأسلوب يؤدي الي سرعة تآكل تيل الفرامل .. ويجب التعود علي أسلوب القيادة الهاديء لأنه يحافظ علي العربية ويقلل احتمالات الحوادث.
3. في العربيات الأتوماتيك يجب عدم الضغط علي دواسة الفرامل أثناء الانتظار عندما يكون الفتيس في وضع D ويجب نقل الفتيس علي الوضع N (المحايد) ورفع القدم عن دواسة الفرامل.
4. استمرار القيادة والعربية بها حمولات كبيرة يزيد من استهلاك تيل الفرامل لأنه عند الضغط علي دواسة الفرامل فإننا نقوم بتوقيف كتلة وزنها كبير جدا مما يساعد علي تآكل التيل بسرعة.. مثال اذا كان وزن العربية والسائق حوالي1300 كيلو جرام ونمشي بسرعة معينة فإنه عند الضغط علي دواسة الفرامل فإن التيل يحتك بالطمبورة ويحدث له تآكل ليتم إيقاف كتلة وزنها 1300 كيلو جرام ولكن اذا كانت العربية محملة 5 أشخاص وفيها حمولات تانية في الشنطة هيكون وزنها أكتر من1800 كيلو جرام ومع اعتبار ان العربية بتمشي بنفس السرعة عند الضغط علي دواسة الفرامل يكون التحميل علي التيل لايقاف العربية عالي وبالتالي معدل الاحتكاك بين التيل والطمبورة عالي وبالتالي تآكل عالي في التيل.
5. توقيف العربية وهي ماشية علي سرعات عالية يزيد من سرعة تآكل التيل علي عكس السرعات المعتدلة.



6. الاهتمام بتغير الكاوتش اذا كان ممسوح او متأكل ومراعاة ضبط ظغط الكاوتش حسب تعليمات الشركة المصنعة لأنه اذا زاد الضغط فإن مساحة عرض المداس (المساحة اللي بتلمس الأرض من الكاوتش) هتقل وبالتالي الاحتكاك بين الكاوتش والأرض هيقل وعند الظغط علي الفرامل العربية هتاخد وقت أكتر لتقف مما يجعل السائق يزيد من شدة الظغط علي دواسة الفرامل لتقف العربية في الوقت المناسب حتي لا تقع حادثة مما يزيد من استهلاك التيل.
7. يجب عدم غسل عجل السيارة وهي ساخنة (العجل هو الكاوتش والجنط والطمبورة والتيل) لأنه يؤدي الي سرعة تلف التيل والطمبورة

[M.TONSY]

معلومات قيمة ومهمة
جزاك الله خيرا

[myson medo]

ممتاااااااااااااااااااااا اااااااااز
: 140109~347:

[eng/walaaeldeen]

السلام عليكم

:140109~ 347:

ياريت كل واحد يكشف ويعتني دائما بالفرامل
والله المستعان

[محمد فيصل]

1000000000000000
يسر الله لنا جميعاً طريقنا وحفظنا من شرور الطريق والفرامل الخطر