صيانة الـ 20.000 كيلو BYD F3 موديل 2012

[mahshahin]

بسم الله الرحمن تم عمل صيانة 20000 كيلو بمركز القطامية

والسعر كان : 285 جنيهاً بدون زيت وفلتر زيت ... (( انا غيرت زيت في بنزينة شل )))

أشتريت زيت شل الترا 5000 كيلو بسعر 125 جنيهاً
وأشتريت فلتر زيت من الوكيل بسعر : 33 جنيهاً
تم حجز الصيانه قبلها بأسبوع تقريباً في الساعة الـ 9 صباحا .... انا روحت هناك الساعة 10 صباحاً العربية دخلت صيانة الساعة 12.30 ظهراً
وعند الاستفسار عن التأخير قالو لي اني جيت متأخر عن معادي (( وانا كا محمود أقتنعت ))
عن مايتم اجراءه لصيانة الـ20000كم فهو كالتالى :

1ـ تغيرزيت محرك

2- تغيير فلتر زيت محرك

3- تربيط عفشة امامية وخلفية

4 - مراجعة وإستكمال مستوى زيت الفرامل والدبرياج

5- مراجعة وإستكمال مستوى زيت الباور سترينج

6- مراجعة وإستكمال مستوى مياه المساحات

7ـ مراجعة وإستكمال مستوى مياه تبريد لمحرك

8ـ تغيير فلتر الهواء ـ فلتر البنزين

9ـ فحص البطارية وشحن الدينامو واستكمال مياه البطارية (ماء مقطر )

10- مراجعة وفحص حيز الموتور للتأكد من عدم وجود تسريب أية سوائل .

11- فحص سير الدينامو.

12- فحص خراطيم ووصلات الفرامل للتاكد من عدم وجود تسريب لزيت الفرامل .

13- فحص حالة الإطارات ( ضغط الإطارات ــ تأكل الاطارات ........)

14ـ فحص الانوار والإشارات ونور الصالون .

15- فحص كاوتشات الكبالن .

16 ـ تغيير البوجيهات.

17ـ فحص تيل الفرامل الأمامى والخلفي + طنابير الفرامل ( نعومة السطح ـ مدى التاكل )

18 ـ فحص فرامل اليد من حيث الاداء وطول المشوار

19 ـ فحص الابواب والمرايات الكهربية وسويتشات فتح زجاج الابواب .

20ـ تزييت مفصلات وكوالين الابواب .

21ـ إختبار الطريق لفحص أداء ( الفرامل ـ الباور سترينج ـ المحرك ـ الفتيس ) .

22 ـ فحص علب ووصلات الشكمان والتاكد من عدم وجود تسريب

دة اللي المفروض يتعمل في العربية ... ولكن لشركة الامل رأي أخر ... كل البنود ذات اللون الاحمر هيا التي تمت وباقي البنود (( حمادة بالجنزبيل ))

[mody112]

مفيش شوية اسعار كده بالمرة ؟

[mahshahin]

اسعار أيه ؟؟؟

[dr_eslam_66]

على فكرة إنتا إشتغلتني وليا عندك حق عرب.
أنا عمال أقرى في بنود الصيانة وأقول ياااااااه كل ده مش ممكن طيب تفتكر عملوا كل دا وأقول أكيد ما الراجل بيقولك بنفسه أهو أنا عملت كذا وكذا وأول حاجة جت في دماغي هوا مين وكيل البي واي دي علشان أشتري من عنده لما أكون هغير ولا حاجة وأقول دي شركة الأمل ياراجل معقول كدة.
وفي الأخر أنزل على جزور رقبتي في الأرض من سابع سما أول ما قريت (حمادة بالجنزبيل)
ربنا يسامحك ياشيخ.

[eng/walaaeldeen]

المشاركة الأصلية كتبت بواسطة dr_eslam_66 على فكرة إنتا إشتغلتني وليا عندك حق عرب. أنا عمال أقرى في بنود الصيانة وأقول ياااااااه كل ده مش ممكن طيب تفتكر عملوا كل دا وأقول أكيد ما الراجل بيقولك بنفسه أهو أنا عملت كذا وكذا وأول حاجة جت في دماغي هوا مين وكيل البي واي دي علشان أشتري من عنده لما أكون هغير ولا حاجة وأقول دي شركة الأمل ياراجل معقول كدة. وفي الأخر أنزل على جزور رقبتي في الأرض من سابع سما أول ما قريت (حمادة بالجنزبيل) ربنا يسامحك ياشيخ.

السلام عليكم
نفس الي حصل معايا بس انا شكيت في نفسي اني مش فاهم او في حاجه غلط فيه
وفي الآخر فرحت ان عقلي سليم ولا يوجد به خلل
والله المستعان