اسئلة بخصوص ضغط الهواء في اطارات اسبيرانزا 113

[humhum]

من اسبوع تقريبا قمت بنفخ اطارات السياره A113 بالنيتروجين
وكانت نصيحة الأعضاء في speranzaclub هو الظبط على ضغط 32
وطبعاً سمعت الكلام رغم استغراب البعض هناك في مركز خدمة اطارات السيارات
السؤال
!) ليه بيختلف ضغط الهوا في ال113 عن باقي السيارات ؟ يعني انااسمع ان العربيات بتتعمل على 28 ، وان زودنا قوي يبقى على 30 !!
2) ليه في فرق بين الصيف والشتا في ضغط الإطار ؟؟ خصوصاً لو هواء عادي
3) ماذا يحدث في حالة ضبط ضغط الإطار على درجة اعلى ؟؟؟؟

شكرا مقدماً

[AbOnOrA]

بص عامة كل شركة بتحدد ضغط الاطار الملائم بناء على تصميم عربيتها وطبيعى بردو ان الهواء بيتمدد فى الصيف (مع الجرى وسخونة الاسفلت) اكثر منة فى الشتاء فلازم ضغط الهواء يبقى مختلف او بشكل ابسط يفضل ان ضبط الهواء يقل فى الصيف عنة فى الشتاء

ليه يقل واية اللى يحصل لو على عن المحدد من قبل المصنع
لو حضرتك استخدمت قبل كده الكورة الكفر اكيد هتعرف الفرق بين ان الكورة تكون مش مفوخة اوى فتبقى تقيلة ومبتجريش بسرعة فى الشوط وبتدب اكتر على الارض بصوت مكتوم مميز
وعلى العكس لو منفوخة جداً بتبقى خفيفة وبتنط على الارض بشكل اكبر وسريعة فى الشوط

نفس الحكاية مع كاوتش العربية لو زاد العربية هتبقى اسرع واستهلاك البنزين هيبقى اقل بس هتبقى مشكلة عدم الثبات الناتج عن تنطيط العربية وهتبقى عرضة لان الضغط يزيد مع الحرارة والسرعة بشكل خطير قد يؤدى لانفجار العجلات

فديماً يوصى بانة يبقى اقرب لاقل نسبة معقولة حرصاً على عامل الامان لكن لو زاد شوية والكاوتش حالتة كويسة افضل من حيث الاداء

[seracomp]

كلام جميل لكن المعروف ان النيتروجين لا يتمدد كالهواء فالمفترض ان ضغط الاطار يفضل صيف وشتاء تقريبا على نفس الضغط ولا ايه رايكم دام فضلكم

[shadinagi]

بعد سؤال المهندس في التوكيل افاد بأن الضغط السليم هو 28

[كريم احمد]

ياباشا مكتوب على القائم اليمين من تحت ظبط الهواء الموصى بية 30لوفردين او ثلاثة 32لو5افراد فى السيارة وحسب استعماللك لسيارة انا ظابط نيتروجين30ومفيش اى مشاكل واظن دة لية علاقة بنظام التعليق بتاع السيارة