التحايل "الاخوانى"!!

[kj1]

[kj1]

[kj1]

الحادث بتاع امبارح رغم بشاعته و دمويته و انحطاطه ( ماهو مفيش انحطاط اكتر من أنك تعتدي على ناس مسالمين بيصلو لله في مسجد أو كنيسه ) , إلا إن الحادث ده لا يخلو من ميزه , ايه هي الميزه ؟ الميزه ان الناس تفهم , الفهم في حد ذاته هو أول و أهم سلاح في الحرب على الإرهاب , تفهم إيه بقى ؟
بهدوء شديد
- جماعة الإخوان الإرهابيه عايشه مع حضرتك في الشارع و الشغل و البيت و الغيط و بيمثلو العنصر الأهم في سلسلة الإرهاب لكن مش هما اللي بيفكرو و يخططو , فيه اللي بيفكر لهم و يخطط لهم و يدعمهم بغطاء مادي و سياسي و عسكري , و مش بالضروره عناصر جماعة الإخوان الإرهابيه تشارك بنفسها في العمل الإرهابي , لا ده مش مهم , طالما توافرت عناصر بديله مدربه أو عناصر بديلة مدمنة مخدرات و في كل الحالتين مرتزقه بينفذو التعليمات مقابل شوية دولارات أو شمتين هيروين , طب دور جماعة الإخوان الارهابيه ايه ؟ دورهم المأوى و الملاذ و تخزين السلاح و يبقو حلقة وصل و دعم الإرهاب في قنواتهم و على صفحاتهم , طب ليه هما الحلقه الأهم في السلسله ؟ عشان باختصار عايشين وسطينا , بياكلو زينا و يلبسو لبسنا و من هنا بتيجي خطورتهم .
- الإرهاب اللي بتواجهه مصر من سنين طويله مش شوية بهاليل بدقون فاههمين الدين غلط , الكلام ده عباره عن هبل و اختزال مسف و عبيط , الإرهابي البهلول المتخلف عقليا هو أضعف حلقه في السلسله دي و هو الحلقه اللي مش بيحتاجوها في أغلب الأحيان , لأن البدايل متوفره و محترفه و مدربه و جاهزه للتنفيذ .
- الإرهاب سلسله أولها في بريطانيا و أمريكا و اسرائيل , سلسله بتشمل تركيا و قطر و جماعة الإخوان و حماس و عمر البشير و بعض الكيانات الحاكم في ليبيا , سلسله بيتم فيها توزيع الأدوار بحرفيه شديده , السلسله دي بتشمل القنوات و الجرايد و الميديا العالميه و الخنزيره و قنوات الخرفان في تركيا و بتشمل كمان الجمعيات الأهليه و مراكز حقوق الإنسان و السوشيال ميديا , كل واحد بيلعب دوره المرسوم له , انت هتقتل و انت هتطلع تقرير عن السجون في مصر وانت هتفبرك فيلم عن معاناة الجندي المصري في الجيش و انت هتخزن السلاح وتحمي الإرهابيين , وانت هتهبل عالفيس بوك و تقول الجيش بيقتل الأقباط في الكنيسه و المسلمين في المساجد و الظباط في الكمين , وانت هتقول لا مابيقتلش بس ده فشل أمني و الأيام الجايه سوده , توزيع أدوار في مسرح العرايس الأمريكي الصهيوني .
- مناهج الازهر الشريف محتاجه كتير تعديل و تنقيح , و بعض مشايخ الازهر محتاجين يتحط بلاستر على بؤهم , انما لما تقرا الكلام اللي فوق و تفهمه هتعرف ان الإرهاب اللي حاصل من سنين ده ملوش أي تلاتين علاقه بالأزهر ولا بمناهجه , يعني بكره الصبح لو مناهج الأزهر دي اتفورت و طلع شيخ الأزهر يقول الإرهابيين كفار و ولاد دين كلب ولا هتفرق أي حاجه , يعني ولا الهوا , فلو سمحت بطّل هري واعرف انت بتحارب مين و حلقات السلسه دي فين .
- نقطة أخيره مهمه جدا , الإرهاب مش هدفه اسقاط عبد الفتاح السيسي , لو ده هدفه و دي غايته كان السيسي شخصيا استقال و قال يحمي مصر باستقالته , مبارك نفسه مكانشي مستهدف ولا القذافي ولا بشار ولا صدام , المستهدف هو الدول و الجيوش , الغايه و الهدف هو تدمير جيوش المنطقه و تفتيت الدول لدويلات برعاية و خيانه عربيه و بأموال النفط العربي , عشان كده لما عبد الفتاح السيسي قال امبارح احنا بنحارب الإرهاب لوحدنا و نيابة عن العالم كان بيعنيها جدا .
أنا إيدي وجعتني من الكتابه , يارب الناس تفهم .
منقوووووول

[kj1]

صحيفة "عكاظ":
قطر رصدت 75 مليون ريال قطري بالتنسيق مع المنشق السعودي سعد الفقيه، وذلك بهدف دعم متطلبات أعمال تخريبية، وتجهيزات مادية ولوجيستية لعناصر التنفيذ.وأشارت "عكاظ" إلى أن معلومات حصلت عليها تؤكد أن الدوحة سعت لتجنيد مرتزقة من دولتي كينيا والصومال لتنفيذ عمليات إرهابية، وذلك لزعزعة أمن السعودية والإمارات.... وأضافت أن هذا يفسر ورود اسم محمد أتم الصومالي الرجل الثاني في حركة الشباب المجاهدين ضمن القائمة الثالثة للإرهاب التي أصدرتها الدول الأربع المقاطعة لقطر مساء الأربعاء.

[kj1]

المشاركة الأصلية كتبت بواسطة kj1