بعد اللادا ممكن نركب أيه....؟
 

السلام عليكم
هو الموضوع قد يبدو غريب شوية لإن من اللحظة الأولى لطرح السؤال هتكون الإجابه... أى عربية أحسن من اللادا

أنا عارف أنها أرخم عربية ممكن ترهق الواحد فى سواقتها. و مشاكلها لا تنتهى
بس بأستغرب ساعات لما ألاقى واحد كان معاه لادا و حدث و جاب لادا تانى !!!!
- صحيح عربية الميكروباصات تخاف ترمى عليها فى الطريق, و قطع غيارها رخيصة (و مش معمرة طبعاً) و صيانتها سهله, بس أنسى الرفاهية مهما حاولت تعمل.

- دركسيون ثقيل فى تصميمه (سواء 3 بلية - 5 بلية - هاف باور...) و فيه نسبة بوش زياده و نص قطر دورانه كبير (لو يوتيرن ضيق لازم تأخده على كذا مرة)
- عفشة دوبل, يعنى مشاكل دوبل و مصاريف دوبل (4 بيض مقصات - 4 مقصات - 8 جلب مقصات .....) كله ضعف العربيات الأخرى. بالإضافة لكاوتشات الميزان المضروبه اللى ممكن تغيرها مع كل تربيط عفشة (كل شهر و نص - شهرين)
- مكنه صوتها عالى و سحبها ضعيف , يستحيل ضبط الرعشة اللى فيها سواء بإسبراتير عادى أو الكترونى, بالإضافه لكربراتير مشاكله كتير جداً
دى معظم المشاكل اللى ممكن تخليك تكره اللادا (علاوه على الشكل بس للأمانه الشكل فى الفئة السعرية دى مش بيختلف أوى عن باقى العربيات - بأتكلم عن المستعمل طبعاً)

طيب ايه اللى مصبرنا عليها ؟. - على أد لحافك مد رجليك.
بس لاحظت إن قطع الغيار فى الدايو اللانوس و الأكسنت القديمة و الأكسيل و .... سعرها متقارب جداً مع اللادا, طيب أيه اللى يخلينى أركب لادا لو معايا ثمن اللانوس أو الأكسنت, و طبعاً عيوب أقل و رفاهيات أكتر.

محتاج أتناقش مع حد فى الكلام ده و يدينى رأيه بموضوعية
أنا مش ناوى أغير دلوقتى - حين ميسرة يعنى - بس عاوز أعرف ممكن يكون فى نيه و لا أخلينى زى ما أنا
(يعنى عاوز أعرف عيوب العربيات دى) خاصة إن الميكانيكا بتاعتها أكيد مختلفة شوية عن اللادا, هل ممكن أتعامل معاها, و بنفس التكاليف تقريباً, و لا الموضوع واسع شوية.

جزاكم الله خيراً

رد: بعد اللادا ممكن نركب أيه....؟
 

رد: بعد اللادا ممكن نركب أيه....؟
 

كنت بنزل دمنهور 95%من العربيات هناك لادا تاكس وملاكى
واسكندريه برده معظم التكسيات لادا وطنطا
اكيد الناس دى شايفه حاجه احنا مش شيفنها
بس الصراحه هيه عربيه حمارة شغل واى ميكانيكى على اده بيشتغل فيها

رد: بعد اللادا ممكن نركب أيه....؟
 

انا عن نفسى هركب دبابة t62 لأنها دبابة روسى يعنى مارحتش بعيد عن اللادا وبعدين دى الدبابة الى جننت اسرائيل وامريكا فى حرب 73 وقلبت موازين الدبابات البطه الى زى سنتريون والباتون والآم 60 الى الدبابة t62 دلعتهم فى حرب أكتوبر ,, يبقى أكيد اللادا هدلع باقى العربيات ههههههه انا بهذر وانا عارف إنها مش ناقصه ولكن والله قصدى فعلاً ان سواقةاللادا تخلى الواحد ينزل منها يسوق لودر كمان لأنها فاشلة بكل المقاييس فى المنورات يعنى زى ماحضرتك تفضلت وقلت انك لوف بتعمل يوتيرن هتوقف الشمال كله وراك !لكن الى الأن مش عارف ليه المصريين الحلوين حبنها مع إن فى ال128 عربية غاية فى الجمال والنعمومه باالنسبة لللادا ياعشاق اللادا ,, عموماً زى الأخوة ماتفضلوا اللانوس طبعاً عربية ناعمة جداً باالنسبة لللادا وكمان فى عربية دى لولقتها بسعر مقارب لللانوس تبقى هى افضل بكتير هى النوبيرا 1 موديل 79 الى 98 ويكون الفتيس مانيول بجد عربية غاية فى الجمال والقوة والنعومة وتكنولوجيا بجد عربية جامده جداً وواسعة يعنى عائلية وحاجتها موجوده وقطع غيارها معمرة بعض الشىء --كمان لوعربية صينى توكيلها محترم ومتوفر قطع غيرها يبقى توكل على الله وماتترددش --- ده لوكان فى حدود ميزانية حضرتك والله الموفق بأذن الله وقريباً نقول لحضرتك مليون مبروك للسيارة الجديدة والأن اقولك ربنا يسلم طريقك ويعطيك خير اللادا ويكفيك شرها اللهم امين

رد: بعد اللادا ممكن نركب أيه....؟
 

ما دمت بدأت تفكر .... يبقى ان شاء الله التغيير قادم ...

انا رايى فى الشاهين كان زى رأيك فى اللادا ... لغاية لما جربت اللانسر ... عرفت ان انا كنت مبالغ فى رايى فى الشاهين ..

و رايى المتواضع .... العربية مش فى ثمنها فقط .... كمان فى تكاليف تشغيلها و فى احتياجى ليها ... يعنى حضرتك شاب و تقدر على بهدلة اللادا .... لما تكبر شوية ؟؟!! حتغير طريقة تفكيرك نتيجة المتغيرات الصحية الجديدة
العربيات المستعملة تحافظ عليها لو العربية دى تمثلك حاجة مهمة .... زى عربية الوالد مثلا ... عربية كويسة و عزيزة عليك .. دى تخليها على جنب .. لو انت عاوز كدة ... و تفكر تجيب واحدة تانية

اللانوس و الفيرنا كويسين .. و على اد فلوسهم .. و فيهم فكر مختلف عن الفكر الروسى الى احنا نعرفه ... الناس شكرت فى الاسبرانزا و البى واى دى
حتبيع اللادا الى معاك و تجيب لادا تانى ؟؟؟ يبقى انت مغيرتش حاجة
و اخير .... الفلوس الى معاك هى الى حتحكم