البومه ولآ الكريستاله

[Devill Blood]

مش فاهم انت جبتوها ازاى ده دى موديل 97 ودى موديل 2003 حتى الان

[MO]

المشاركة الأصلية كتبت بواسطة medo akef حضرتك انا مش فاهم ايه الي دخل البومه في الكرستاله الكرستاله من 1997 الي 2000 و البومه من منتصف 2003 الي 2011 يبقا دي حاجه و دي حاجه و طبعا البومه افضل بكتير من حيث نظام التعليق و الراحه و الوسع و الشكل و الفخامه و كل حاجه و ده واضح طبعا فان البومه الجديده ضعف ثمن الكرستاله و مينفعشي اصلا نقارن بين عربيتين نفس الاصدار بس سنوات مختلفه بأشكال مختلفه لو هتقارن قارن مثلا بين شارك و بومه او بومه و مكوه او مكوه و كرستاله او كرستاله و بطه او بطه و عيون صافيه مش هنقارن بين عربيتين في فرق سنين في التصنيع اصلا و كمان لما بنقارن بين عربيتين من نفس الاصدار يعني بنشوف الشركه دي بتتقدم ولا بتتاخر مش من حيث دي احسن و دي اوحش ياريت تكون فكرتي وصلت لكم

تمام يا كبيير وصلت بجد كلامك زي اللوز
زي ما انت قلت في فارق سنييين و كده
انا بقول بقي يجيب كرستالة و يروقها في نظام التعليق و الفرش و الطبلوة و الفخامة
بالحبشتكنات كمان تكييف...
بعد كل ده ممكن القيمة السعرية توصل لاقل من البومة

في الاول و الاخر طبعا البومة هتتفوق علي الكرستالة للاحسن
بس انا اختار الكرستالة الي انا عملها علي ادي "مساعدين,جنوط,سى دى,سمعات,فرش,طبلوه"

[hazem_khidr]

لا يمكن مقارنه موديل قديم بموديل احدث من نفس السياره
يعني لا يقارن الكريستاله بالبومه ولا البومه بالشارك حتي
لان كل موديل و له مميزاته و عيوبه
و للعلم الكريستاله صاجها اقوي و داخليا اوسع من البومه بمراحل خصوصا في الخلف
حتي موتور الكريستاله رغم انه 1300 لكن ادائه اقوي من اداء بومه 1300 و عن تجربه للسيارتين
حتي المكيف بالنسبه للكريستاله اقوي.
و بنظره بسيطه في الشارع المصري تري السيارات الكريستاله رغم قدم عمرها معظمها لا يزال بحاله جيده جدا
بعكس البومه التي بدأت تظهر عليها علامات الزمن بسرعه اكبر..
و هذا لا يعيب البومه في شئ لان كل سيراه و لها ظروفها الخاصه
قد تكون البومه تتمتع بتابلوه اشيك و شكل احدث
لكن الكريستاله و ما تقدمه في حاله ان تكون سياره جديده افضل بكثير مما تقدمه البومه