العربية بتترج وانا دايس فرامل

[dr_eslam_66]

لأ إطلاقا لايمكن للسير انه يعمل رجة ممكن يعمل ترنيمة ممكن يعمل صوت لاكن مش رجة ابدا بالشكل الي انتا بتوصفه.
صدقني هوا كدة بيحاول يخلع منك عموما سير لايمكن برضو يكون ب ١٥٠ ابدا كبيره ٧٠ او ٨٠ درهم.
بص بقي ياسيدي احرق دمه وروح اشتري السير جديد اوريجينال جديد وروحاه بيه وخليه يركب وجرب العربية لو لسة الرجة ماراحتش اصر علي موقفك لانك ادري واحد اذا كانت الرجة موجودة من الاول ولا لا مش هوا الي هيقولك.
هطول عليك شوية واحكيلك حكاية واستفيد انتا منها:
واحد صاحبي معاه ٣٢٥ موديل ٩٤ حصل مشكلة في الراداتير وضرب منه وهوا ماشي المهم اتحايلنا علي العربية لحد ماوصلنا لاقرب ميكانيكي وطبعا الي كان موجود وخلاص وروحنا اشترينا الرادياتير وغيرناه وظبطنا الدنيا والراجل ركب وبنجرب العربية لاحظنا رجة وترنيمة بس عالية شوية مع اول الدوارة وبعدين بتختفي وبعدين بتظهر مع تشغيل التكييف شوية وبتختفي.
بتظهر والعربية باردة مع صفارة وبعدين بتختفي.
رجعنا بعديها بيومين لنفس الورشة وبرضوا حاول يقنعنا انها كانت كدة من الاول وطبعا ماقبلناش بالوضع وبدا هوا شغل غصب عنه وكان السبب كالاتي،
اولا السير متقسم بالطول لمجموعة من المجاري واحد منهم كان خارج من البليو ياعني جزئ من السير خارج البلية بتاعته الي في الماتور.
السير كان مش مشدود كويس وخلي بالك انه لو مشدود زيادة برضو هيعمل نفس المشكلة
فكينا المروحة وربطناها تاني والنتيجة كانت مقبولة جدا جدا تقريبا اختفت الرجة بنسبة كبيرة مع ملاحظتها بشكل ضعيف عند تشغيل التكييف فقط لكام ثانية ثم تختفي.
قبنا بالامر الواقع وقولنا مع عملية التصليح الي جاية هنحاول نوديها للورشة بتاعتنا وهنكون واثقين انه هيظبطها احسن من كدة.

كلامك في التليفون غير وجودك فوق راسه في الورشة روحله بنفسك وقوله ركب السير دلوقتي وجرب وماتقبلشي باقل من حقك.
بالتوفيق انشاء الله

[sensitivets]

المشاركة الأصلية كتبت بواسطة dr_eslam_66 لأ إطلاقا لايمكن للسير انه يعمل رجة ممكن يعمل ترنيمة ممكن يعمل صوت لاكن مش رجة ابدا بالشكل الي انتا بتوصفه. صدقني هوا كدة بيحاول يخلع منك عموما سير لايمكن برضو يكون ب ١٥٠ ابدا كبيره ٧٠ او ٨٠ درهم. بص بقي ياسيدي احرق دمه وروح اشتري السير جديد اوريجينال جديد وروحاه بيه وخليه يركب وجرب العربية لو لسة الرجة ماراحتش اصر علي موقفك لانك ادري واحد اذا كانت الرجة موجودة من الاول ولا لا مش هوا الي هيقولك. هطول عليك شوية واحكيلك حكاية واستفيد انتا منها: واحد صاحبي معاه ٣٢٥ موديل ٩٤ حصل مشكلة في الراداتير وضرب منه وهوا ماشي المهم اتحايلنا علي العربية لحد ماوصلنا لاقرب ميكانيكي وطبعا الي كان موجود وخلاص وروحنا اشترينا الرادياتير وغيرناه وظبطنا الدنيا والراجل ركب وبنجرب العربية لاحظنا رجة وترنيمة بس عالية شوية مع اول الدوارة وبعدين بتختفي وبعدين بتظهر مع تشغيل التكييف شوية وبتختفي. بتظهر والعربية باردة مع صفارة وبعدين بتختفي. رجعنا بعديها بيومين لنفس الورشة وبرضوا حاول يقنعنا انها كانت كدة من الاول وطبعا ماقبلناش بالوضع وبدا هوا شغل غصب عنه وكان السبب كالاتي، اولا السير متقسم بالطول لمجموعة من المجاري واحد منهم كان خارج من البليو ياعني جزئ من السير خارج البلية بتاعته الي في الماتور. السير كان مش مشدود كويس وخلي بالك انه لو مشدود زيادة برضو هيعمل نفس المشكلة فكينا المروحة وربطناها تاني والنتيجة كانت مقبولة جدا جدا تقريبا اختفت الرجة بنسبة كبيرة مع ملاحظتها بشكل ضعيف عند تشغيل التكييف فقط لكام ثانية ثم تختفي. قبنا بالامر الواقع وقولنا مع عملية التصليح الي جاية هنحاول نوديها للورشة بتاعتنا وهنكون واثقين انه هيظبطها احسن من كدة. كلامك في التليفون غير وجودك فوق راسه في الورشة روحله بنفسك وقوله ركب السير دلوقتي وجرب وماتقبلشي باقل من حقك. بالتوفيق انشاء الله

