صغير لكن بأداء واحساس كبير

[samirsaid1]

انا كمان من يومين كنت واقف فى اشارة فى امان الله والعربيات كلها واقفة لقيت مكروباص منه لله جة من ورايا لجنبى لقدامى وهو بيدخل امامى راح خبطنى فى الرفرف الامامى على اليمين
المهم رحت الشغل وجه واحد صحبى يركب لقيت الباب والرفرف ملتصقين والباب مش بيفتح
وبصيت لقيت الرفرف مضموم من فوق على الكبوت

المهم كنت متضايق قوى بس الحمد للة رحت لسمكرى قلت عشان افتح الباب يعملة بلافية رغم انى مابحبش الموضوع دة عشان جربتة فى عربية تاني قبل دى لقيتة مش موجود فى الورشة روحت مروح

وجيت يوم الجمعه قعدت افنن اعملك ازاى لوحدى عشان السمكرى مايخبطش فى الصاج

فية مسامير الرفرف مربوط بيها من فوق تحت حرف الكبوت روحت فاكك المسامير بقى الرفرف حر من فوق ورحت فاتح الباب وحطيت قطعة قماش بين الباب وارفرف ورحت قافل
ورحت ظابط المسافة بين الرفرف والكبوت عشان تبقى فى خط مستقيم ورحت رابط المسامير

بقت تمام بس النقرة الخفيفة اللى على الصاج تتعمل بعدين وبكدة

يبقى الواحد مبهدلش العربية عند السمكرى لانه كان هايحط الافيه بين الباب والرفرف ويروح قارص وطبعا كان هايطبق الباب والرفرف

وفعلا العربية دى ماشاء الله الصاج بتاعها متين لان الخبطة كانت جامدة
و ربنا يبارك لكل اللى راكبين عربيات

دوشتكو

[acounter01]

معلومة اول مرة اعرفها
الف شكر

[ملك القلوب سوفت]

هلا اخوانى الاعزاء

العربيه فعلا على دنجل بس نصيحه لكل راكبى النيو اكسنت لا قدر الله وحصل حاجه فى الدنجل فكك من موضوع الزرجينه لانه فى المستقبل هيهرد معاك كوتش كتير وغصب عنك هيبرجلك العربيه خصوصا لو من محبى السرعات العليه يعنى بمعنى اصح روح غيره علطول استيرا او جديد

هوه استيراد عامل 1850 من الحرفين
جديد توكيل فقط لا بديل الى سمعته بس مش مصدق السعر ده انه عامل 900 جنيه

معلومه تنيه صدر العربيه كله فبر والعربيه من قدام على قفص من 4 مسامير فقط

تحياتى

[karem ali]

شكرا على المعلومه الجديده

[matars]

حمد الله على سلامتك وسلامة النونة يا سمير بيه
ربنا يستر عليك وعلينا يارب