#1
|
||||
|
||||
اسعار طازة لقطع واجزاء ريـجاتا من الوكالة وعزبة شلبي بتاريخ اليوم
السلام عليكم ورحمة الله
للتذكرة للاعضاء وللاكتمال سلسلسة الريجاتا .. كنت عملت موضوع قديم للاسعار قطع الغيار الميكانيكية والكهربائية فى الريجاتا .. والموضوع شمل اغلب الاجزاء .. الرابط هنا فى حالة احتياجة http://www.masrmotors.com/vb/showpos...25&postcount=5 وهنا رابط تعديلات للاضاءة الريجاتا والصالون وخلافة للمراجعة http://www.masrmotors.com/vb/showthread.php?p=324477 وهنا رابط لعمل مساحة واحدة بدل مساحتين اماميين http://www.masrmotors.com/vb/showthread.php?t=43585 احب انبة حضراتكم اولا . ان التجار كلهم سواء فى الوكالة او عزبة شلبي عندهم نقطة استغلال .. بيبدء معاك من سعر هلامى وينزل معاك .. مثلا 400 ج لقطعة ما .. وتنزل معة لحد 300 ج ويمسك على كدة .. اخنقة فى الفصال لحد ما تجيب اخرة وقولة انا لقيت عند فلان بكذا .. يعنى كنت بروح اقولة فلان عندة بكذا .. وفلان اساسا معندوش ! هههههه بعيشة ف الوهم شوية واسيبة وامشى واجيب حاجات من مكان تانى وارجع لة .. واقولة هة فكرت ؟ :grin28: يقولي هو مش انت كنت هنا من شوية وانا قلت 300 وسبتنى ومشيت ؟ قلت لة هاخدها ب كذا هة اية رأيك ؟ طبعا دة شغل غلاسة .. اختصار الكلام فاصل بكل شدة وبكل ما اوتيت من قوة وهينزل معاك ف السعر لانة بيبدء من سعر هلامى وينزل لمبلغ عبيط للاختبار الزبون ولا تـتـسرع ف الشراء .. واعمل عبيط وارجع لة تانى بعدها بشوية وقولة هاة هاخدها بكذا قلت اية هههههه ؟ ال يعنى كنت سايبو يشاور علقة ههههه ... لو حدفك بحاجة انا مش مسؤل :grin28: . انهاردة هنتكلم فى اسعار اجزاء الريجاتا هما متوفرين بأذن الله كل قطعها تقريبا موجودة نبدء بأسم الله : اربع ابواب ريجاتا نوفا 1000 ج كاملين بعد فصال شديد من اصل 1600 ج .. عدد 3 ابواب كاملين بدون اي مشاكل او خدش وباب واحد بس فية بارومة من تحت عند مسمار المفصلة سهل اصلاحة خلى بالك هتلاقي بارومة فى بعض الابواب لو محتاج تاخد منها طبلة مثلا او تستخدم منها اجزاء . ولو عيزهم نضاف لازم تفحص الحاجة كويس جدا جدا جدا اربع ابواب ريجاتا نوفا نضاف بدون اي بارومة كاملين بالفرش وكلة 1200 ج بعد الفصال اربع ابواب ريجاتا نوفا فاضيين خالص = 800 ج اربع ابواب ريجاتا العادية فاضيين خالص = 500 ج بدون فصال .. يعنى تقدر تنزل معة ف سعرهم كمان باب واحد ريجاتا نوفا او عادى = 100 ج بعد فصال شديد كان بيتكلم فى 200ج او 250 للباب الواحد باب واحد ريجاتا كامل = 200 ج تابلوة ريجاتا نضيف جدا جدا بدون خدش = 2000 ج بالعدادات .. سعر هلامى خرافي .. بعد الفصال 1750 ج تابلوة ريجاتا بدون عدادات فية بعض الخدوش ومحتاج يترش اسود علشان ينطق = 700 ج بعد الفصال فوانيس خلفية ايـــطالى ريجاتا وخلى بالك من ايطالي دى : 350 ج بدون فصال فوانيس نوفا وعادية الاتنين نفس السعر والاتنين يركبو مكان بعض للعلم.. هنزل بكرة اشتري النوفا لانهم حتة واحدة مش اتنين .. للمعلومية فقط . سعر اوشاش فوانيس خلفية ف الوكالة : 40 ج للواحد ايطالى = 80 ج الجوز سعر الكرتيرات الامامية الاتنين بـ : 100 ج .. الواحدة 50 ج ... عارفين اول سعر طلع من بوقة كام ؟ 