بتدي عربيتك لحد؟؟؟؟؟؟

[mohamedsaleh]

[quote=shooter123;118672]

عزيزي mohamedsaleh طبعا حكاية انك تتعب اثناء السفر الطويل زي مثلا مشوار مرسي مطروح في الصيف وتبدل مع حد تاني يسوق عشان انت تريح او تنام شوية - مع ان حكاية النوم دي صعبه شوية - ده يعتبر مش بتدي عربيتك لحد ده كدا عادي جدا ولكن الاساسي انك متديش العربية لحد يسوقها لوحده

يسوقها لوحده لا طبعا من الاخر
ميخفش على الحاجة الا صاحبهااptmnlo123per156

[hazem_khidr]

المشاركة الأصلية كتبت بواسطة shooter123 اجرب مين يا عم اجرب في 65 الف جنية ؟؟؟؟؟؟؟؟ كان ممكن اجرب لو معايا 128

طب ما انا بجرب في 95 الف و الحمد لله ربنا بيسترها
بص طول ما الواحد نيته كويسه عمر ما ربنا بيخيب ظنه
يعني لما يبقي حد و عارفه كويس و عارف انه امين و بيسوق كويس و طلب العربيه
مفيش مشاكل و حتي لا قدر الله لو حصل حاجه يبقي دا قدرها مش اهمال منه

[shooter123]

يا نهاااااااااااااار بتجرب في 95 الف ptmnlo123per154 انت قلبك ميت بجد
ثم انت بتقولي لو حصل حاجة يبقي قدرها كدا ؟؟ طيب ازاي يعني لما تحط البنزين جنب النار ويولوعوا ترجع تقول قدرهم صباح الفل
يا عم خاف علي عربيتك عشان لما تيجي تبيعها تلاقي فلوسك ولا انت مش فارق معاك فلوسها؟
اصل انا قبل ما اشتري اخر عربيه معايا كنت راكب لانوس وكان نفسي اركب ياباني والحمد لله ربنا وفقني بعد تعب جاااااامد والله اني اجيب الفرق فحاسس اني بجد تعبت في فلوس العربية عشان كدا بخاف عليها يمكن ازيد من اللازم
وبجد انت تاخد لقب ابو قلب مييييييييت

[@واحد من الناس@]

المشاركة الأصلية كتبت بواسطة hazem_khidr طب ما انا بجرب في 95 الف و الحمد لله ربنا بيسترها بص طول ما الواحد نيته كويسه عمر ما ربنا بيخيب ظنه يعني لما يبقي حد و عارفه كويس و عارف انه امين و بيسوق كويس و طلب العربيه مفيش مشاكل و حتي لا قدر الله لو حصل حاجه يبقي دا قدرها مش اهمال منه

أنت راجل محترم جدا والله أنا بعمل زيك كده بالضبط و لأن أنا إتعمل معاية كده برضه وإتعلمت على نفس الوضع ده في عربيات ناس تانية ولازم تثق يا شوتر إن اللي هيحصل لعربيتك وهيه معاك هيحصلها وهيه مع غيرك طالما مكتوب لها كده إتوكل إنت وسيبها على الله أنا متعلم السواقة على عربية ب 115 ألف وكنت بخدها لوحدي بعد مبدأت أسوق بإسبوع وكنت بقول لصاحبها اللي حصل معايه بالتفصيل كلت مطب حكيت وأنا بركن كده وكان عادي يقولي خد باللك جت سليمه لأنه راجل وعارف إنه كان كده في يوم من الأيام ودلوقتي بعد 4 سنين سواقه لو إتصلت بيه وقلتله هوه أو حد غيره من إتنين تلاتة صحابي عمرهم يقولوا لأ لأنهم عرفين سواقتي وبعدين بص أكيد كتير بتبقي عايز تجرب عربية حد أو تاخد بيها لفة وبعدين مش كل من هب ودب ممكن تديله عربيتك ممكن الناس اللي قريبين منك و الللي محتجها بجد فعلا مش واخدها يتمسخر بيها لأنها( كما تدين تدان ) بس بإختصار طبق الجملة دي وإنت هتلاقي نفسك بتسوق عربية غيرك بإحترام بالتالي هوه هيسوق عربيتك برضه بإحترام وعموما هيه وجهات نظر وطبيعة شخصية مع إحترامي للجميع تحياتي

[Brave Heart]

ممكن ادى العربيه لواحد صاحبى يسوقها وهو معايا
لكن اديله العربيه لوحدوا لايمكن ابدا ابدا ابدا ابدا ابدا ابدا ابدا