احداث رياضية لاعوام 2008 2009 2010 2011

[abonagham]

ديننا دين الوسطية ورفض الغلو والمبالغة في الشئ , ومازاد عن حده انقلب إلى ضده , دين التآخي والتراحم بين المسلمين , دين جاء لسمو الأخلاق والترفع عن الصغائر , وتبسمك في وجه أخيك صدقة , دين يحث على وحدة الصف وانصر أخاك ظالما أو مظلوما (( تنصره ظالما بأن ترده عن ظلمه )) , معلمنا ومرشدنا إلى الخير سيد الخلق ونبي الرحمة سيدنا محمد صلى الله عليه وسلم ومن بعده الصحابة الغر الميامين أبو بكر و عمر وعثمان وعلي رضي الله عنهم وأرضاهم أجمعين , و : " كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ"
ابتعدنا جميعا عن الله وهجرنا الدين والقرآن , فكان حقا على الله أن ينسينا أنفسنا وأن يسلط علينا أنفسنا , كما فتحنا بجهل وحماقة مليون باب للشياطين أن تلهو بنا كما يحلو لها حتى صرنا أشد منها وأخطر وآآخ من شياطين الإنس , " اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ أُوْلَئِكَ حِزْبُ الشَّيْطَانِ أَلَا إِنَّ حِزْبَ الشَّيْطَانِ هُمُ الْخَاسِرُونَ "

وسنظل في دائرة مفرغة إلى مالا نهاية ولن ينقذنا سوى العودة إلى الله وتطبيق ماأمرنا به وعلمنا إياه نبينا الكريم صلى الله عليه وسلم ...

[Kind]

