تجربة مع ماتور ال si هوندا سيفيك 93

[davizzzz]

كل اللي معاه سيفيك و عليها مكنتها ال si متفكرش تجري جامد و تعمل كيك داون كتيير عشان المكنة ال 2 كامة دي خشنة و مع الحرق الجامد بتروح
قصتي ::
طلعت مع جولف 2 نشد مع بعض و عملنا احلى شغل و فجأة اسمع صوت تكتكة و بعديها ترزيع و مفيش سحب في الماتور الميكانيكي سمع صوتها قالي المكنة رزعت خلاص و لازم تتغير و ادام الفتيس سليم و الكومبرسور ممكن اجيب وش ببلوكة بس
اللي عنده اي معلومات ياريت يفيدني ...

[matmm]

وللة لو كانت حاجة فى الالمانى كنت هفيدك بس الهوندا معديش عنها معلوماات كتير بس من كام سنة واحد صاحبى جاب بلوكة ب وش من بورسعيد ب 900 جنية بس مكنتش si كانت عادية وبخصوص موتورك مش ممكن يعمل كدة من نفسوا الا فى حالتين الاولى ان الزيت يكون ناقص والتانية انك تكون سبت على سرعة عالية مثلا 200كم لفترة لان مواتير الهوندا معروف ان مشوار البستم قصير فا مع الثبات على سرعة عالية بيرزع

[davizzzz]

المشاركة الأصلية كتبت بواسطة matmm وللة لو كانت حاجة فى الالمانى كنت هفيدك بس الهوندا معديش عنها معلوماات كتير بس من كام سنة واحد صاحبى جاب بلوكة ب وش من بورسعيد ب 900 جنية بس مكنتش si كانت عادية وبخصوص موتورك مش ممكن يعمل كدة من نفسوا الا فى حالتين الاولى ان الزيت يكون ناقص والتانية انك تكون سبت على سرعة عالية مثلا 200كم لفترة لان مواتير الهوندا معروف ان مشوار البستم قصير فا مع الثبات على سرعة عالية بيرزع

اللي حصل ان الماتور سخن اوي من كتر مابعمل كيك داون عليه و الميكانيكي قالي ان المكنة ال 2 كامة دي قوية جدا بس وحشة وخشنة و بتخلص بسرعة ولما سخنت جامد الجوانات هربت - وش السلندر هرب راح الكرنك رزع وراهم ده سيناريو حصل في دقيقتين

[sherif fersh]

إعمل أى حاجة للهوندا ....
انما اوعى تسخن منك
المواتير الـ si قوية جدا
و مش شوية حرق و لا كتر الكيك داون يأثر فيها
حاجة من اتنين ... الموتور كان حالته مش تمام أو كان عندك تسرب زيت ( أو مياه )
و أنت مش كنت متابع مؤشر الحرارة
معلهش ... تعيش و تكسر مواتير
و ربنا يخلف عليك ما هو أفضل ‘