90 الف جنيه تحويشة عمرى راحوا حسبى الله ونعم الوكيل

[mohm_016]

بسم الله الرحمن الرحيم
كان معايا 90 الف وكنت عاوز ازودهم علشان اشترى عربية سيراتو اديتهم لواحد تاجر بيشغل الفلوس واخدت عليه وصلين امانة بالمبلغ بعدها بشوية قال انه دخل فى صفقة كبيرة واتنصب عليه فيها وكل فلوسه راحت واكتشفت انه لامم من الناس حسب ما سمعت 5 مليون جنيه بس احنا عارفين اهله وعيلته وكل شوية قعدات عرفى ومفيش نتيجة المهم انا واربعة معايا رفعنا عليه قضايا بالوصولات وباقى الناس لسه مصدقين ان القعدات العرفى هتجيب نتيجة المهم انا كاتب الموضوع دا علشان حاجتين
1- محدش يأمن حد على فلوسه وميطمنش لحد ويحرص اوى فى الزمن الزفت اللى احنا فيه دا
2- تدعولى ربنا يرد ليا فلوسى تحويشة عمرى يمكن دعوة فى ظهر الغيب تكون مُجابة عند الله

وحسبى الله ونعم الوكيل

[crime]

لا حول ولا قوه الا بالله
ربنا يردهملك الضعف ان شاء الله

[cmatcho]

ربنا يعوض عليك
ياباشا مين يدي فلوسه لحد في اليومين اللي احنا فيهم

[mohm_016]

انا عارف انى غلطان بس بقول قدر الله ماشاء فعل بس انا مش محتاج الوقتى بجد غير دعوة وربنا يرزق اللى يدعيلى برزق لا يتخيله فى الدنيا والآخرة

[john.wair]

قدر الله وما شاء فعل خيرها ان شاء ربك فى غيرها بص يا سيدى قدامك طريقين الاول انك تعد مع المحاكم و القعدات العرفى و ما شبه ذلك و ده ممكن بكده تبقى الفلوس ورث للاحفاد و التانى الشمال و انا و اللهى مش بحب الشمال بس للضروره حساب و هوه انك تراقب بيت الراجل ده و تاخد حد من عياله مراته او اخواته البنات امه ان حكمت و سلمنى و اسلمك