ربنا يكرمك يا استاذي انك بترد عليا لان تخيل انهارده جيت اطلع بالعربية لاقيت ان الموضوع فعلا مش تكييف يعني لما طفيت التكييف رجة جامدة جدا وبالذات وانا دايس فرامل رجة غبية لدرجة اني عرضت العربية للبيع وجاه واحد وقالي الرجة غريبة اوي ولما حكيتله الحكاية وقلت ابيعها وهو يتصرف اشترط اني اصلحهاله الاول او نروح نكشف عند ميكانيكي وطبعا انا قلتله حافكر وارد عليك -ياتري كده يبقي فعلا الموضوع مش تكييف صح يبقي ابن اللذينا ده عمل ايه في العربية !!!!!!!! قبل موضوع التكييف مكنش في كده خالص وانا بصراحة اقولك مليش خبرة خالص في السيارات ومش بحبها بس مضطر امشي حياتي فعلشان كده باسال باستفاضة فارجو العذر لجهلي ولك جزيل الشكر واتمني انك تفدني ياتري كده الرجة دي كده بسببب الفك والتركيب ولو رحت كشفت عليها في ادنوك قبل البيع ياتري حتعدي ولا حتسقط !!!!!! ارجو الرد عاجل

[احمد على 1999]

هل تقدر تربط الرجة بالفتيس ؟
يعنى هل بتظهر على ال N او P و لا بتظهر على ال D بس ؟

و لما الهزة تظهر افتح الكابوت و شوف اخبار الماتور ايه ؟

وارد انه فك قاعدة من قواعد الماتور عشان يعرف يغير الكومبريسور و مركبهاش مظبوط
راجع على قواعد الماتور و الفتيس احتياطى

[sensitivets]

المشاركة الأصلية كتبت بواسطة احمد على 1999 هل تقدر تربط الرجة بالفتيس ؟ يعنى هل بتظهر على ال N او P و لا بتظهر على ال D بس ؟ و لما الهزة تظهر افتح الكابوت و شوف اخبار الماتور ايه ؟ وارد انه فك قاعدة من قواعد الماتور عشان يعرف يغير الكومبريسور و مركبهاش مظبوط راجع على قواعد الماتور و الفتيس احتياطى

شكرا لردك يا استاذ احمد-انهارده واحد جاه شافها وقالي ان كرسي الموتور مش موجود ومعرفتش افهم منه لان للاسف لهجته صعبة اوي وهندي واالانجليزي بتاعه ردئ جدا -ممكن تفتكر ان ده سبب ولا بيهيس

[احمد على 1999]

طيب و الله اعلم ده اللى توقعته و يمكن ابشع
ان هو اتضطر يفك قاعدة من القواعد ( الهندى بيسميها كرسى ) و شكله نسى يركبها