|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#21
|
|||
|
|||
رد: بعد اللادا ممكن نركب أيه....؟
انا اعرف واحد بعد الادا جاب كريستاله خليجى جميع الكماليات الى تتخيلها وفتحه سف مرايات كهربا اتوماتيك وماستريحش فيها وباعها وخسر فيها ورجع تانى للادا ملحوظه اللادا للرجال فقط !!!!!!
|
#22
|
|||
|
|||
رد: بعد اللادا ممكن نركب أيه....؟
إيه اللى يخلى واحد بعد اللادا يرجع يجيب لادا تانى - واحد باع اللادا, و جاب فورد أسكورت كامله,و بردوا بيحلف باللادا - و واحد جارنا واخد اليوبيل الماسى من شركة أتوفاز (مجازاً) طول عمره و هو موظف حكومى بيبدل فى موديلات اللادا (2105 - 2107) لحد مطلع معاش و أخد مكافأة نهاية الخدمه, راح جايب لادا برضوا !!!! ليييييه ؟؟؟ هل فيها حاجه مش موجوده فى باقى العربيات للدرجه اللى تخليها تكسب المقارنه ؟ أنا كنت بأحسب أن ميزتها إن قطع غيارها رخيصة, بس لما شفت أسعار اللانوس و الأكسنت القديمة و الأكسيل و .... نفس الأسعار تقريباً. طيب أيه الميزة ؟ - تانى حاجه: أنا لسه مش جاهز بالمبلغ اللى يخلينى أدور دلوقتى بس مبدئياً مش مقتنع بأى صينى رغم إن واحد زميلى بيقول شعر فى الـ BYD اللى معاه و واحد جارنا معاه 113 و بيحمد ربنا أنه فكر فيها ربنا يباركلهم بس من لادا لصينى ... مستبعد الفكرة شويه
__________________
التعديل الأخير تم بواسطة zing0 ; 06-10-2014 الساعة 10:19 PM |
#23
|
||||
|
||||
رد: بعد اللادا ممكن نركب أيه....؟
التغيير فى حد ذاته كويس جدا ... خبرات مختلفة و تنوع
لازم حضرتك تكون عارف الشخصيتين الى مرضيوش يغيرو ... و اسبابهم ايه ... احتمال لهم وجهات نظر جيدة ... و احتمال مش قادرين على التغيير انا كنت مقتنع جدا بالشاهين ... و شايف انها افضل عربية على اد فلوسها و رائعة فى قطع الغيار و تحمل مفيش زيه فى الدنيا ... لغاية لما جربت اللانسر ... اكتشفت انى كنت مخطأ جدا ببساطة ... لو حضرتك تقدر تجرب عربيات تانية بنفسك يكون كويس جدا ... حتقارن بنفسك و تحكم بنفسك .... علشان حكمى و قرارى غير قرارك .. غير قرار اى حد تانى ... الصينى .... انا ما كنتش مقتنع بيه ... بس كنت منتظر رأى الناس الى جربته علشان تقول رأيها ... اخد انا الرأى ده ... و ابدا ابنى بيه قرارى انا ... انا اثق فى رأى استاذنا كارز ادماير ... و رأى استاذنا مستر استرا .. و رأى استاذنا عم حمدى .. و التلاتة اجمعوا على عدم الشكوى من الصينى عامة ... و الشكر فى بعض موديلات الصينى خاصة الناس مش بتشتكى من الصينى اوى زى ما كنت فاكر .... و اعتقد ان دى فكرة تستحق التجربة
__________________
|
#24
|
|||
|
|||
رد: بعد اللادا ممكن نركب أيه....؟
اللادا الجديدة المصري حلوة باور وتكيف ومتانة وموتور جبار ممكن تركب لادا جديد بدل اللانوس وعلي الاقل حاجة انت عارفها
|
|
|