|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
13-02-2016, 09:30 PM
|
||||
|
||||
رد: مخطط تصفيه الثوره ,,
وجهة_نظر_في_إضراب_الاطبا ء
الإخوة الأطباء اللي بيكرهوا النظام - لأنهم كانوا حايكتشفوا علاج للإيدز و دواء شافي للسرطان و يقضوا علي الإنفلونزا من الكوكب و يوصلوا للعالمية بس النظام قالهم لأ بلاش...... - أثبتوا حاجة بنقولها و هم بيهاجموها بقالهم فترة.. إن التعليم و مجموعك في الثانوية مش دليل علي أي شيء علي الإطلاق.. ممكن تكون جايب 105% و مابتفهمش حاجة برضه عادي... كان كل ما يتمسك إرهابي يطلعوا يقولولنا: "إرهابي إزاي دا مهندس.. إرهابي إزاي دا دكتور.." دا طبعا لأن كليات الطب و الهندسة بتخرج ملائكة من حملة العرش.. مستحيل يطلع منها خارج علي القانون.. و مع إن "أحمد نظيف" كان مهندس برضه.. بس دا بالذات شايفينه قاتل...! قاتل إزاي دا مهندس يا كماحة... الدكاترة إياهم اللي قفلوا مستشفى المطريه بذكاء فذ، متصورين بشكل ما إن دا حايخلي الناس اللي المستشفى مقفولة في وشهم تثور علي النظام، و بالتالي يبقى هم نجحوا.. مفيش دكتور واحد فيهم بيفهم حاجة في علم النفس و لا سلوك الجموع طلع قالهم: "الجموع دايما بتمسك في أول واحد تلاقيه قدامها و أول دائرة في الحلقة.. انتوا.. مش النظام..".. و دا اللي حصل فعلا.. محدش بقى طايق تتقال قدامه كلمة "دكتور".. إنزل الشارع و اقعد علي قهوة بلدي و للا اقف وسط ناس عادية و قل لهم: "إحنا الدكاترة اللي قفلنا المستشفي الجامعي و عملنا إضراب".. و نتقابل بعدها في المشرحة... طبعا الموضوع لا هو "كرامة طبيب" و لا الخزعبلات اللي ما أنزل الله بها من سلطان دي.. الموضوع باختصار: "حانعمل اللي في دماغنا و نلوي دراعكوا لمكاسب سياسية".. عايز تتأكد إن حوار "كرامة الطبيب" دا هجص؟ بسيطة.. الإخوان في 23 إبريل 2013 سحلوا د. محمود عبدالله؛ نتيجة لمواقفه ونشاطه السياسى المعادي ليهم في مستشفي أسيوط عشان رفع لافتة معادية ليهم أمام المستشفي.. حصل إيه ساعتها؟ كانت فين كرامة الطبيب؟ بتاريخ 7/1/2013 اتوفى الطبيب محمود الشربيني في مستشفى الحياة "الخاص" بمركز شربين محافظة الدقهلية - و حط مليون خط تحت كلمة "الخاص" دي - بسبب تسرب لغاز أول أكسيد الكربون و استنشاقه للغاز دا.. بالبلدي.. دمك "بيحب" أول أكسد الكربون لأنه بيتحد مع الهيموجلوبين بسرعة و يسر.. و بتحس إنك عايز تستنشق أكتر.. عشان كده كلنا بلا استثناء بنحب ريحة "راكية الحطب" و هي بيتعمل عليها الشاي و ريحة "الشواء علي الفحم" و البخور و المدخنين بيحبوا التدخين.. إلخ... لأن من نواتجهم أول أكسيد الكربون.. و مع إنه مالوش رائحة هو نفسه.. الا إنه موجود في الأدخنة دي.. الغاز دا بيتحد مع هيموجلوبين دمك و يكوّن "كاربوكسي هيموجلوبين Carboxyhemoglobin".. دا مع كثرة الغاز بيخلي دمك ميبقاش قادر يحمل أكسجين لمخك.. و تموت... موتة قاسية صح؟ أحب أقولك إن النقابة ساعتها ماتهزش فيها شعرة واحدة و لا اتخذت اجراء ضد المستشفي "الخاص" دا عشان تشوف قواعد الأمن و السلامة و ازاي طبيب يبقي قاعد بيعالج المرضي و يموت من تسمم أول أكسيد الكربون... محدش فتح بقه خالص... عايز زيادة؟ المرحوم د. أحمد عبداللطيف.. اتوفى 23/12/2013 بعدوى التهاب رئوي حاد، و خد العدوى وهو بيركب أنبوب تنفس عنقي لمريضة في العناية المركزة.. تاني؟ المرحوم د. أسامة راشد أصابته مريضة جاية من المملكة العربية السعودية بأنفلونزا الخنازير و مات في 2/2/2014 بمستشفى المنصورة الجامعي.. أما المرحومة د. داليا محرز.. الطبيبة بالإسماعيلية، فقد أصيبت بالتهاب سحائي و ماتت بتاريخ 5/11/2015.. عدوى برضه.. المرحومة كان عندها ابن عنده سنة و نص... عملت ايه النقابة ساعتها "الحريصة أوي علي الطبيب"؟ اتكلمت عن زيادة "بدل العدوى".. مش اجراءات وقاية و لا غيره.. لا.. موت يا حبيبي.. بس خد بدل... كان فين النقابة ساعتها؟ حانشتغل بعض؟؟؟ طبعا دا غير اللبانة اللي في بق الإخوة الأطباء بتاعت: "الدولة توفر لي مناخ معقم و بيئة عمل مضبوطة.. دي مشكلتها".. طبعا كلنا عارفين إن الرئيس عبد الفتاح السيسي و حضرات السادة رئيس شريف إسماعيل رئيس الوزراء ووزير الصحة، بيروحوا دايما المستشفيات العامة و يقولوا للدكاترة: "ليه يا حبيبي؟ رايح ترمي الكانيولا و للا السرنجة المستعملة في صندوق البيوهازرد ليه؟ ارميها في الأرض (دا بيدل علي إنك دكتور بروفيشينال و مش فاضي و كده).. و الأخت الممرضة من فضلك ارمي القطن ابو دم دا جنب السرير.. يا دكتور من فضلك.. ماتلبسش ماسك و لا تغطي شعرك و انت بتشتغل.. يا ريت كمان تاخد سلفي و انت بتعمل جراحة و تبوس المريض من بقه.. الدكتور اللي هناك دا.. حضرتك مابتجريش ورا الممرضة تقرصها و تهزروا ليه شوية؟ انت مخصوم منك.. و حضرتك يا دكتور قاعد مازوغتش ليه؟ ".. مش عارف بتضحكوا علي مين بالضبط.. و مصدقين فعلا موضوع "كرامة الطبيب" دا اللي بتوظفوه سياسياً.. و لا بتكذبوا علي نفسكم... ههههههههههههههههههههههههه هههههه منقوووووووول
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
|
|
|
