برجاء الإفادة عن النيسان صنى سوبر صالون

[moatazrhm]

يا جماعة انا عندى سؤال بجد مهم عن الصنى - السوبر صالون ؟
هل اشترى نيسان صنى - اى اكس ولا سوبر صالون 2011 ؟ الحقيقة انا طبعا قريت و سمعت عن الفروق ما بين الموديلين لكن واضح ان فى خلاف فى الرأى فى ناس شايفة ان الفرق ما يستاهلش المبلغ المدفوع فيه حوالى 10 آلاف جنيه وفى ناس شايفة غير كده ؟
ده غير كمان ان فى ناس شايفة ان النيسان عربية استهلاكية بطبيعتها وفئتها و سعرها عشان كده السوبر صالون تعتبر غير متناسبة السعر مع الفئة الخاصة بالنيسان الصنى بحكم انها عربية استهلاكية متوسط سعرها ما بين ال 85 - 90 الف جنيه ؟
والحقيقة انا شخصيا فى حاجة محيرانى انا لما لاحظت النيسان صنى لقيت ان المنتشر منها اكثر فى مصر الاى اكس صالون مش السوبر صالون مع ان فى فروق واضحة فبدأت اتساءل هو ايه حكمة الشركة فى انتاج فئة السوبر صالون لو مكانتش بتتباع او وجهة نظر الناس انها مش على قد قيمتها ؟
وشكرا
طبعا الفروق ما بين العربيتين بسؤال أصحاب الخبرة و من خلال صفحات المنتدى وارجو التعديل لو حد عارف فروق ازيد :
- السوبر صالون :
1- عفشة رياضية
2-مرايات كهرباء
3-جزء من التابلوه أبنوس
4-اوكر الباب نيكل
-الفرش خامته افضل .

[ابويوسف555]

السلام عليكم, أخي الفاضل أنا ركبت الex و super الفرق بين الاثنين في عفشة العربية واضح جدا وهو لصالح الsuper لانها ناعمة أما الex فهي بتدب في المطبات اما باقي الكماليات فهي نسبية وعلى فكرة الناس لما بتشتري بتحاول تسترخص للاسف ولو عاوز تتأكد من كلامي دور على العربية دي مستعملة هتلاقي قليل اللي بيبيع ال super اما الex فهتلاقي كتير بيبيعها .ارجوا ان يكون ردي مفيدا لك وربنا معاك

[phantiza]

سيدي الفاضل حضرتك الي بيحكمك حاجتين اولا احتياجك الشخصي
ثانيا سوق السيارات
لو حضرتك بتلف في اماكن غير ممهدة كالقري والارياف ومعدل الكيلوات كتيييير يبقي حضرتك محتاج عربية تستحمل البهدلة وارشحللك السوبر صالون
لاكن لو زينا حركتك بالعربية المعدل الطبيعي اكيد ex
بالنسبة لحركة البيع للنيسان بطيئة وغير مرغوب فيها يعني السوبر صالون فرصة الخسارة طبعا اكبر من ex
ولك حرية الخيار وانت اولي بكل قرش تدفعة !!

[MmFFoR]

انا سمعت ان العفشة السبور باقت تركب في العربيتين من السوبر صالون بس

[elgdawy2007]

المشاركة الأصلية كتبت بواسطة moatazrhm يا جماعة انا عندى سؤال بجد مهم عن الصنى - السوبر صالون ؟ هل اشترى نيسان صنى - اى اكس ولا سوبر صالون 2011 ؟ الحقيقة انا طبعا قريت و سمعت عن الفروق ما بين الموديلين لكن واضح ان فى خلاف فى الرأى فى ناس شايفة ان الفرق ما يستاهلش المبلغ المدفوع فيه حوالى 10 آلاف جنيه وفى ناس شايفة غير كده ؟ ده غير كمان ان فى ناس شايفة ان النيسان عربية استهلاكية بطبيعتها وفئتها و سعرها عشان كده السوبر صالون تعتبر غير متناسبة السعر مع الفئة الخاصة بالنيسان الصنى بحكم انها عربية استهلاكية متوسط سعرها ما بين ال 85 - 90 الف جنيه ؟ والحقيقة انا شخصيا فى حاجة محيرانى انا لما لاحظت النيسان صنى لقيت ان المنتشر منها اكثر فى مصر الاى اكس صالون مش السوبر صالون مع ان فى فروق واضحة فبدأت اتساءل هو ايه حكمة الشركة فى انتاج فئة السوبر صالون لو مكانتش بتتباع او وجهة نظر الناس انها مش على قد قيمتها ؟ وشكرا طبعا الفروق ما بين العربيتين بسؤال أصحاب الخبرة و من خلال صفحات المنتدى وارجو التعديل لو حد عارف فروق ازيد : - السوبر صالون : 1- عفشة رياضية 2-مرايات كهرباء 3-جزء من التابلوه أبنوس 4-اوكر الباب نيكل -الفرش خامته افضل .

