|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
10-09-2017, 05:16 PM
|
||||
|
||||
رد: التحايل "الاخوانى"!!
مش عزيزي الاخواني والسلفي ...
فاكر ايام طلوعكم الاتوبيسات في التمانينيات و التسعينيات وتبرعوا لبناء مسجد ومستشفى عدت سنين وما شفناش ملمح واحد ليهم؟ طيب ...فاكر ايام مظاهراتكم في الجامعة بتاعة ما في خوف ما في خوف الحجر صار كلاشينكوف - وخيبر خيبر يا يهود جيش محمد سوف يعود ومسكتكم الحكم وكان اخرتكم مسيرة من رابعة للصالة المغطاة ؟... طيب فاكر ايام كلامكم عن حرب افغانستان و ازاي ان امريكا ما بتجيبش سلاح للافغان و ان سلاحهم هو قنابل الاتحاد السوفيتي اللي ربنا بيمنع تفجيرها فيهم فياخدوها و يضربوا بيها السوفييت؟ طيب فاكر ايام حرب الشيشان و اغاني الجهاد الزائف باسم الدين بينما الموضوع كله متمول من تركيا لضرب وتفكيك ما بقي من الاتحاد السوفيتي و السيطرة على البترول ؟ طيب بلاش دي كمان ...فاكر أيام لم التبرعات في اتحاد الاطباء العرب و هيئة الاغاثة لما الناس صدقت كلامكم بتاع مساعدة اخواتنا في غزة و المسلمين في افغانستان و الجعانين في افريقيا ؟ طيب سيبكم من كل ده ... فاكر ايام صور ابو الفتوح اللي كنا بنصدق ونتعاطف معاها وهو واقف على معبر رفح بالمساعدات و احنا نقول ياااه الراجل بيدافع عن الحقوق الراجل بيوصل الاغاثة ؟ أهو عشان تاريخ زيفكم اللي انكشف ما بقيناش نصدق كذبكم تاني في اي بقعة في العالم ... كلامكم ما بقاش ياكل معانا ...بيعوه للمغيبين نشوى الحوفى 
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
|
10-09-2017, 05:24 PM
|
||||
|
||||
رد: التحايل "الاخوانى"!!
أنا من الجيل اللي اتربى على توب الكستور في الشتا علشان يتعمل منه بيجامات وارواب انا من الجيل اللي كان بيغسل سنانه بمعجون ارتف وصابون بسمة و 5 خمسات و ماما تجيب صابون الغسيل المكعبر تبشره مع سافو أو رابسو وتحطه في الغسالة وتغلي الابيض عشان يبقى زي الفل انا من الجيل اللي أهله وقف في طابور الجمعية اللي ما فيش منفذ غيرها ياخد فرخة لكل عيلة ... أنا من الجيل اللي قلى السوداني و البطاطا في حلة الكيك وعمل الحلبة المعقودة "مفتقة" في الشتا...و حمص لب البطيخ في الصيف أنا من الجيل اللي كان عنده طقمين وصندل للصيف وطقمين وجزمة للشتا و يحافظ ع القديم ويقيفه على حاجات جديدة فيبقى طقم تالت أنا من الجيل اللي كان مآمن ان عمر افندي وهانو قمة الأناقة ومقصد الشرا أنا من الجيل اللي حضر كراسات المدرسة المتجلدة بورق بيع اللحمة ولسة ريحة الورق شماها أنا من الجيل اللي عشق اللمة والعيلة وتجميعة على أكلة ولو بيض مسلوق وحلة كشري اصفر وطبق سلطة بلدي معتبر أنا من الجيل اللي شاف وعاش البركة في القليل وشاف الطموح نجاح ومعافرة ورضا بالنتيجة أنا من الجيل اللي لما عاش ده عرفت يعني ايه معنى أهل أخاف ع التراب اللي بيمشوا عليه ومعنى بيت بيلمنا وأرض هي كل حاجة .... نشوى الحوفى
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
|
|
|
