مصر موتورز مجتمع السيارات - العربية بتترج وانا دايس فرامل

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - العربية بتترج وانا دايس فرامل (https://www.masrmotors.com/vb/showthread.php?t=96039)

العربية بتترج وانا دايس فرامل

معايا نيسان تيدا 2007 اوتوماتيك ولسه مغيرلها كومبرسيور وكوندنسر وتلاجة للتكييف ومن ساعتها بتعمل حاجة غريبة اوي لما اجي ادوس فرامل في اشارة مثلا او لما اجي اطلع بيها اول مرة الصبح بالاقي العربية بتترج وانا علي الدي
وحتي باحس ان العربيات اللي جنبي بيتفرجوا عليا من كتر هز العربية وباحس انها بترقص بيا وانا واقف بس رقص علي فوق يعني مفيش تمايل انما رج لفوق
انا في الامارات وللاسف مفيش هنا ميكانيكة ف المنطقة الي انا فيها وبعيد اوي عني وكمان التصليح فظيع وعاوز اعرف العيب قبل مااروح علشان ميحصليش اشتغالة تكلفني دم قلبي لان معظمهم هنا هنود وباكستان وعك اي حاجة
ياريت حد يدلني

رد: العربية بتترج وانا دايس فرامل

افتكر مجموعه ناقل الحركه
عندك فيها مشكله
وياريت تراجع على حساس السرعه االلى على الفتيس
ممكن يكون برضه هو اللى عامل المشكله دى كلها

رد: العربية بتترج وانا دايس فرامل

راجع الفتيس في التوكيل اكيد بينقل علي ار بي ام غلط وممكن الكمبيوتر او الكونترول بتاع الفتيس

رد: العربية بتترج وانا دايس فرامل

منور ياغالي.انتا فين في الامارات يمكن اعرف اوصفلك ورشة كويسة.
وبعدين ماتصلحشي ابدا في ورشة فيها هنود او باكستان ياميكانيكي عربي يابلاش اه هما استغلاليين واغلي مرتين تلاتة كمان بس اخسن من العندي الي يمسك العربية من اولها لاخرها ويفضل يقولك غير دي تلاقي العيب ماتحلش يصولك طيب غير دي تلاقي العيب اتحل وظهر عيب تاني وتقوم مغير حاجة تالتة وهكذا يامعلم عمرك ماهتخلص.
يبقي الميكانيكي الغالي احسن من اي واحد بيفتي.
عموما هل الرجة دي بتظهر وانتا مشغل التكييف بس ياعني لو طفيت زرار كومبريسور التكييف بتختفي جرب وقولنا ومعلش اطفي الكومبريسور بس وسيب المروحة لو الرجة ماراحتش اطفي المروحة وقولي ايه الي حصل معاك.

رد: العربية بتترج وانا دايس فرامل

فعلا دا كان سوئالى برضه هل الرجة مرتبطة بتشغيل التكييف ؟