|
ستروين Citroën ستروين Citroën السيارة الفرنسية الاكثر اناقة تمتلكها مجموعة PSA التى تمتلك بيجو ايضا .. موديلاتها سيتروين C4 C3 بيكاسو وبلوريال وبيرلنجو |
|
أدوات الموضوع |
#1
|
|||
|
|||
التأكد من عفشة السيارة
[CENTER][CENTER]التأكد من سلامة العفشة للسيارة
مما تتكون عفشة السيارة وكيفية التاكد من سلامة كل منها : - المساعدين : يتم التاكد منها عن طريق سماع صوتهم لما العربية بتطلع على مطب او بتنزل من عليه اذا سمعت صوت زى صوت المنفاخ والعربية طالعة ونازلة بسلاسة يبقى المساعدين تمام اذا سمعت صوت تزييق فى الجنب اليمين او الشمال يبقى لازم تكشف على المساعد -البطاحة - وهى الجزء العلوى من المساعد و فائدتها ربط المساعد من اعلى وامتصاص الكدمات للمساعد فان كانت بطاحة العربية غير سليمة فهناك عدة طرق لمعرفتها بها كان يكون الدركسيون تقيل وده سببه ان جلدة البطاحة اتاكلت من تحت فالبطاحة قفشت على المساعد فبقى التحكم صعب او هناك خبط فى المطبات والطرق المكسرة او صوت زجاجة بلاستيكة بتتكسر -الاسكاترا(علبة الدركسيون) - هى المسئولة عن ربط العجل الامامى بالدركسيون فان كانت غير سليمة يبقى هتلاقى ضعف شديد فى التحكم فى السيارة او وانت بتلف الدركسيون على الاخر من اليمين الى اليسار تسمع طرقعة مصدرها الجنب اليمين او الشمال ده معناه ان الاسكاترا عايزة تتغير تظبيط الزوايا - لازم تظبط زوايا وليس الهدف هو التظبيط نفسه ان لم تكن تعرف سيارتك ولكن الهدف هو الاطمئنان على المقص والجلب لانهم من اخطر مكونات العربية علشان ميحصلش لاقدر الله مشكلة او شىء من هذا القبيل المقص والجلب - هى اللى بتربط الطنابير بعفشة العربية من الداخل وهى المسئولة عن سير العربية ودورانها بشكل سليم تيل الفرامل - لابد من التاكد من ان تيل الفرامل سليم حتى لايسبب مشاكل ويجب تغييره كل 20 الف كيلو مع الكشف على زيت الفرامل وفرامل اليد زيت الفتيس- ان كانت العربية منوال يبقى الزيت مبيتغيرش بيتزود فقط ويتم متابعته كل شهرين عند العفشجى اما ان كانت العربية اوتوماتيك يبقى الزيت هيحتاج يتغير كل على حسب العربية وينصح تغييره والاستشاره فى التوكيل الكبالن الخارجية - ليست بالمشكلة ولكن اذا سمعت صوت فى الملفات بطقطقة متتالية فهذا بسبب الكبالن الخارجية وينصح اذا تم تغييرها بتغيير الطرف الثانى ايضا اما ان لم يكن هناك صوت فى الملفات فلامشاكل فى الكبالن الخارجية الكبالن الداخلية هى المسئولة عن سير العربية الى الامام بمعنى ان كانت بها عيب فستمع طقطقة طول مانت ماشى مش هتقف وكذلك الامر ينصح بتغيير الطرفين ليس طرف واحد اى الكبالن الداخلية الاثنين الموضوع منقول من مدونة خارجية بس أنا حبيت أنقله لان كان عندي مشكلة وحلها موجود هنا لعموم الفائدة ولا تنسوا صاحب الموضوع الاصلي بالدعاء واللي نقله |
#2
|
|||
|
|||
رد: التأكد من عفشة السيارة
جهد ممتاز
الف شكر مفيد جدا للجديد في عالم السيارات وانا اولهم |
#3
|
|||
|
|||
رد: التأكد من عفشة السيارة
شكرا .. وجزاك الله خيرا على المعلومات القيمة ... لكن المهم انا اقدر اتاكد ازاى ان المشكله من الجزء دا .... يعنى انا عندى اصوات كتييير فى الحفر و الطرق الغير ممهده .. فالناس قالولى علبة الدركسيون و انت كلامك بيقول انها البطاحه ..... اعرف ازاى ؟؟
|
#4
|
|||
|
|||
رد: التأكد من عفشة السيارة
طيب خلى بالك وانت بشتري العربية إذا كانت اتوماتيك بالذات تكشف عليها في التوكيل عشان الفتيس الاتوماتيك في الاكسارا 2 غالي مش رخيص واوعى تكشف عند مركز صيانة مش معتمد من التوكيل لو هتدفع 1000 جنيه في الكشف يا مركز معتمد من التوكيل يا التوكيل ويكون افضل التوكيل
|
#5
|
|||
|
|||
رد: التأكد من عفشة السيارة
بص يا باشا اولا نورت الموضوع نخش على الموضوع بتاعك من الواضح ان انت عندك شغل في العفشة وممكن يكون بسيط لان انت عندك جلب الميزان ممكن تخبط وبيض نهاية الطرف بتاع علبة الدريكسيون بيخبط برده والاتنين ارخص من بعض وجلب المقصات لو متاكلة بتخبط برده فانت عاوز عفشجي نضيف وامين ميكونش من الناس اللي بتفتح شغل وخلاص يكشف عندك ويقولك محتاج تغير ايه
|
|
|