|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#21
|
|||
|
|||
رد: ارجو الافاده عن السياره اللوجان
اشكرك يا استاذي الكريم استاذ luckyman انا نفسي في اللوجان بس انا موظف ولازم احسبها مليون مره خصوصا من ناحية تكاليف قطع الغيار ولاني سمعت كلام عن الرينو يخوف
انا معي زميلتين بالعمل جابو الرينو كليو وبيشتكو منهم جدا وفعلا واحده منهم باعة السياره والعطل كان في الديسك والاسطوانه اتغيروا مرتين خلال سنتين وهما الاتنين مش اول مره يسوقوا وثاني حاجه التوكيل فالهم ان ده عمر الدبرياج بالاضافه ان في زميله تانيه بنتها بتشتغل في سيتي بنك وقالت ان في واحد اخد اللوجان ورجع البنك تاني رد السياره وتحمل الغرامه واشتكى جدا منها كل ده مخوفني جدا انا هضغط نفسي جامد علشان ادفع القسط وبصراحه مش هقدر اتحمل اي مفاجأت وكمان لو كانت العربيه بتعمل سعر اعادة بيع كويس كان ممكن اغامر لاني مشدود ليها ومعجب بيها بس معنديش اي هامش للمغامره والحمد لله على كل حال |
#22
|
||||
|
||||
رد: ارجو الافاده عن السياره اللوجان
اى سيارة لو مرسيدس لو اية وكانت جديدة وزيرو وفكرت تبعها حتى لو بعد شهر تخسر جمد بشكل محسوس لكن العكس مع المستعمل يختلف ممكن تشترى العربية وتكسب فيها كمان وبالتالى تختلف العملية وتعتمد على كل الاحوال لو هى سيارة ممتازة ومتخوف منها او نفسيا فمن المستحسن الابتعاد عنها بس انا مستغرب من الشكاوى جدا لان التاكسى القديم المعفن واللى بيستخدم خامات وديسك واسطونة مالهاش مله ولا جنسية ومعظم ناس كتير بتعمل كدة وعمر ما الكلاتش او الديبرياج باظ على طول كدة على الاقل مع الاستخدم السيىء بعد سنة او بعد سنين ربما تصل لاكثر من 5 سنوات لو استعمالك الشخصى لان فى ناس الديبرياج بيعيش مع عمر السيارة حسب سلوك اثناء قيادة السيارة والله اعلم من شكاوى الناس اتمنى لك خالص الشكر والاحترام
|
#23
|
|||
|
|||
رد: ارجو الافاده عن السياره اللوجان
زرت امس معرض سيارات بشارع احمد فخري وسالت عن العربيه اللوجان وسالت عن اسعار قطع الغيار قالي ان اغلى جاحه فيها الفانوس الامامي ب390 جنيه وهيتصل بيا لما تيجي السياره علشان اروح اتفرج عليها عنده وربنا يسهل ويهديني للصواب
|
#24
|
||||
|
||||
رد: ارجو الافاده عن السياره اللوجان
و ان كنت اتوقع ان انتشار العربية سوف يجذب اهتمام كثير من تجار قطع الغيار و بالتالي قطع الغيار هتنتشر و ترخص و ده شئ ممتاز توكل علي الله و بلاش وساوس العربية ممتازة و اقتصادية جدا جدا و استهلاكها للبنزين رائع بالنسبة لموتور 1600 و كمان الايرباج و تكييف ممتاز و ما بيحملش علي الموتور و سعرها مناسب جدا جدا و اللون الكحلي و الاسود فيها ملهوش حل ،،، و علي فكرة انا بشوف سواقين تاكسي شارينها و بيدهنوها ابيض و اسود (احلال بدل الموديلات القديمة ) و في احد الايام كنت بسيارتي الاخري (هوندا وأنا واقف في اشارة جنب واحد فيهم قلت له العربية عاملة كام كيلو معاك قال لي 80000 كم قولت له و رايك فيها ايه قالي 10 علي 10 ، دي رينو يا بيه مش صيني. و أنا عن نفسي العربية بقالها معايا سنتين و الله اكبر عليها كانها جديدة ،، و لم يحدث منها اي شئ أو عطل سواء ميكانيكا او عفشة او كهرباء و كلما انظر للشكمان اجده بيعرق ميه و السحب و الجري بتاعها ممتاز جدا و علي فكرة صاجها اقوي من كل العربيات الجديدة استخير ربنا و روح اي معرض يكون فيه اكثر من عربية و اتفرج عليها بعين الفحص و شوف كل تفاصيلها كخامات و تقفيل و وسع و شوف برضه باقي العربيات اللي في حدود نفس السعر و قارن و انا عارف النتيجة مسبقا ،،،،، ملحوظة : اللانوس برضه عربية جميلة جا كان معايا واحدة جميع الكماليات 2001 من الزيرو و بعتها في 2008 و كانت ممتازة بس انا سمعت ان الانتاج الحديث منها فيه مكونات صيني كثير ؟؟؟ و الجودة يعني مش زي الاول ؟؟ الله اعلم ممكن تسأل حد يكون مجربها فعلا و أنا اعتقد ان اختيارك مش هيخرج بره اللوجان بنسبة 65% و اللانوس بنسبة 35%
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
التعديل الأخير تم بواسطة hossamhussein0 ; 14-03-2010 الساعة 10:22 AM |
#25
|
|||
|
|||
رد: ارجو الافاده عن السياره اللوجان
انا في غاية الشكر لذوقك واهتمامك يا استاذ حسام انتا والاستاذ gucky man بارك الله فيكم
|
|
|