مرسى بيحكم مين ؟

[ezzat2002mo]

النهاردة هنعرف مرسى بيحكم مين
- مرسى بيحكم كل موظفين الحكومة المرتشين اللى مهما اخد عمرة مايقول كفاية ويعطل مصالح الناس علشان الفلوس او مزاجه كدة .
- مرسى بيحكم سواق التاكسى والميكروباص اللى عاوز اكتر من حقة وكل واحد وشطارتة.
-مرسى بيحكم شعب بياخد بقالة 30 سنه على قفاة وبيقول كمان ولما قامت ثورة معندوش اى احساس بالمسئولية تجاة بلدة وفاكر الرئيس اللى هيجى هوة علاء الدين كلة يلا نفسى.
-مرسى بيحكمنا احنا المصريين اللى بننافق ونداهن ونكذب بس علشان نطلع صح ونقص الكلام اللى فى مصلحتنا ونعمل المستحيل ونرشى ونكدب علشان نفلت بعمايلنا الغلط وعمرنا ما نقول الحق.
-مرسى بيحكمنا احنا المصريين اللى بنيجى فى رمضان نعيط ونبكى ونملى الجوامع وبعدة نسرق ونكذب ونعمل البدع والله غفور رحيم .
-مرسى بيحكم كل تاجر بيغش .
-مرسى بيحكم كل طالب بيغش.
-مرسى بيحكم كل مسئول لم يؤدى واجبة كما ينبغى .
معلش القائمة طويلة قوى بس انا رايي نغير نفسنا الاول وبعدين نفكر فى الرئيس
ده رايي الشخصى ياريت ميزعلش حد وكلنا مصريين سواء مؤيد او معارض
وسلام