أدخل وشوف>>> فيروس خطير يصيب اغلبية السواقين فى مصر

[Ayman_Nazeih]

المشاركة الأصلية كتبت بواسطة mazen mazen منهم لله بتوع الميكروباصات خصوصا ميكروباصات العلب الصفيح اسمها راما باين ربنا ينتقم منهم بيشلونى

سواقين الميكروباص الراما وإلترامكو دول حاجة تانية يعنى ممكن نفتحلهم موضوع مخصوص ليهم،،،، ناهيك عن الكلاكس اللى مابيبطلش حتى وهو واقف يركب زبون الداهية انه حاسس بالنقص بسبب موديل عربيته القديم عن الميكروباصات التويوتا وطبعاً بيعوض النقص ده عن طريق زينه السيارة يعنى حاجة بصراحة تفتح محل اكسسوار من مجموعة اريال مختلفى المقاسات وشوية مرايات فى كل حته طبعاً وعلامات مرسيدس وأودى وغيره اما الزغلول الكبير بقى مجموعة انوار واضاءة داخلية وخارجية اكتر من الاضاءة اللى بتتعمل فى فرح ابن العمده.
أخطر حاجة بقى من الراما وإلترامكو ان بابهم بيفتح على برة يعنى مش جرار وفى اغلب الاوقات مفتوح متر بره حدود العربية لأن التباع واقف على الباب دايما علشان يوفر مكان للركاب جوة وطبعاً فتحه للباب حاجب عنه الرؤيا الخلفية من مراية الجانب الايمن وكمان وهو بيعدى من عربية وبياخد غرز مابيبقاش عامل حساب الباب اللى طالع برة متر ده ولولا ستر ربنا والكلاكسات اللى بيديها للناس اللى بتوسعله خوف منه كان دمر كل العربيات اللى بيعدى منها.
ربنا يسترها معانا جميعاً يارب.

[sehsss]

فعلا الموضوع ده (الكلاكس) بقى مستفز جدا

[Ayman_Nazeih]

ياريت يا جماعة اننا نبدأ بنفسنا ونحاول نعالج موضوع الكلاكسات المزعجة دى
يعنى نحاول نوعى اقاربنا واصدقائنا وجيراننا أو حتى فى اضيق الحدود يبقى نطاق البيت والاسرة .
بجد ممكن البداية دى تفرق كتير وتنتشر ثقافة الالتزام وتبقى انت وانا وهى وهوالسبب،،،،

[mezat2020]

فى كل بلاد العالم الكلاكس يعبتر شتيمه واحنا عندنا بيحيوا بعض بيه السلوك هو اللى بيتحكم رد الفعل اتمنى ان يكون استخدمه فى الضروره فقط شوفوا اى فيلم اجنبى او مسلسل تركى لايمكن تسمع كلاكس فيه ناس بتحب تتمنظر وخصوصا فى الافراح