|
|||||||
| سيارات حواء MasrMotors Girls كل ما يهم المرأة عن عالم السيارات |
 |
|
|
أدوات الموضوع |
|
|||||||
| سيارات حواء MasrMotors Girls كل ما يهم المرأة عن عالم السيارات |
|
|
|
أدوات الموضوع |
|
#1
19-12-2012, 07:03 PM
|
||||
|
||||
إيه اللى حصل لكم يا مصريين ؟؟؟
من خواطرى
 إيه اللى حصل يا مصريين  ده يقول (نعم) وده يقول(لا) يقوموا متخانقين ده عمره ماكان طبعنا ولا جه فى شرع ولا دين عاوزة أقولكم ياولاد بلدى اننا مستهدفين وأعداءنا من كل جانب بينا متربصين دى مصر امنا مهد الحضارة على مر السنين خدوا بالكم اعداءنا على الحدود واقفين وكفاية قوى علينا الاسرائيليين ده احنا طول عمرنا فى بلدنا عايشين فى حضن بعض مسلمين و مسيحيين ولا عمرنا اتصنفنا برادعيين وحازميين ولا إخوان وناصريين وأتباع حمدين ولا علمانيين ونخبة وليبراليين وناس تسمع الغلط وتنفذه وتقول آآميين وناس تانيه تقول كنا قبل الثورة مرتاحيين وناس تانيه يا عينى وراء لقمة العيش تايهين الفقير فيكى يابلدى يكفيه طبق فول وطعميتين يأكل اولاده ويناموا أدامه متغطيين شبعانين إتعشم فى انبوبة البوتاجاز وزجاجة زيت التموين بصوا لفقراء بلدكم يا إخوان يامسلميين ده إنتم كنتم فى يوم من الايام من المساجين إتصدمت ناس فيكم وقالوا كذابين ليه بس تخلوهم يقولوا مرضى نفسيين يا د/مرسى لسة أمامك فرصة و احنا منتظرين وبلاش تستنى بديع و الشاطر دول خلونا غرقانين دول أخين يتناقشوا فى مادة دستورية أو مادتين يقوموا شاتمين بعض ومتخانقين و مختلفيين وما فيش مانع كمان يقوموا على بعض ضاربين يا ولاد بلدى ليه نسيتوا انكم كلكم فى الآخر مصريين ده واحد المفروض انه شيخ قاعد يسب ويشتم فى الفنانين طيب ما تنصح يا شيخ بلسان حلو ولين زى ما قال الدين ونسمع عن انفلات امنى وسرقة و تحرش ومغتصبين ده المصرى طوول عمره مثال الجدعنه والشهامه للأجمعين ده احنا حتى ما عرفناش مين حرق كنيسة القديسين وكان عاوز يعمل فتنة بين مسلمين ومسيحيين دول يقولوا يا إخوان يا منافقيين يا كذابيين ودول يقولوا يا عملاء يا برادعيين ويا وفديين يقوموا يحرقوا مقرات الاحزاب و مولعيين إيه اللى حصل يا ولاد بلدى ليه مش متفقين خايفة على ولادى وولادكم وولاد كل المصريين خليتوا اللى فى طره آآخر إنسجام و مبسوطين ونظيف وعز والمغربى وغيرهم فينا شمتانين مبارك وعصابته بقوا فينا فرحانين يا بلدى يا أحلى بلد عاوزين نعيش سالمين ده حلم بعيد وصعب عاوز تفسير ابن سيرين كفاية كده قلبى وجعنى وخلاص هتنزل دمعتين حزينة على بلدى وعلى حال كل المصريين هأقوم أصلى أدعى ربنا وأبقى أكمل بعدين
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم 
|
|
#2
19-12-2012, 07:08 PM
|
||||
|
||||
|
رد: إيه اللى حصل لكم يا مصريين ؟؟؟
معاك حق والله يا باشمهندسة
|
|
#3
19-12-2012, 07:10 PM
|
||||
|
||||
|
رد: إيه اللى حصل لكم يا مصريين ؟؟؟
السلام عليكم
ربنا ينور عليكي ويعطيكي العافيه ويكرمك في زريتك  يارب يوحد صفوف المصريين والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
#4
20-12-2012, 07:23 PM
|
||||
|
||||
|
رد: إيه اللى حصل لكم يا مصريين ؟؟؟
السلام عليكم ورحمة الله وبركاته
حتى سيرفر مصر موتورز كان مش شغال كلنا كنا خايفين يفضل كتير على ده الحال نتمنى مصر موتورز يبقى دايما عال العال مجمع كتير محترمين وعلى طول فى البال ربنا يحميك يامصر موتورز من كل العزال 
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
|
#5
20-12-2012, 07:34 PM
|
||||
|
||||
رد: إيه اللى حصل لكم يا مصريين ؟؟؟
 : THUMBS~220:كلام 1000 % ... 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
|
|
