|
لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
|
أدوات الموضوع |
#1
|
|||
|
|||
تظبيط صالون لادا سمارا هاتش باك
السلام عليكم
عاوز اخد راى ملاك السماره فى شويه حاجات كده واشوفها تقريبا كده هتروش وهتخلى العربيه من جوه مريحه زى الحديث اولا هفك التابلوه واعمل موضوع العزل الداخلى بالفوم واللباد عازل صوت وماء واللباد الحرارى موضوع على فكره مهم لان السماره مفهاش عزل نهائى والموضوع مش مكلف اوى على اد ما الواحد مش هيسمع صوت ولا هيحس بسخونيه المواتور بناء على كلام الناس اللى عاملاه فى عربيات قديمه زى 27 و28 وحسوا بفرق جامد جدا لا صوت ولا حراره الماتور الموضوع هيخش فى حوالى 200ج بالكتير ثانيا تظبيط الضفيره كامله وتشغيل جميع العدادات والموضوع انا عاوز حد يتناقش معايا فيه لان كل الناس عارفه ان اهم حاجه كهربا العربيه تكون مظبوطه انا عاوز ابنى على نضافه يعنى المارش والدينامو والاسبراتير والموبينه هفكهم واعمل صيانه ليهم عند الكهربائى مع شغل الضفيره عاوز اعرف انا عندى اسبراتير الكترونى والمشط بس الموبينه عاديه عاوز اجيبها الكترونى برده كده الكهربا الاساسيه للعربيه اتقفلت بالترتيب التابلوه الغبى بتاع السماره ده مشكلتى الازليه عقده نفسيه لما ببص عليه حتى الجديد الاستيراد كارثه عاوز اروح لواحد بتاع فبر اشيل الجز اللى بالمنتصف اللى فيه مفاتيح الانتظار والكاسيت واعدل انا بقه على مزاجى اركب شاشه مع كاسيت نضيف وسماعات صوتها كده يعدل المزاج ويروق التابلوه والله اللى فى دماغى ده واجلد التابوه بلون يليق مع فرش العربيه الى ناوى اعمله كله لون واحد كلاسيى او لون روش جامد كله عند الكهربائى لسه عشان اماكن مفاتيح النور والكاسيت والسماعات والسنتر لوك وزجاج كهربا بلاش نحوش احسن يااااه كده الكهربا كلها جديده والفرش جديد والقاعده حلوه فى موقع اسمه 3dtuning.com بتختار اسم العربيه وموديلها وهوه بيظهرها ليك بشكلها الاساسى انت بتروش العربيه براحتك من اكصدامات وفوانيس وعتب واسبويلر وجنوط واختار وركب على العربيه وانت فى ثوانى كله ببلاش ولف العربيه وهاتها شمال يمين ولون براحتك اللون اللى انت عاوزه وسقط وهبط نرجع تانى لموضوعنا انا قولت نحلى بالجزء اللى فات ده هكمل تانى بس عشان تعبت طولت عليكوا |
#2
|
||||
|
||||
رد: تظبيط صالون لادا سمارا هاتش باك
الف الف مبروك علي السماره انا عندي لادا نيفا كنت عايز من حضرتك تبقي تكتب اسعار التكلفه الحقيقيه للشغل اللي هتعمله في العربيه بعد الانتهاء علشان عايز اظبط النيفا و شكرا
|
#3
|
|||
|
|||
رد: تظبيط صالون لادا سمارا هاتش باك
ان شاء الله
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
للبيع لادا سمارا روسي موديل 95 | mohamedeg22 | سيارات مستعملة للبيع | 1 | 19-09-2015 01:55 AM |
هل عفشه لادا سمارا هي نفسها عفشه لادا 2110؟؟؟؟ ضرورى | حسن عبد الوهاب | لادا LADA | 3 | 29-03-2014 09:41 PM |
عايز اشتري لادا سمارا ستيشن 2004 | حسن الجندي | لادا LADA | 5 | 20-02-2012 11:13 AM |
لادا سمارا | Rania Elhoseny | لادا LADA | 7 | 09-02-2012 12:12 PM |
برجاء الإفادة عن النيسان صنى سوبر صالون | moatazrhm | صنى SUNNY | 5 | 23-01-2012 04:13 AM |