#1
|
|||
|
|||
ركنة عربية ولادنا فى شوارع المحروسة بلدنا
السلام عليكم
الموضوع و بإختصار علشان نهون على بعض و نشوف حل للمشكلة دى.... ركنة العربيات فى الشارع المصرى و اللى بيحصل فيها مبدئياً مش بأتكلم علشان ناس تقولى جراج. فى مناطق داخل العاصمة مفيهاش رصيف تركن جنبه فضلاً عن وجود جراج فى الحى كله, بالإضافة لإنك مش كل متروح تشترى حاجة و لا تروح شغلك تطالب بوجود جراج. أكيد هتضطرك الظروف إنك تركن فى الشااااااااارع !!! قانوناً الشرطة بتقول: ملهاش حماية عندنا أدام فى الشارع طيب عاوزين نعرف من خلال تجاربكم إيه المواقف اللى ممكن تتعرض لها عربيتك فى الشارع و عملت إيه؟ لإن أنا لحد الآن مكتفى بالدعاء و كفى بالله حسيباً. =================== سرقة محتويات - تجريح و خرابيش - تكسير مرايات و مساحات و خلافة - كاوتشاتك و ما أدراك - ....... ألخ, هل ده عادى فى مصر؟ و لأى حد؟ و هل ليه حل؟
__________________
|
#2
|
||||
|
||||
رد: ركنة عربية ولادنا فى شوارع المحروسة بلدنا
ربنا في عونك و عونكم سكان المدن بجد و عوننا جميعا , انا عايش في مزرعه ارض موالح و بابات حاليا و زجاج العربيه اليمين قدام مفتوح لان مكنته باظت و مفيش فلوس بس هاغيره الاسبوع ده ان شاء الله .
انا رابط جنب العربيه كلب مخصوص عشانها غير اني باطلع مره في نص الليل بالكشاف من علي سطح البيت القي نظره سريعه علي حدود الارض و العربيه , انا موسوس زياده ... المشكله في الركنه قدام الاجزخانه ,,, من شهر بدات سمكره خفيفه في 3 حتت في العربيه منهم الرفرف اليمين ورا اللي فيه بالنسبه للنوبيرا غطا التنك , و انا شاريها بالخبطه دي بالذات و الحتتين التانيين منهم واحده في الباب اليمين قدام برده بسبب كاوتش موتسيكل زنق الباب و رديته و كانت و هي واقفه و التالته من لعب العيال عندنا عيالي و عيال اخواتي ,,, المهم رشيت النهارده و تاني يوم لا .؟. تالت يوم تتحك في نفس الرفرف بتاع التانك اللي شاريها بيها و بقالي سنه ماشي بيها كدا بخربشتها و لستر ربنا خبطه بسيطه و كان فاضل شويه بويه و عالجتها اي حاجه و مش باينه قوووي و قلت خلي المنطقه دي بتاعه العين لاني ملحقتش افرح بالعربيه .,. الحمد لله ده غير بقي العيال في الشارع و اللي عايز يرسم بصبعه و بس يا حبيبي و بس يا عم .,. دوشه ربنا في عونكم بجد و ده كله و العربيه تحت عيني .,. السرقه ربنا يسترها بس ايام ما كان معايا موتسيكل و كان فيه حبل استك اربط بيه اي طلبات او كيسه و مره بابص و الاقي واحد بيحله عيني عينك من علي المكنه و طلعت له بس لولا انه اكبر مني سنا كنت هزأته ... اسف للاطاله و نصيحه توصلت لها طالما بتركن في الشارع فتره فلازم غطا العربيه اهو علي الاقل هيحمي من الخرابيش و المطره ...
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#3
|
||||
|
||||
رد: ركنة عربية ولادنا فى شوارع المحروسة بلدنا
مشكلة و ملهاش حل منفرد ... زى كل المشاكل الموجودة فى مجتمعنا ... و خاصة المتعلقة بالاخلاق
المشوار الى ممكن اعمله من غير عربية مش بتردد .... اخد المواصلات و اريح دماغى .. مشكلة مزمنة ز ملهاش حل منفرد
__________________
|
#4
|
|||
|
|||
رد: ركنة عربية ولادنا فى شوارع المحروسة بلدنا
لما يكون فيه عداله اجتماعيه بحق و حقيقي
مش هتلاقي حد يبص للتاني لانه عنده ما ينفرد به الاخر لما تتصلح اخلاقيات هذا الشعب و نبقي متمسكين بدينا ( سواء مسلم او مسيحي ) هتلاقي العيشه احلي و احلي الي ان ياتي هذا الزمان الذي ربما لا ندركه اعانك الله و اعان الجميع علي ما نحن فيه |
#5
|
|||
|
|||
رد: ركنة عربية ولادنا فى شوارع المحروسة بلدنا
افهم من كده إن اللى بيحصل ده طبيعى و الناس كلها بتأذى فى بعضها , و المظلوم ما لوش حيلة فى البلد دى.
طيب أنا هأحكيلكم موقفين بأحاول أفهمهم بس مش عارف (ده غير الحاجات التقليدية طبعاً) ركنت العربية لمدة ساعة , رجعت, لاقيت واحد فاكك نمر العربية و راميهالى تحت العربية و أخد المسامير !!! يمكن طمع فى المسامير مرة تانية واحد مسك مفك و فضل يفصل الكارتيرة الصاج اللى فوق العجل من جسم العربية , أيوه يفك برشام الكارتيرة من داير الرفرف !!!!!!!!!! غطا العربية مرتع للكلاب الضاله و إن كان له مليون فايدة. الكسل وحش أوى.
__________________
|
|
|