نقلا عن دكتوره فارماشو ..
من الجزائر
منتدى صيدلى المستقبل

خواطري النهاردة معرفش أعبر عنها الزاي و لكن اللي عجبني في هذا الموضوع أنها خواطر يعني مش مفروض حد يرد أنا لسه شايفة من شوية خطبة الجمعة للدكتور القرضاوي و بصراحة كلامه أثر في الواحد جدا كيف لهذه الأمة التي كانت رائدة في يوم من الأيام أن تؤول الى ما نراه اليوم ماتش كورة ؟ والله شيء مخزي و عار علينا و لكن لما شفت شخص زي د.خالد العيوطي صيدلي على درجة عالية من الثقافة و الأدب يقوم حارق العلم ما صرتش مستغربة أنه أشخاص أقل من مستواه بكثير يقوموا يضربوا و يعملوا الي عملوه على فكرة أنا باحترم د.خالد جدا و مشاركته لن تنقص من قدره في نظري شيئا و لكني فهمت أن المسألة صارت أكبر من ماتش كورة بكثير و فهمت أيضا أن الاعلام المصري عاملكم غسيل دماغ جامد أوي و ما أعرفش ليه مسألة زي دي غابت عنكو و صارت المسألة مسألة شرف بين الاتنين و كل طرف عايز يثبت وجوده بطريقته الخاصة و لكن العتب ليس فقط على الاعلام المصري العتب على الاعلام الجزائري اللي سايب شوية جرائد تشوه صورة بلدنا في نظر اخوانا الاعلام الجزائري الغائب تماما و من خلال قناته الوحيدة الي نسميها احنا اليتيمة الي معرفش حتى يغطي المباراة و لا يحلل الي حصل و تحس أنك تتفرج على ناس ساكنة في بلد غير البلد دي. وبعدين ما حنا متعودين على ماتشات الكورة دي الي تطلع فيها عينك حتى في البلد نفسها و ليه لما يكون مصريين يلعبوا مع بعض و يقوموا ضاربين بعض ليه ما حدش يتهمهم بالخيانة ,لأنهم مصريين زيهم ببساطة لأنهم اخوانهم و أبناء بلدهم و هذا يعكس نظرة المصريين لينا و لو كان المصريين بيحبونا زي اخوانهم ما كانوش اعتبروا الي حصل لا اهانة و حكاية شرف و ماكنوش دخلوا رموز الجزائر في النص ,هو ايه دخل العلم ؟ و ايه دخل اللغة و ايه دخل كل الحاجات دي الي الواحد لو يسمعها يحس أنه بالفعل مش مرحب بيه اطلاقا لأن ذنبه الوحيد أنه جزائري حكاية أنك تحرق العلم دي حكاية رمزية و لكن لو أني شفت الحكاية دي على التلفزيون أو قريتها في جريدة ماكانتش أثرت فيا و لكن أنها تطلع من شخص تعرف اتزانه و عقله بيوزن بلد هنا المشكلة الحقيقية و لازم أسأل نفسي كجزائرية عملت ايه عشان أوصل أخويا أنه يكرهني بالشكل ده أكيد لأن فيه حاجات تانية غير ماتش الكورة ده و غير أعمال الشغب الي حصلت هو كان حصل شيء بينا قبل هذا ؟ اصل انا ماليش في السياسة وماعرفش اذا كان فيه مشاكل ولا لأ بين البلدين ؟ كل الي أعرفو هو أن احنا بنحبكوا و أهو أنا أتكلم مصري زيكو و كلنا نعرف نتكلم مصري خصوصا البنات و أنا ايه الي وصلني هنا ؟ مش عمروخالد مش هو مصري ؟ و أهو معايا شريحة جيزي كمان هما لما ييجوا مطربيكم يغنوا عندنا و يفضل الشباب يردد أغانيهم لحد الصبح (بغض النظر عن أنه حلال ولا حرام) مش بنكون نحبهم و لما يطلع الان نفس هؤلاء المطربين و يقولوا ان احنا بنكرهم و عملنا فيهم الي ما يتعملش هتفتكر هيكون ايه شعور الملايين من الجزائريين الي يحبوهم و معلقين صورهم في كل حتة و موبايلاتهم مليانة بنغماتهم و بالمناسبة المعركة أو الحرب الي جرت (هي فعلا حرب) الكسبان الوحيد فيها هو بوتفليقة الي طلع أذكى من نظيره المصري بوتفليقة دارس شعبه كويس و عارف أن احنا شعب متخلف و ممكن ماتش الكورة عندنا يطلع أهم من التعليم و العيش الكريم لذا التكتيك الي استعمله كان انه يكسب ثقة الشباب الي عايز يشجع منتخبه و هذا بتسهيل كل الاجراءات أمام المناصرين و هو ما قامش مطلعهم من السجون و لا حاجة بس الناس الي من النوعية دي هي الي تبقى مجنونة على الكورة و يمكن تعمل الي ما ينعملش عشان تحصل على تذكرة بذمتك لو حد فينا طبيب مثلا أو صيدلي أو غيره طلع في طابور طويل عشان التذكرة تفتكر كان ممكن يحصل عليها أكيد لأ لأنك مش ممكن تضرب و تتخانق عشان تاخذ تذكرة و دول الي ركز عليهم الاعلام المصري متعمدا و هو الي خلاهم يعملوا الي عملوه باستفزازه ليهم و للجزائريين عامة هذا غير أنهم مش مستحقين كل هذا الاهتمام عارف لما يكون عندك طفل مشاغب و تقوم ماديله اهتمامك يقوم هو مطلع كل الشقاوة الي عنده و أحسن تصرف يكون أنك تتجاهله تماما على عكس الحكومة المصرية الي اهتمت بالمشاهير و ضمنتلهم أماكن كان ممكن يأخذها مشجعين مصريين و مع كل احترامي للمشاهير المصريين بس النوع ده من المشجعين مش ممكن يعمل حاجة من الي عملوا الجزائريين من هيصة و صراخ و تشجيع حار و لا يخفى عنكم أثر المناصرين على نفسية اللاعبين لاعبي مصر لعبوا لوحدهم على الميدان بعكس الجزائريين الي طلعوا كل جنونهم على الاستاد و ربما لو خليتو مشجعيكم الحقيقيين يدخلوا كانت نتيجة الماتش تبقى حاجة تانية فهنيئا لك يا بوتفليقة احنا كدا ممكن ننام عنك عشر سنين أخرى ...على فكرة الوضع كان متأزم جدا و كان ممكن ينفجر بخسارة الماتش فيه اضرابات كثير في المدارس و الثانويات الناس مش لاحقة تاكل خصوصا بعد المناسبات الي تبقى مهلكة لجيب الجزائري زي رمضان و عيد الفطر و الدخول المدرسي و عيد الأضحى الناس كانت على أعصابها و الرئيس كان في ورطة حقيقية و لكن لأنه عارف أن ماتش الكورة أهم من كل ده بكثيييييييير طلع أذكى مننا كلنا و محدش سأله هو جاب الفلوس دي كلها منين مع أنه مارضيش يزود في معاشات الأساتذة و على ذكر الفلوس أنا قلت في مشاركة سابقة ان جيزي أهدت 1000 تذكرة للجزائريين و ده ما حصلش في النهاية لأن الحكومة تكفلت بكل شيء و ما سبتش المجال لحد تاني يتدخل (ده عشان اتحرى الصدق و ماكتبش اي حاجة) أرجو في الأخير أننا مانخلطش شعبان مع رمضان و احنا مجرد شعب غلبان زيكو و ماليناش علاقة بالي تعملوا حكوماتنا زيكو بردو و بلاش نعطي أمور أكثر من حقها و ياريت لو الجزائريين اعتبروا مسألة فلسطين مسألة ثأر و جندوا نفسهم ليها مثلما فعلوا في المباراة و طلعوا ثورتهم على اليهود و ياريت المصريين يعتبروا مسألة فلسطين مسألة شرف و يحرقوا علم اسرائيل بدل ما هما يحاولوا يستردوا شرف مزيف مننا ولا أقولك بلاش فلسطين دي احنا ياريت نقاتل بهذا الشكل الشرس في سبيل استرداد شرفنا من حكوماتنا الي خلتنا نبقى نوصل للدرجة دي من التخلف يا فرحة اليهود بينا

