رد: بعد تكرار مذابح قائد الإنقلاب السيسي وسفك دماء المصريين تم تدشين موقع إحصائي لمجازر السيسي { سيسيمير sisimeter.com }
فيه ناس بتتعامل على ان دم الاخوان بس هو اللى حرام ودم باقى المصريين شاى بلبن
الاخ الاسيف اللى طلعلنا فجاه من القمقم وعمال يقولك الدم حرام وحرمة الدماء ودول اخواتنا مسمعناش حسه لما كان المصريين بيموتوا فايام المعزول ولا لما ال 16 جندى اللى اتقتلوا فنهار رمضان ساعة الفطار بدم بارد والمخلوع اتستر علي قاتليهم ولا الجنود اللى اتخطفوا فبلدهم ومصورينهم كانهم مسكوا يهود وطلع الباشا يقولك سلامة الخاطفين ولا الناس اللى اتضربت واتسحلت على ابواب الاتحاديه .. مش دمهم دول حرام برضه يا بشمهندس ولا ايه ؟؟؟
واضح ان كل ما هيقرب ميعاد فض احتلال رابعه هنشوف من الناس دول كتير اوى
من يومين كنت ماشى بعربيتى فميدان سفنكس لقيت شوية ناس متجمعين وبيوزعوا صور لناس ميته ومقتوله انتو مين ياعم ؟؟ احنا الميدان الثالث .. والميدان التالت ده بتاع ايه .. ده بتاع الدم كله حرام ويسقط العسكر والاخوان .. طب يابنى ما الاخوان سقطوا خلاص .. ايوه بس العسكر بيقتلوا فيهم ودى صور قتلاهم .. طب صور بقيت المصريين اللى بيتقتلوا كل يوم مش بتوزعوها ليه .. فين صور الناس اللى اتقتلت فالمنيل وفين صور الناس اللى اتقتلت قدام مكتب الارشاد وفين صور الجنود اللى بتتقتل كل يوم فسيناء وفين صور الجنود بتوع قسم المنصوره اللى فجروه بقنبله زمنيه كانت مزروعه وفين صور الاهالى اللى اتقتلوا وهم قاعدين فبيوتهم فبين السرايات وفين وفين وفين
مش هتلاقيه يجبهالك على بلاطه ويقولك انا اخوان انما هتلاقيه يقولك انا ضد العسكر وبطش العسكر وجرائم العسكر .. طب يا حبيبى وجرائم الاخوان وارهاب الاخوان واتباع الاخوان .. لا والله مليش فيه انا هنا ضد العسكر وبس .. منطق اهبل ومفضوح .. رايحين يعملوا توليفه غريبه كده شوية من مرتزقة 6 ابريل على شويه من فلول الاخوان على شويه من حزب مصر الطريه ال يعنى ضد الاخوان مفكرين المصريين هبل وهيمشوا وراهم .. الاخوان هم اول من قتل المصريين واهان المصريين وكفر المصريين وفرق بين المصريين وسرق ثورة المصريين وعليهم ان يدفعوا ثمن هذا غاليا .. ولا مصالحه ولا تعاطف .. وصدقنى الجيش هيكون ارحم ليكوا بكتيييييييييييير جدا من لو سابوكم للناس فالشارع .
|
