90 الف جنيه تحويشة عمرى راحوا حسبى الله ونعم الوكيل

[Mohammed Hamada]

مش موضوع عنف والله يا جماعة بس أحنا لو عارفين ان القضاء حيجيب حاجة مكناش قولنا كده

القضاء المصرى أم الأجنبى

[ahmedShafie]

المشاركة الأصلية كتبت بواسطة mohm_016 بسم الله الرحمن الرحيم كان معايا 90 الف وكنت عاوز ازودهم علشان اشترى عربية سيراتو اديتهم لواحد تاجر بيشغل الفلوس واخدت عليه وصلين امانة بالمبلغ بعدها بشوية قال انه دخل فى صفقة كبيرة واتنصب عليه فيها وكل فلوسه راحت واكتشفت انه لامم من الناس حسب ما سمعت 5 مليون جنيه بس احنا عارفين اهله وعيلته وكل شوية قعدات عرفى ومفيش نتيجة المهم انا واربعة معايا رفعنا عليه قضايا بالوصولات وباقى الناس لسه مصدقين ان القعدات العرفى هتجيب نتيجة المهم انا كاتب الموضوع دا علشان حاجتين 1- محدش يأمن حد على فلوسه وميطمنش لحد ويحرص اوى فى الزمن الزفت اللى احنا فيه دا 2- تدعولى ربنا يرد ليا فلوسى تحويشة عمرى يمكن دعوة فى ظهر الغيب تكون مُجابة عند الله وحسبى الله ونعم الوكيل

شوف حضرتك يا فندم من كلامك انت اديته الفلوس واخذت وصلين عليه وهو قالك انه دخل فى صفقه كبيره وخسر الفلوس حاول تتحقق من كلامه وموضوع الصفقه عباره عن ايه وهل فعلا خسر الفلوس ولا لا . وواضح من كلام حضرتك انك مش متابع موضوع شغل فلوسك معاه وده اكبر خطأ لازم تعرف فلوسك راحه فين وشغاله ازاى لو فعلا هوه خسر الفلوس بجد يبقى ربنا يعوض عليك لان الشراكه على المكسب والخساره

وربنا يرجعلك حقك

[محمود زيزوو]

ربنا يعوض عليك

[Moha28]

ايه هي الدنيا سايبة كل يوم يطلع علينا حرامي يسرق فلوسنا قبل اسبوع اتسرقت وانيت

واتسرقت عربيتين من نوع كيا ومازدا وانت اليوم اتسرقت لو بفلوسك دي خليتها معاك

بتنفعك كتييير بدل ماتديها الحرامي ده

[magdy_c_c]

ستوب ستوب يا شباب
ايه الكلام ده
أولا ً قدر الله و ما شاء فعل
ثانيا ً ربنا يعوضك فى صحتك و بيتك و أولادك خير ان شاء الله
ثالثا ً أكيد فلوسك حلال و ان شاء الله هترجع لك
رابعا ً بلاش العنف و لا حتى أى أذية احنا مش فى صحراء و لا غابة
انت معاك وصلين و الراجل ما سابش البلد و هرب
زمان كان فى مثل جميل بيتقال فى الحالات اللى زى دى ( اللى بعترهم مجنون ، و اللى يلمهم لازم يكون عاقل )
يا أخى العزيز
استعيذ بالله من الشيطان الرجيم و اصبر وفكر
أولا ً امشى فى الطريق الشرعى ( الوصلات مع محامى شاطر و اتفق معاه على نسبة من المبلغ و هكذا )
وبعدين انت و الناس اللى معاك منصوب عليهم ارفعوا عليه قضايا فى كل مكان لتضييق الخناق عليه ( أمن الدولة - مباحث الأموال العامة - النيابة العامة - ......... الخ )
و تابع باردوا الجلسات العرفية و اللى تطوله منه خده و اوعى تتنازل عن القضايا خاااااالص
و اصبر و تمالك أعصابك و اعمل كنترول على نفسك على قد ما تقدر علشان تعرف تفكر
و ادعى ربنا انه يرجع لك تحويشة عمرك
و أكيد أكيد أكيد ربنا هيرجع لك فلوسك
الحلال عمره ما يضيع