ارشيف الاستراحة 2009

[محمد حنفى]

شكراااااااااااااااااااااا ااااااااااً

[Romeeoo]

المشاركة الأصلية كتبت بواسطة pro mada شوفته امبارح و هو لسه طازه و اديت حضرتك شكرا عليه و منتظر باقي الموضوع بفارغ الصبر و تسلم ايدك يا روميو باشا

مش مسئلة شكر يا مادا ولا انتظار انا مستنيك انته وباقى الناس نتناقش ع الجزء ده الأول عشان اشوف الإنطباع ايه

[dreamer lover]

هوة فعلا مضوع مقرف وانتشر جدا في مصر لدرجة تثير الاستياء

[Lighting_Mody]

السلام عليكم ورحمة الله وبركاته
أخي العزيز ليس انسب ولا اجمل في هذه المواقف سوى قول الرسول عليه الصلاة والسلام :
( ليس الشديد بالصرعه إنما الشديد الذي يملك نفسه عند الغضب )
صدق رسول الله صلى الله عليه وسلم
عايز أقولك ان انت طول ما انت بتسوق حتتعرض لمواقف كده
وعلى فكره مش من سواقين التاكسيات والميكروباصات بس
لأ انت حتلاقي الملاكي واحياناً بعض ضباط المرور وممكن بعض المشاه..يبقى الحل حاجه من اتنين يا تبقى (وانا اسف في اللفظ ) بلطجي وقليل الادب زيهم وساعتها اضمنلك حيبقوا زي الفراخ من غير صوت ومش شرط تضربهم لأ ..ده بالصياح والشتيمه ...الخ
بس وقتها حتبقى من عينة اللي قدامك وده طبعاً مفيش واحد محترم يقدر يقبله على نفسه..
الحل الثاني انك تمتص غضبه مهما كان حتى لو انت مش غلطان لغاية مايرجع لعقله تدريجياً وساعتها تفهمه بكل هدوء واما يتقبل ويعتذر واما يبصلك بقرف ويمشي بس مش مهم
المهم انك متنحدرش للمستوى الزباله البربري ده
طيب حتقولي ولو كسرلك فانوس عربيتك حقولك متكسرلوش فانوس عربيته لأن ده حيصعد الموقف زياده سيبه يمشي واتصل بالنجده واعمل محضر وانت واقف برقم عربيته وخليك محترم ومتحضر.
انا عارف ان فيه ناس مش حيعجبها الكلام وممكن تفتكره ضعف بس افترض انك اتخانقت وضربته كمان بس كان معاه مطواه وضربك بيها أو ضرب صاحبك ساعتها حتندم باقي عمرك..
أقسم بالله ان انا مجرب الموضوع ده عشان كده بنصحك من قلبي..
آسف اني طولت عليك

[د0تامر محمد]

إنها ثقافة البلطجة!!
إنتشرت وتشعبت وطالت الجميع
المصرى الطيب الشهم المتسامح طويل البال معتدل المزاج أصبح نادرا فى هذه الأيام الغريبة !!
أنت أخطأت 00نعم حدث هذا ولكنك لم تجرم00
أتذكر إعلان تلفزيونى (البركة بالشباب)فبه شاب ذهب لإخراج
سيارته فوجدها محتجزة بواسطة أخرى فقام بإحضار شىء ليعبث بها إنتقاما من هذا الشخص فمنعه أصحابه من التهور وطالبوه بالتمهل وإلتماس العذر وإذا بصاحب السيارة يأتى مصطحبا رجل قعيد على كرسى متحرك وهو يعتذر بأدب فشعر صاحبنا بالخجل مما كان سيفعله!!
أصبحنا نثور لأتفه الأسباب ومن يمتلك قوة (عضلية أو سلطة أو مال) يزأر فى وجه أخيه يريد إفتراسه وكأنه يمتلك الدنيا !!
إفتقدنا التسامح وضاعت المودة بين الناس وأصبح الإحترام والعفو والحكمة ضعف فى نظر مجتمع أصبح يعج بالغوغاء والهمج

أذكر أن ضابط مرور فى إشارة عندما قفلت كانت هناك سيارة 128 تقدمت خطوة فتقدم منها الضابط وقاله إركن وإنزل
ونزل الرجل وكان يرتدى تريننج وشبشب وأمتثل للضابط الذى لطعه بعض دقائق وهو يأخذ منه الرخصة ويلقى بها على الأرض
ويقول له هاتها
قال له الرجل: زى مارميتها حضرتك هاتها
وشتمه الضابط فقال الرجل الله يسامحك
وتمادى الضابط وشتمه وقال وحياة أمك يا000
وهنا قام الرجل المهذب بصفع الضابط على الملأ !!!!!
وقبل أن يتطور الأمر أفصح الرجل عن شخصيته فتجمد الضابط فى مكانه !!!
لماذا أصبحت ثقافتنا هى الهمجية والإستهتار بحسن المعاملة والخلق الكريم وإفتقادنا لحسن الخلق وموّدة التعامل الكريم بعضنا مع بعض؟!
ما فعلته مع الرجل هو عين الصواب ولم تنجرف إلى النزول إلى مستوى شخص همجى ومتخلف