[AbOnOrA]

اشكرك يا اخى Kind على نقل صوت العقل من الطرف الاخر وانا على يقين ان ما يحدث من استغلال للفتنة من الطرفين سرعان ما سينكشف بإذن الله

[Dr. Bolbolan]

المشاركة الأصلية كتبت بواسطة Kind نقلا عن دكتوره فارماشو .. من الجزائر منتدى صيدلى المستقبل و بالمناسبة المعركة أو الحرب الي جرت (هي فعلا حرب) الكسبان الوحيد فيها هو بوتفليقة الي طلع أذكى من نظيره المصري

هيه دى الخلاصه يا جدعان ! استخدام الماتشات و النعرات القوميه الاستهباليه لآغراض سياسيه !

واحد بعت ولاده لتثبيتهم والتانى بعت شعبه من الغوغاء لتثبيته ! والغلابه انضحك عليهم وانطحنوا فى النص !

وهوه ده مربط الفرس و أبلغ كلام يتقال !

و على رأى ناعسـه على لسـان خضره الشريفه " الصبر طيب .. و الصبر ده أحسن دوااااااا" ترلم لالا ترلم لالا !

Dr. Bolbolan ptmnlo123per122

[AbOnOrA]

عرب تايمز - خاص ذكرت مصادر اعلامية مصرية ان الأمن المصري قام بترحيل بترحيل صحافي إسرائيلي اسمه حسين العبرة، تم ضبطه وهو يحرض المشجعين الجزائريين على التحرش بالمصريين وتصوير الاشتباكات وكان يلف جسمه بالعلم الجزائري وذلك قبل المبارة الاولى التي جمعت بين المنتخبين على استاد القاهرة ... وبعد اعتقاله تبين انه اسرائيلي


المصدر
http://www.arabtimes.com/portal/news...ew=No&nid=5004