300 ج ! يفرحتى .. اخدتهم ب 100 الاتنين بعد فيلم افرنجى هندى عربي اوكرة النوفا : 500 ج الواحدة !! وللاسف مش موجودة او انادرة شوية لكن هتلاقيها بعد بحث يعنى دور عليها شوية ولا تيأس ! .. كل واحد يخلي بالة من كالونة . اوكرة الريجاتا العادية : 200 ج وزى الرز والسعر قبل الفصال سعر 2 رفرف اماميين = 400 الاتنين مع بعض .. بعد الفصال بالمسامير كلها كاملة بتاعة الرفارف " خلي بالك من البارومة مكان المسامير دور على حاجة نضيفة لانى لقيت بلاوى واليوم طار ف البحث على حاجات نضيفة " اكصدام امامى = 250 ج نص خلفي كامل = 1800 ج العتب كامل للاربع ابواب = 100 ج بعد الفصال وقلت لة مش عيزهم لانى فعلا مش محتاجهم سألت علشان المنتدي سعر 2 فوانيس امامية بالنيكل استيراد من عزبة شلبي بـ : 600 ج فى عزبة شلبي اكصدام خلفي سليم بدون اي خدوش : 350 ج ولازم تفاصل معة ماشى ؟ بدء معايا من 450 ج !! تجاهلة واعمل عبيط زيي وقولة هما 200 ج مفيش غيرهم .. بص هو شوية وهيطلعك برة الوكالة بسببى هههههه .. خليك ورايا وانت تكسب ::angelwings: اكصدام خلفي متصلح قبل كدة بس تصليح نضيف : 200 ج سعر الشبكة الامامية " الشنب " فى الوكالة ايطالى مفهاش ولا خربوش = 200 ج بعد فصال شديد من اصل 300 واخدتها وسط شوية حاجات واتلككت بيها .. يأ اخدها بـ 200 ج وسط الحاجة يبلاش مش واخد حاجة " شغل عيال " علماَ انها احسن من الجديدة .. الجديدة تركي بـ 140 ج .. وفية ناس غريبة بتبيع امو 50 ج بـ 180 ج !!! هقولك الفرق بين الاتنين حـتى لا تقع فـريسة .. الرخيصة فية مسافات بين الريش وبعضها .. تقدر تشوف الريداتير من برة العربية .. التانية خامة احسن وريش ضيقة قوي .. والنيكل مدمج فى الشنب .. الرخيصة النيكل ملزوق بسيلكون ف الشنب سعر كونصولة اللى حوالين الدريكسيون " اللى فيها زرار الانتظار والسخان والشبورة وخلافة " = 300 ج بعد فصال من اصل مبلغ 500 ج !!! كان نفسى اخبطة بالرفرف اللى ف ايدي نزلت معة لحد 300 ج بعد معاناة وجبت لة شاي وشندوشات وظبط الزبون واديت لة 300 ج وقلت لة انا ماشى عايز حاجة ؟ وجريت اسعار حاجات جديدة فى شارع فيصل والتوفيقية : سعر فوانيس ريجاتا نوفا جديدة زيرو تركي : 200 ج للفانوس الواحد .. يعنى الاتنين 400 بعد فصال شديد شديد سعر فوانيس ريجاتا نوفا جديدة تايواني : 250 ج .. وفية ناس عندها بـ 225 باردو بعد فصال سعر اوشاش فوانيس ريجاتا خلفية : الواحد بـ 50 ج التايوانى بعد فصال من اصل 65 ج سعر اوشاش فوانيس ريجاتا خلفية فى التوفيقية : 40 ج للواحد سعر فوانيس امامية جديدة فى التوفيقية نوفا بدون نيكل : 500 ج سعر الشبكة الامامية الواسعة التركي : 50 ج فى التوفيقية وهى الوحيدة الموجودة هناك " ولا انصح بها ابداَ ابداَ " خامة وحشة + مسافات كبيرة بين الريش سعر الشبكة الامامية الضيقة موجودة فى فيصل : 140 ج انا سألت على حاجات كتير والله علشان اكتبها لحضراتكم وللاسف دماغي مقلوبة ودة اللى فكرو لحد دلوقت .. لذا سيتم تحديث الموضوع تباعاَ .. يعنى تابع الموضوع كل فترة هتلاقي جديد مكتوب بأذن الله .. ولو عند اي عضو سؤال عن قطع غيار او جزء يسأل وانا فى الخدمة بمشيئة الله .. وان شاء الله لما اخلص العربية هعمل موضوع عن رموز زجاج السيارات اللى بتبقى مكتوبة وازاي تعرف اسم المصنع وبلد الصنع ... الخ .. الموضوع مشابة للارقام المكتوبة على فردة الكاوتش التعديل الأخير تم بواسطة NicEgypt ; 29-03-2011 الساعة 08:12 AM |
