افيدونى

[ahmed_el_22]

السلام عليكم ورحمة الله وبركاته
بفكر اشترى عربية صغيرة على قد فلوسى حوالى 12 الف وبفكر فى ال 128 مشوارى حوالى 25كم يوميا بس خايف اجيب حاجة تتعبنى فى الاصاحات
ناس كتير تقولى ابعد عن المستعمل المستعمل كله مشاكل وكلام من ده
مش عارف اعمل ايه وانا ماقدرش اجيب جديد
اعمل ايه

[amir elgamal]

طالما مضطر تجيب مستعمل يبقى هات حاجه حالتها كويسه على ما ربنا يفرجها
علشان لو حبيت تبيعها تعرف اولا وثانيا علشان ماتقرفكش فى كل مشوار وعند الصنيعيه برضو
اصل احنا مش هنقطع نفسنا ونفضل نشيل فلوس على ما نجيب عربيه جديده
هات عربيه تخدمك الايام ده على ما تجيب عربيه كويسه ان شاء الله
والله المستعان

[ahmed_el_22]

المشاركة الأصلية كتبت بواسطة amir elgamal طالما مضطر تجيب مستعمل يبقى هات حاجه حالتها كويسه على ما ربنا يفرجها علشان لو حبيت تبيعها تعرف اولا وثانيا علشان ماتقرفكش فى كل مشوار وعند الصنيعيه برضو اصل احنا مش هنقطع نفسنا ونفضل نشيل فلوس على ما نجيب عربيه جديده هات عربيه تخدمك الايام ده على ما تجيب عربيه كويسه ان شاء الله والله المستعان

ولا شكرا على تعبك وردك عليا
انا المشكلة ان الناس بتخوفنى من الاعطال ومصاريف العربية والكلام ده يعنى من مبدأ المستعمل اصلا
وبصراحة انا مش مقتنع بكلامهم بس عايز اتاكد اكتر ولا خاب من استشار

[screamseko]

بص الكلام ده قولته قبل كده في موضوع تاني

بص يا باشا انت شخصيا مش محتاج تاكل وتشرب ولو تعبت تروح للدكتور عشان تفضل سليم؟؟؟ العربيه نفس الموضوع كده محتاجه اكل وشرب اللي هو البنزين وميكانيكي اللي هو الدكتور لما تتعب ولو سيبتها تعبانه احتمال تخش مستشفي وحتدفع اكتر بكتيير اي حاجه في الدنيا عشان تاخد منها خير لازم تصرف عليها

فاعقلها وتوكل

[mr_astra]

طالما مفيش فلوس للجديد ......يبقى الحل فى المستعمل
بس متحصرش نفسك فى اختيار واحد
ممكن تقولنا المبلغ اللى معاك كام ونفكر كلنا انسب اختيارات بالنسبة للمبلغ نوعها اية