|
#41
20-10-2010, 03:20 PM
|
|||
|
|||
رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
ممكن تكون السيراتو مش منتشره غير في مصر بس بس في عربيات كتير كدا عندك البومه مثلا طيب مهيا مش منتشره غير في مصر بس نادر جدا لما بشفها بره ومحدش بيختلف عليها في مصر وبرده مش رخيصه ولا فيها رفهيه ولا حاجه انا شايف انها ازواق مش اكتر كل واحد بيرتاح في عربيه وبرده انا شايف موضوع السعر دا عامل مشكله لا لو الجولف مثلا رخيصه شويه والسيات ليون عمرك مكنت تلاقي سيراتو بشكل دا
|
|
#42
20-10-2010, 03:59 PM
|
|||
|
|||
|
رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
من وجهة نظري السيراتو كانت هتبقى احلى بجد لو انتشارها كان طبيعي لكن الانتشار الرهيب خلاها زي عربيه شعبيه او كأنها العربيه اللي في متناول الجميع زي الفيرنا والانسربس الفرق هنا ان الفيرنا ولانسر بومه سعرهم اقل كتير خصوصا في المستعمل لكن الغريب والجديد هو انتشار رهيب لعربيه بسعر كيا سيراتو....وبالنسبه لشركة كيا وعربيااتها اللي عمرها 5 سنين وبعدين بترميها ده كلام مش صحيح
وده عن تجربة امتلاك كيا سيفيا 2001 وماشاء الله عربيه كويسه
|
|
#43
20-10-2010, 06:58 PM
|
|||
|
|||
|
رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
ياااه
هي الناس لسه بتتكلم في السيراتو !! انا دخلت وتوقعت اني حلاقي اجابه عن سؤال مهم جدا عن سبب انتشار السيراتو مقابل سيارات اوروبيه في نفس فئتها و سعرها وتعتبر افضل منها لكن للاسف حكايه ان صاحب صاحبه قاله دي لم تقنعني بالمره !!! مبدئيا .. مينفعش نقارن السيراتو بالبونتو لكن نقارنها بالبرافو او اللينيا وشخصيا لو حقارن بينهم كعربيات بغض النظر عن اي معايير خارجيه اكيد حختار البرافو لانها من وجهه نظري اجمل عربيه في فئتها حاليا رغم ان بقالها 4 سنين .. وكتقنيه كفايه الفتيس الديوال كلاتش فلو حعمل مقارنه حطلع اشعار في البرافو وتقنيه فيات اللي تخلي السيراتو جنبها عربيه كارو (من وجهه نظري الخاصه علشان محدش يزعل ) لكن .... لو حنزل اشتري ... المعايير حتختلف تماما ... مقدرش اقول اني ساعتها حفضل السيراتو على البرافو ... لكن حفكر في ال 120 الف جنيه او اكتر اللي ححطهم في عربيه كوري بقى موريتاني ... بيتر شراير على ديوال كلاتش ... تقنيه ... تصميم ... ارقام .. اداء ثبات ... ثقافه .. كل ده كلام جميل جدا طالما بتفرج من بعيد لبعيد لكن ساعه دفع الفلوس ... الناس بتفكر بطريقه تانيه خاااالص محدش حينزل يشتري عربيه فوق ال 100 الف علشان واحد صاحبه قاله عليها كويسه !!! العربيه طلعت نزلت سلعه استهلاكيه .. بغض النظر عن اعجابنا بيها او اختلاف ارائنا وميولنا ... انا ممكن تطلع عيني على عربيه و مشتريهاش و اشتري عربيه تانيه خالص .. هل انا كده ابقى ساذج او على غير درايه بالعربيات وماشي خلف القطيع !! محدش بيتجوز واحده علشان بس عاجباه ... ومواصفاتها اوروبي !! ولا بيتجوزها علشان الناس قالولو عليها كويسه و124 حصان !! لازم تكون الاول بنت ناس و متربيه و تتعاشر ... و تعجبه برضو  بس الفرق ان الزوجه بتبقى شريكه العمر ... لكن العربيه في ناس كتير حتفكر حتبيعها بكام قبل ما تشتريها .. مش اي حد عنده استعداد يخسر مبلغ محترم في اعاده البيع علشان الناس تقول عليه بيفهم في العربيات انا عن نفسي لو فكرت في يوم اشتري البرافو حعتبرها زي اولادي وان فلوسها مكانتش معايا مش من الذكاء اننا نستخف بعقليه الاخرين .. لمجرد ان وجهه نظرنا مختلفه عن وجهه نظرهم الافضل نحط نفسنا مكانهم .. ونشوف هما بيفكرو ازاي .. يمكن ساعتها نقنعهم او يقنعونا وحيفضل برضو نفس السؤال :- ليه انتشار البرافو و اللينيا والسي فور ضعيف جدا مقابل السيراتو .... مع انهم (المفروض كعربيات ) احسن منها ؟؟!!! الاجابه عند اللي سابوهم و اشترو السيراتو 
