عايز ارفع السيفيك عن الارض

[cogy]

ياجماعة معاية سيفيك 93 العربية لما بيركب فيها 3 ورا بلاقيها بتحك في الارض مش في المطبات العربية واطية جدا بصراحة انا جيت اسافر بيها نزلتهم قرايبي وخدت الاوبل بتاعت والدي وركبت فيها 4 ورا والعربية ولا نزلت عن الارض سنتي ولا مع اي مطب والدي معلي عربيتوة وحططلها كوتشات عليات انا اعمل اية اجيب عالايات واعلي العربية ولا اغير سوست بردو

[ahmed el gendy]

المشاركة الأصلية كتبت بواسطة cogy ياجماعة معاية سيفيك 93 العربية لما بيركب فيها 3 ورا بلاقيها بتحك في الارض مش في المطبات العربية واطية جدا بصراحة انا جيت اسافر بيها نزلتهم قرايبي وخدت الاوبل بتاعت والدي وركبت فيها 4 ورا والعربية ولا نزلت عن الارض سنتي ولا مع اي مطب والدي معلي عربيتوة وحططلها كوتشات عليات انا اعمل اية اجيب عالايات واعلي العربية ولا اغير سوست بردو

نصيحه خلي العربيه زي ما هي ما تعليهاش عن الارض لان ده اولا هيقلل الثبات بتاعها شويه ثانيا هيخلي العربيه مش مرتاحه وهي بتعدي المطبات معاك وهتبقي ناشفه يعني مش المساعدين مش هياخدوا ويدوا معاك بسلاسه ف اي مطب غير ده كله هيقلل من عمر العفشه
لو العربيه مش دايما بيركب معاك ناس كتير سيبها واللي يركب معاك لو مطب صغير سهله لكن لو مطب جامد نزلهم لحد ما تعدي المطب ومش عيب علي فكره خااالص محدش هينفعك لما تتطلع ساعتين عند العفشجي

[cogy]

ياباشا موضوع التعلية انا مجربوة في عربية اوبل بتاعتنا كانت واطية بردو وحطينالها كاوتشات عاليات العربية زي مهية علي الارض وحتي في السرعات العالية مفرقتش خالص بجب بيها فوق 120 والثبات ملهوش حل بردو وبركب فيها اوزان جامدة وبتستحمل ومبتنزلش علي الارض اشمعنة السيفيك بس

[Marlborooo]

بص يا معلم انا مبحبش فكرة انك تعلي العربية ، بس عندي ليك اقتراح ممكن تركب جنط مقاس اكبر هيعليلك العربية شوية

وفيه حل تاني حلو جدا ، ممكن تركب حاجة اسمها صدادة وديه كوتشة ب10 جنيه بتتركب في المساعدين بتخلي العربية متوطاش لما يركب فيها حد تفضل بنفس ارتفاعها وهي فاضية بس عيبها بتنشف العفشة شوية

[borio1704]

السيفيك عموما أوطى على الأرض من الأوبل، والعربيات اليابانية الصغيرة عموما في التسعينات كان موضوع إنها توطى من ورا لما تبقى محملة كان شيء عادي.

بس غالبا السوست وطيت عندك، خد بالك إن العربية بقالها حوالي 20 سنة... وده شيء عادي بيحصل في كل العربيات... في الحالة دي قدامك حل من اتنين

يا إما تجيب كاوتش تعلية بيتحط على السوست.. وده حيكلفك حوالي 20-30 جنيه، بس السوست اللي راكبة دلوقتي بقت ناشفة عن زمان

يا إما تغير السوست، وده حيكلفك 600-800 جنيه، وده حيرجعلك العفشة زي الأصلي


وماتحاولش تغير في قطر العجلة لإن ده حيغير في استهلاك البنزين وعداد السرعة خصوصا لو حبيت تجيب العجل اللي ورا قدام.


...