قصتي مع المهدنس سيد والاسطى احمد حنفى تكييف

[momo100010]

الاخزة الافاضل بعد التحية
انا كنت كتبت مشكلة ليا هنا ف التكييف والافتاءات كانت كتير
وكان لازم اصلح التكييف لسببين :-
الاول : انى ربنا رزقني بطفلة ومتتحملش الحر
الثانى : انى صرف فوق ال 1300 جنيه عند واحد معروف جدا اسسمه المراكبي في جسر السويس وحسبي الله ونعم الوكيل فيه وف الصنايعية اللى عنده لانهم خربوا لى الدنيا
في البداية احب اشكر الاخ الفاااااااااااااااااااااا اااااااضل سيد صاحب الفضل بعد ربنا في تصليح التكييف بتاعى
بصراحة الصنايعي دا محترم جدا
على فكرة اللى اشتغل لى ف العربية البااااااااااااشمهندس حسن ابو على
ولد ولد يعني
اللى تم ف العربية كالاتى :-
اول ما رحتله كان في احد السادة الافاضل من المنتدى بعربيته (البيجو البيضاا)
المهم سلمت عالاسطى احمد وقلت له عربيتك
المهم اول حاجة قال لى شغل التكييف وكبس لقى الصنايعي اللى قبل كده كان قارص لى على خرطوم
وطق او فرقع وفضى فريون
المهم عقبال ما الولد الصغير راح يكبس الخرطوم حسن عمل لى الأتى :-
1- فك السربنتينة
2- فك الريدياتير
3- فك مواسير التوصيل
4- فك التلاجة الداخلية
5- فك البلاور او المروحة
وتقريبا دا التكييف كاملا متكاملا
وحسن نضفهم كانهم جدااااااااااااااااااااااا اااااجد
وركبنا الكلام دا كله وكبسنا وشحننا
وكان فى مشكلة في الكهربا تم ظبطها
واداء التكييف دلوقتي ما شاء الله
واشكر الاسطى حسن والاسطى احمد
وقبلهم لا انسى الاخ الفاضل اللى اتشرفت بيه والله المهندس سيد
على المجهود المبذووووووووووول

[احمد على 1999]

انا كنت وصلت لدرجة اقتناع ان التكييف عمره ما حيرجع زيى الاول لدرجة انى فكرت ابيع العربية اساسا ههههههههههههههههههه
بس بفضل الله ربنا سببلى معرفة الاستاذ سيد و دلنى على احمد حنفى محفوظ
و الحمد لله

[sayed2077]

استاذ محمد اخويا الكبير

اولا وقبل كل شىء ربنا يخليلك بنوتك الصغيرة وعقبال ما تحضر يوم فرحها و تجبلك احفاد كمان ان شاء الله

ثانيا : انا مبسوط جدااا ان حضرتك سعيد بالتكيف وبجد سعادتى لا توصف على كل واحد بيبقى مبسوط انه استريح خلاص
وفعلا معدومى الضمير خصوصا فى مجال التكيف بقوا كتيير اوووى يعنى مثلا الاسطى احمد لغاية النهارده شغال بفريون اسمه (اولاد رزق) ده اغلى نوع فريون موجود فى السوق فى حين ان باقى الصنايعية او اغلبهم شغالين بفريونات لا يعلم مصدرها الا الله عز وجل حتى فى مجال تركيب تكيف جديد فهتلاقيه دايما شغال بكباسات ساندن سعر الكباس بيعدى 1000 جنية فى حين ان فيه كباسات تانيه سعرها لا يتعدى 700 جنية ثانيا بقى معرفة الشغل والضمير فى العمل للاسف اغلب ورش التكيف اللى غير الاسطى احمد اغلبهم ليهم كذا مشكله
منهم
1:انه واحد مالوش خبرة غير بتزويد فريون وخلاص او شحن الفريون وخلاص وعندك تسريب معندكش المهم يشحنلك وخلاص ههههههههههه
2:ممكن يكون بتاع تكيف كويس بس مالوش خبرة فى كهربا السيارة بالتالى لو واقفه على فيوز هتلاقيه بيجيب كهربائى يصلحهوله وطبعا ما اكثر العك
3:ان اغلب بتوع التكيف معندوش قدرة يكشف على تسريبات خبيثه مثلا تسريب فى التلاجه اللى فى الطابلوه او انه يطلع دايرة التكيف كلها بره زى ما تم مع حضرتك وينضفها قطعه قطعه سواء من الخارج مثل تنضيف التلاجه من الاتربه اللى بتسدها او من الداخل تنضيف دايرة الفريون من جوه وطبعا كله عاوز يشحن ياخد ال 150 جنية بتاعت الشحن وخلاص فعلا فيه ناس بتعانى من التكيف خصوصا

وشطارة الاسطى احمد وخبرته ما هى الا فضل من ربنا عز وجل عليه والله فى اعتقادى ان ربنا بيكافئه لانه فعلا طيب جدااا وعمره ما بيضحك على حد وانسان بجد يحتذى به وعمره ما بيشرب بقى مخدرات او كدا زى باقى الصنايعه حتى السجاير مش بيشربها وربنا يديمها عليه نعمه ويباركله

وعلى فكره انا كنت اعرف صنايعية بعدد شعر راسى فعلا الوحيد اللى بقيت صديق له هو الاسطى احمد لدرجه وصول الصداقه الى حد الاخوه فعلا بلا مبالغه وربنا ما يقطع الود ما بينا حتى اهلى ما دام عارفين انى عنده محدش بيكلمنى لانهم عارفين انه كويس

اما بالنسبه للاسطى حسن ابو على ههههههههه فالاسطى حسن فعلا صنايعى متمكن جداااا من شغله وفعلا بسم الله ماشاء الله عليه اكثر من ممتاز يعيبه شىء واحد فقط انه بيروح الشغل متاخر بس كل يوم ههههههههههه بس فعلا والشهاده لله اول ما بيروح الشغل عنده استعداد يقعد فى الورشه لوحده ويخلص كل الشغل اللى فيها ربنا يباركله ويهديه وعلى فكره مرتب الاسطى حسن معلومه ناس كتير متعرفهاش ممكن يعدى مرتب وزير بس طبعا وربنا يباركله انا مش بحسد انا بنق بس ههههههههه ربنا يباركله

واخيرا بعد كل الكلام الكتير اللى انا قولته يكفى بجد ان حضرتك مبسوط ويكفى انى اتعرفت على حضرتك بجد شخصيه متواضعه جداااااااا جداااا جدااااااا وقليل جدا ما بلاقى ناس زى حضرتك و ربنا يبارك لحضرتك فى السيارة و التكيف و يبارك لك فى ابنتك ان شاء الله
اخوك الصغير سيد

[heshamdcc]

السلام عليكم ورحمة الله وبركاتة
انا مشترك جديد معكم ومعي الان اكسيل 1300 cc كنت عايز اركبلها تكيف وعارف ان الاكسيل 1300 cc ضعيفة عليها التكيف ومن كثرة الحديث عن المهندس / احمد حنفي ...ارجو تحديد موعد لتركيب تكيف للسيارة حيث اني من سكان محافظة العريش وارجو ان يكون الموعد من 18-19 /06/2013 م برجاء الاتصال بي عل 01228816617

[humyum]

مكانه فين م/ أحمد عايز أعرف مكانه فين لأنى محتاجه