#21
|
||||||||||||||||||||||
|
||||||||||||||||||||||
رد: مشاكل وشكاوى ضد بيت التأمين المصرى السعودى
صراحة الله يكون في عونك لانك بالتاكيد تعبان جدا من غير عربيتك وربنا يعوض عليك بأحسن منها
بس أنا عاوز اقولك حاجه كده كده عربيتك هاتكون هلاك كلي وده معناه أنك هاتاخد ثمن السيارة بالقيمة السوقية الحالية لها في سوق المستعمل ناقص 10% تقريبا ولكن أنا ليا تسائل واحد بس لما قرأت المقايسه لقيت فيها حاجه غريبه جدا وهو إن الجنط بـ2222 جنيه وبصراحة مش فاهم هل قصدهم جنط واحد بـ2222 وللا الخمسة جنوط بـ2222 جنيه ؟ وإللي مستغربله أكتر إن الخبير موافق على تغيير الجنط أبو 2222 جنيه ومش موافق على تغيير الفتيس وكنترول المحرك و الردياتير وسربنتينة التكييف ومسطرة الرشاشات وحاجات كتير جدا جدا مش موافق عليها مع أنها اهم مليون مرة من الجنط أبو 2222 جنيه وكمان المصنعيات إللي حاططها التوكيل مبالغ فيها جدا جدا
بس عاوز أقولك حاجه لولا مقايسة التوكيل المبالغ فيها جدا جدا دي ماكنتش العربيه هاتتكهن وماكنتش هاتصرف التعويض لا قدر الله لان لو المقايسه معقوله كان التأمين هايصلحلك العربيه وكنت هاتبقى أنت الخسران التعديل الأخير تم بواسطة Payoo ; 15-10-2009 الساعة 02:06 AM |
#22
|
|||
|
|||
رد: مشاكل وشكاوى ضد بيت التأمين المصرى السعودى
عملت حادث بسيارتى البيجو2009 عاملة 22000 كم و كانت مقايسة التوكيل000 29 . توجهت الى بيت التامين المصرى السعودى فوجت ان مهندس المعاينة رامى قد كتب 20% على العميل كاستهلاك لقطع الغيار و دة طبعا غير مقبول ونصب . وبمقابلة الاستاذ اسماعيل و هو رجل رائع وعد بجعل النسبة 10% و ساوافيكم بما سيحدث
|
#23
|
|||
|
|||
رد: مشاكل وشكاوى ضد بيت التأمين المصرى السعودى
أخى الكريم،
ربنا يخلف عليك وتصل لحل مرضى مع بيت التأمين المصرى السعودى لظروف العمل ودوام الانشغال لم أتمكن من اتمام احاطة الاخوه فى المنتدى بما انتهى اليه ملف التعويض الخاص بى واليكم الخلاصه: بفضل الله ثم بفضل الناس المحترمين أمثال الاستاذ اسماعيل الذى لانزكيه على الله ولان هذه الشركه فعلا محترمه وبتحاول توازن بين مصالح الشركه ومصالح العملاء بشكل يحاول ان يكون عادلا ان لم يكن كذلك فقد تم صرف التعويض كاملا فى حالتى وتم التجاوز عن شرط فى الوثيقه كان فى صالح الشركه ولم يكن فى صالحى على الاطلاق وهذا الشرط وحده كان يساوى ان أخسر من مبلغ التعويض حوالى 20 ألف جنيه ولذا أجد أنه من الامانه أن أضع الجميع فى الصوره وأقول أنه تمت اداره هذه المعامله من قبل شركة بيت التأمين المصرى السعودى بحرفيه عاليه ويأمانه ,وانسانيه فى ذات الوقت ، حرفيه بمعنى صعوبه استغفال هؤلاء الناس (وهو ما يقوم به البعض من ناحيه الحصول على تعويض من المتسبب بالضرر والرجوع على شركة التأمين للحصول على تعويض اضافى بتجهيل الفاعل) وامانه وانسانيه بمعنى عدم اهدار حقوق من لاينطبق عليهم هذا النوع من التدليس والاستغفال ختى لو كانت شروط الوثيقه تتيح هذا الاهدار بشكل قانونى تحت عنوان القانون لا يحمى "....." باختصار وحفاظا على وقتكم جميعا.....هذه الشركه تستحق ان تتعاملوا معها وانتم مطمئنين .....فقط أنصحكم أن تقرؤا شروط وثائقكم جيدا قبل التوقيع والاحاطه بها ورفضها أو قبولها بناء على ما يناسب اختياراتكم وخصوصا مايسمى التحمل الاختيارى والاجبارى. بالنسبه لى فقد وفقنى الله لشراء سياره بروتون واجا بعدما قرأت افادات الكثير من الاخوه عن السياره والتى كانت فى مجملها ايجابيه وخصوصا الاخ ابو نورا والحقيقه السياره ممتازه وتستحق مايدفع فيها....مشكلتى الاساسيه فيها هى انه يوم الصيانه الدوريه يوم ضايع لانه مركزى الصيانه الوحيدين فى القاهره لعز العرب محملين فوق الطاقه حتى مع حجز ميعاد يوم الصيانه بيكون يوم ضايع واسأل الله لكم جميعا السلامه والتوفيق |
#24
|
|||
|
|||
رد: مشاكل وشكاوى ضد بيت التأمين المصرى السعودى
ربنا يعوض عليك ياترى صرفت التعويض ولا لسه
|
#25
|
|||
|
|||
رد: مشاكل وشكاوى ضد بيت التأمين المصرى السعودى
الى الاخ العزيز صاحب مشكله بيت التامين المصرى السعودى - برجاء ارسال صور وثيقه التامين + صورة المقايسه لو موجودة وان شاء الله ممكن نحاول مع بعض اننا نوصل لحل -- انا عندى خبرة لا بأس بها بالتامين لانى كنت شغال منتج قبل كدة - وعلى الله التساهيل --- osamawasel@yahoo.com
|
الكلمات الدليلية |
بيت التأمين المصرى السعودى, تأمين سيارات مصر |
|
|