بص يا قمر السياره فى الشكل والصالون من الداخل واحد لكن السوبر صالون حنقارنها مثلا بالفئه زات 96000 الايه اكس اوتوماتيك مزوده بفرامل ايه بى اس كده حيبقى الفرق 7000 جنيه وحقولك عليه وشوف انتى بقى يستاهل والا لا
اولا اير باج زياده للراكب اليى جنب السواق
ثانيا اضاءه بالمرايا الجانبيه للشماسه الموجوده بجوار كرسى السائق
ثالثا جراب نضاره
رابعا السياره مزوده بفيبر بلاستيك بالابواب على شكل الابانوس وكمان التابلوه الجزء الخاص بالكاسيت ايضا مزود بنفس الفيبر
خامسا الابواب مزوده بنواكل وليس بلاستيك لفتح الابواب من الداخل
سادسا مرايات تطوى كهربائيا من داخل صالون السياره لكن الايه اكس بتتحكم فى المرايات كهربا برضه بس مش بتطوى غير باليد
سابعا بقى جنوط اسبور مش طاسات عاديه
البند رقم 8
فرامل ebd غير abs ودى مش موجوده فى الايه اكس صالون يعنى بالعربى الايه اكس المذكوره مفيهاش ebd او حتى ba لكن السوبر صالون مزوده بالانظمه دى لكن ex صالون فيها بس abs
البند 9
مسند خلفى بين الكرسيين
البند 10
الدركسيون والفتيس ومقبض فرامل اليد مزود بالجلد الطبيعى
البند 11
بقى موضوع العفشه الرياضيه ده تسأل فيه لان اعتقد كده ان نفس العفشه دى موجوده فى موديل 2012 للنيسان ex مع وجود بار خلفى وده موجود فى سيارتى ex موديل 2012 بس مستفسرتش بقوه عن انه زى بتاع السوبر صالون او لا
البند رقم 12 ده كان بينزل فى موديلات 2011 وهو ايه بقى ان الزجاج الخلفى للسوبر صالون والنوافذ الخلفيه ممكن تجيلك فاميه وبتزيد 1000 جنيه عن السوبر صالون العاديه 2011 لكن لغايه كتابه سطورى دى مع الاسف اتلغت موضوع الفاميه فى موديل 2012 سوبر صالون وبقت تنزل زجاج ملون فاتح اوى عادى فقط يعنى مش فاميه غامق بس افضل طبعا من زجاج الايه اكس صالون اليى مع الاسف مصرى تقفيل مصانع جريش فى القاهره وللعلم الزجاج كله فى كل موديلات صنى تقفيل مصانع جريش بأختلاف بقى فاتح او ملون او غامق
بخصوص انتشارها بقى انه محدود فده يرجع لتقييمك انت بعد الشرح اليى شرحتهولك فيه ناس مش عاوزه الكلام ده كله يعنى مش مفيد بالنسبه لها وكمان بيوفروا لان معظمهم بيشترى قسط وطبعا كل ما زادت الفلوس بتزيد فوايد القسط زى منتا عارف عشان كده معظم اليى شاريين السوبر صالون عاوز فيها كل الزياده دى وبيكون شاريها كاش عشان فوايده متعلاش وانا عن نفسى لو معايا فرق السوبر صالون من الايه اكس اوتوماتيك كنت حفضل طبعا السوبر صالون عشان كده انا اشتريت الايه اكس بدون الايه بى اس موديل 2012 عامله 93000 الف
البندر رقم 13
نوع الفرش فى السوبر صالون افضل من الايه اكس صالون اتمنى اكون افدتك ولو انى مشاركتى ليك جت متأخره بس معلش بقى مكونتش شوفت موضوعك غير دلوئت بس وكمان ملحوظه مهمه لما تحب تقارن بين الايه اكس صالون والسوبر صالون تيجى على اعلى فئه فى الايه اكس صالون اليى هى اوتوماتيك مزوده بالاى بى اسى وتقارنها بقى بالسوبر صالون لان اعلى فئه فى الاي اكس دى مزوده بمعظم الكماليات الموجوده فى السوبر صالون عدا الفرق اليى قولتلك عليها وطبعا الفرق بينهم ساعتها حيكون 7000 الاف جنيه فقط لان الايه اكس الهيدروماتيك المزوده بفرامل ايه بى اس موديل 2012 بتعمل 96000 الف جنيه لكن السوبر صالون بتعمل 103000 الف موديل 2012 برضه يعنى الفرق 7000 جنيه بزياده الكماليات الموجوده اعلاه بين الموديلين حتى تاريخه 8/1/2012 وعلى فكره خلاف الفروق الموجوده بين الموديلين السياره نفس الكفاءه واحده وفيه ناس بقى بتحب المانوال والمانوال طبعا بدون الايه بى اس لكن فيها نفس خصائص الايه اكس صالون اعلى فئه بدون الايه بى اس وبدون فتيس اوتوماتيك بتعمل 88000 الف يعنى 8000 الاف جنيه فرق بين الموديلين عشان فرق الفتيس الاوتو من المانوال وكمان فرق فرامل الايه بى اس وطبعا ده يبقى كتير