#2
|
|||
|
|||
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
موضوع رائع
هل ممكن وانت هناك تسأل على قطع غيار ال 131
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S |
#3
|
||||
|
||||
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
تقرير اكثر من ممتاز
تسلم ايدك |
#4
|
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
شكرا يا باشا علي التقرير
فكرتني ايام ما كنت بنزل الوكاله عند علاء لو تعرفه بتاع الفيات كنت بجيب قطع غيار لل 132 و ال 125 و برضه بفاصل جامد و كنت ساعات اخد واحد صاحبي و اشاور له علي الحاجه اللي عاوزه(عدادات تابلوه مثلا او اكصدام غريب شويه) و هو يقعد يقولي دا حلو و خده و انا اسأل علي سعره و اقول غالي مش واخده يقوم صاحبي يقولي حتاخده و يقعد يفاصل مع البياع و انا ولا كأني واقف ههههههه و في الاخر برضه اقوله مش شاري و صاحبي يقولي انا حدفع الفلوس من معايا بس تاخدها و بعدين نلم من بعض الفلوس بعد الفصال و نديها للبياع و نخرج سوا هههههههههههه
__________________
حـازم خـضـر
|
#5
|
||||
|
||||
رد: اسعار طازة لقطع واجزاء ريـجاتا من الوكالة وعزبة شلبي بتاريخ اليوم
تحت امر حضرتك .. حضرتك قولي القطع اللى محتاج تعرفها علشان اكتبها معايا فى الورقة بتاعتى
واسألك عليها بأذن الله انهاردة الله يكرم حضرتك .. اتمنى انها تفيد كل مالكى الريجاتا .. خصوصا انى كنت قلقان من الاسعار وسمعت اسعار هلامية من الناس كل واحد بيقول سعر تقديري من عندة زى مثلا الابواب واحد قالى 3 الالاف ج الاربع ابواب ! لما رحت لقيت النضيف جدا منها 1600 ج واللى فيها شغل قليل 1000 ج شفت الفرق ؟ انا كنت اتقعد من الاسعار اللى قالوهالى
عنها .. رغم انى مش بحبها ولا بقبلها بس كلامك عنها خلانى عايز اشوفها .. يالله اتجدعن ورجعها تانى من المشتري .. بس اوعى تحطها جمب التويوتا .. احسن الياريس تغير من جمال الـ 125 ههههه حركة تمام يا حازم بس هما مش بيجو غير كدة على فكرة .. والله بيعملو الحركات دى هناك .. الاقى واحد يوطى عليا ويقولي قول لصاحب المحل 100 ج حلوين اكبسة واقولة خليك ف اللى انت فية ههههههههه وعملت حركة منيلة رحت لصاحب المحل قلت لة فلان بيقولي قلة 100 ج واساسا انا هخدها بـ 50 وهاخد اتنين مش وحدة الراجل وقف متنح وعايز يحاسب الواد .. قلت لة خلي دة بعدين لما امشى احسب لي حسبتى بس هههههههه * على الهامش * : اي حد عايز يسأل عن اي قطعة فى الفيات مش لازم ريجاتا يقولي علشان اكتبها معايا واسألة عليها وهحاول اشوف لة احسن سعر ليها لانهم بيقولو اسعار هلامية ف الاول وبعد متخصم معة ينزل . الموضوع عام اي حاجة تخص الفيات قولولي .. هنزل بأذن الله انهاردة العصر والرد بالاسعار بالمساء لعيون مصر موتورز واستاذنا استاذ مجدي واستاذ حازم وكل ادارة المنتدى كلاَ بأسمة لهم منى جميعا جزيل الشكر والاحترام . |
|
|