رائحة بنزين تدخل كابينة القيادة

[mido_4up]

هههههههههههههههههه يا باشا المشكله دى كانت عندى فى سياراتى القديمه و كانت مطلعه عينى و كانت بسبب تافه جدا و هو ان العوامه بتاعت البنزين كانت عاوزه جوان و شكراااااااا

[basosi]

المشاركة الأصلية كتبت بواسطة mido_4up هههههههههههههههههه يا باشا المشكله دى كانت عندى فى سياراتى القديمه و كانت مطلعه عينى و كانت بسبب تافه جدا و هو ان العوامه بتاعت البنزين كانت عاوزه جوان و شكراااااااا

لأ انت بتتكلم على انها رائحة بنزين لكن صاحب الموضوع اشار انها رائحة عادم
بس بقى يا عم MineGraph انت لما بتدوس على الاكسراتير (دواسة البنزين) فوق 60 كم الريحه بتختفي لكن لما بتسيب الدواسه وانت ماشي بتجيب ريحة عادم ده من غير ما تدوس فرامل ولو قافل الزجاج في الشتاء مثلا ما تلاقيش ريحه خالص ... صح كده ولا ايه
لو كده يبقى حاجه اسمها أويل سيل صباب في الموتور بيتصلح واضبط تاكيهات وان شاء الله هو ده الحل بس بالله عليك تدعيلي
اخوك سامح

[samehlila]

بسم الله
بص يا استاذي انا كان معايا عربية تويوتا سيليكا اسبور فجأه الدنيا اسودت كده و كنت بتخنق لما اروح اي مشوار و عنيا تدمع و اشم ريحه مالهاش لازمة و عرفت المشكله بالصدفه و هيه ان جوان وش التقسيمة يعني اللي تحت الغطا اللي حضرتك بتحط منه زيت للعربية في غيار الزيت ده الجوان بتاعه بيسرب زيت فبينزل علي الفرن و يتحرق و الدخان بتاعه للأسف مالوش لون لان الفرن بيبقي ساخن جدا يعني تسخين مش نار و بالتالي ان العربية و الهوا مواجه لها من الامام بيتحمل بالدخان ده و ييجي عليك من اي فتحه معدي منها كابلات في صدر العربية او من الشباك لو انتا فاتحه
و لو عايز تتأكد من كلامي بص علي الفرن من ناحية اتصاله بالموتور هتلاقيه غرقان زين او هتلاقي لونه متغير من اثر احتراق الزيت عليه - ممكن تقول لي ان زيت الموتور مش بينقص اقول لك وماله لان اللي بينزل ده نسبة خفيفه ممكن ماتلاحظهاش و كمان ممكن يكون زيت باور لو خزنة الباور قريبة من الفرن
و الحل انك تغير جوان وش التقسيمة بواحد تاني او تعمل لها واحد عند بتاع جوانات
او تشوف الزيت بييجي من فين علي الموتور
و اي خدمة
م - سامح ليله