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#44
28-10-2010, 02:08 PM
|
|||
|
|||
رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
السؤال الاخير دة هوه اكتر حاجة عاجباني مش معقولة كل الناس اللي جابت السيراتو مش فاهمين او مغفلين - اكيد فيهم ناس كتير قوي قدروا يحسبوها صح وكان الاختيار السيراتو يعني لو قولنا ان مليون واحد في مصر جاهز لشراء عربية في حدود السعر دة - 950 الف اشتروا سيراتو ( متهيالي اكتر ) - و50 الف اشتروا عربيات اخري في نفس الفئة السعرية - يبقي اكيد 100% ان الناس دي مش جاهلة في اختيارها لا نعيب في الفيات كما تعيب الناس في السيراتو ودة ليس لان الفيات انزلت مثلا او انها لا توجد بها عيوب - لا طبعا - بس لان الناس اللي اختارت السيراتو راضية تماما ولا يقارنوها باي عربية تانية لانهم خلاص قارنوا واختاروا - لكن الغريب بقي ان باقي الملاك الحاليين او اللي السيراتو مش عاجباهم نازلين شتيمة فيها !!!!!! الشجرة المثمرة بتتحدف دائما بالطوب
|
|
#45
29-10-2010, 02:36 PM
|
|||
|
|||
|
رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
والله انا فعلا قبل ما اشتري ال سيراتو حبيبه قلبي الي الكل بيكرها مش عارف ليه
انا كنت بالفعل بفكر ف الفيات جراند بونتو بس الظروف مسمحتليش اني اجيبها وجبت الكيا نيو سيراتو او الفورتي 2010 ومعايا بقالها سنه وعامل بيها 20 الف كيلو وهي خليجي سعودي والحمدلله مش من العربيات الي دخلت بايظه وعربيه تمام التمام وعفشه مريحه مش زي ما ناس كتير بتقول ناشفه من ورا ومكنه بسم الله ما شاء الله تحس ان في وحش تحت رجلك في دواسه البنزين زي ما بيقولوا كتير وقطع غيارها هتبقي في كل مكان بسبب انتشارها رغم اني لسه محتجتش والحمدلله اغير واشتري بس هحتاج قريب واقولك حاجه انا لو رجعت تاني وقدامي اختار واشتري هختار حبيبتي تاني ومش هتصدقني لو قلتلك ان بفكر باذن الله لما اغيرها كمان سنتين اشتري ال فورتي الجديده الي بقت ب فتيس 6 وكمان سنه هتبقا بمكنه 140 حصان gdi انا حاسس انك متحامل علي العربيه جدا والعربيه احسن عربيه في السوق قيمه مقابل سعر ولسه هتحق نجاحات اكتر واكتر ولسه هتشوف من الشركه الي بتقول كانت بتعمل عربيات وحشه وملهاش اسم شوف الشوما الي لسه فالشارع دلوقتي وكل الناس بتدور عليها علشان تشتريها في شريحه المستعمل مهما قلت مش هقدر اغيرلك فكرك بس بالنسبه لي العربيه جميله جدا واحسن قيمه مقابل سعر في الشريحه الي طلعت فيها فرده علشان ابقا راكب عربيه ومش هتصدقني لو قلتلك لو جيت انزل مش هعرف اركب زيها الا لو حولت اوروبي في نفس الفئه والكماليات وده سعرة عالي جدا او الماني ملحوظه لو كنت اشتريت فيات جراند بونتو عربيه روعه وهاتش باك وشياكه والمكنه مش سحلفه زي مابيقولوا هي تجميعها بطئ بس مكنتش هقدر الاحق علي مصاريفها في قطع الغيار وشكرا ليك علي رايك
|
 |
|
|
