|
|||||||
| تكييف السيارة ساحة مختصة فى تناول المواضيع الفنية الخاصة بأنظمة التكييف بالسيارة |
 |
|
|
أدوات الموضوع |
|
|||||||
| تكييف السيارة ساحة مختصة فى تناول المواضيع الفنية الخاصة بأنظمة التكييف بالسيارة |
|
|
|
أدوات الموضوع |
|
#1
25-05-2013, 02:39 AM
|
||||
|
||||
السر في تفوق تكييف السيارات اليابانية
طبعا... أكيد السؤال ده ناس كتير سألته.. وأعتقد إن ناس كتير كمان معتقدة إن السر في الكمبريسور الياباني القوي أبداً... الموضوع وبكل بساطة.... اليابانيين أذكى وعمليين أكتر مبدأ اليابانيين في كل شغلهم... ليه تكلكعها ما دام ممكن تعملها بكل بساطة مش هطول عليكو... الفرق كلوا في حتة محبس صغير محطوط على خط المية السخنة اللي بيدخل على الدفاية اسمه محبس التحكم في الدفاية ... أو Heater Control Valve  نشرح أكتر بالنسبة لأنظمة التكييف المتعارف عليها في معظم السيارات... النظام التقليدي الموجود من زمان وفي أغلب العربيات الرخيصة نسبيا هو أشبه ما يكون بخلاط المياه في الحمام... لإن الهوايات اللي بيطلع منها هوا التكييف/الدفاية موحدة على النظامين... بمعنى إن الخلط بيحصل في وحده التوزيع اللي بتوزع الهواء على فتحات التكييف وتخلط السخن مع الساقع.  ده نظام التبريد اللي بناخد منه وصلة على الدفاية  وده نظام التكييف  بيبقى فيه وحدة فيها سربنتينة التكييف وسربنتينة الدفاية في حجرة واحدة بتخلط الهوا الساقع اللي جاي من التلاجة مع الهوا السخن اللي جاي من الدفاية ... والتحكم في درجة الحرارة بيبقى بطريقة من اتنين: الطريقة الأولى الطريقة المستخدمة في معظم السيارات الأوروبية (وربما الأمريكية): الدفاية متوصلة بشكل مستمر ولما نشغل التكييف بنتحكم في درجة الحرارة عن طريق بوابة مخصوصة زي كده:  في الحالة دي... الهوا الساقع بتاع التكييف متأثر دايما بهوا سخن جاي من الدفاية الطريقة التانية مستخدمة في السيارات اليابانية والكورية (ما عدا الدايو/شيفروليه لإن التكنولوجيا بتاعتها متاخدة من أوبل)، وفيها مية الدفاية عليها محبس بيتحكم في دخول المية السخنة إلى الدفاية، ولما بنحرك مؤشر الحرارة بنفتح سكة للمية السخنة إنها تدخل وتبدأ تدفي. زي كده:   في الحالة دي الدفاية ما بتأثرش على أداء التكييف إلا لو شغلناها... الموضوع هنا عامل بالضبط زي خلاط الحمام ... لو عايز مية ساقعة شغل الساقع واقفل السخن... ولو عايز مية سخنة شغل السخن واقفل الساقع... ولو عايز حاجة في الوسط.. افتح الاتنين واضبط زي ما انت عايز  النظام ده فعال أكتر بدون شك إنما في النظام الأولاني (الأوروبي).. الموضوع عامل زي ما يكون الخلاط فيه حنفية السخن بتسرب وعايزة جلدة  ، أو ممكن نعتبره زي النوع التاني من خلاطات الحمام... وده طبيعي لإن الجو عندهم ساقع طول السنة... يعني بالنسبالنا... ممكن فعلا لما نمنع المية السخنة من دخول الدفاية.. التكييف هيسقع أكتر... بس هنفقد ميزة الدفاية... خصوصا إن فيه مناطق في مصر والخليج بتعاني من البرودة في الشتا. لو مش مصدق.. انزل اسكندرية في فبراير... أو الكويت في يناير!!! بس المفروض إن النظام ده يتغير في الدول الحارة زي مصر ودول الخليج... إنما مشكلة الأوروبيين إنهم لسه شايفين إن نظامهم كويس... وما دام مش حاسين بالمشكلة يبقى عمرهم ما هيصلحوها. ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه 
|
|
#3
25-05-2013, 05:05 AM
|
||||
|
||||
|
رد: السر في تفوق تكييف السيارات اليابانية
موضوع متميييييييييز كالعادة
__________________
|
|
#4
25-05-2013, 05:40 AM
|
||||
|
||||
|
رد: السر في تفوق تكييف السيارات اليابانية
تسلم ايدك أخى الكريم م.أحمد البرعى
جزاك الله كل الخير موضوع مهم جداً سؤال من فضلك فصل السخن فى سيارة فيرنا مناسب ام غير مناسب  : CONGRA~238::C ONGRA~238:
__________________
|
|
#5
25-05-2013, 01:42 PM
|
||||
|
||||
رد: السر في تفوق تكييف السيارات اليابانية
لا أعتقد إن الفصل هنا له فايدة زي ما قلنا إن النظام الياباني متبع في معظم السيارات الكورية .. وهيونداي أساسا واخدة التكنولوجيا بتاعتها من زمان من متسوبيشي لو عايز تتأكد... بص على خرطوم المية اللي داخل على الدفاية .. لو لقيت الخرطوم داخل مباشرة من غير أي وصلات معدنية في النص... يبقى هتحتاج تفصل المية إنما لو لقيت وصلات معدنية عليها توصيلات ميكانيكية أو كهربية... ده أكيد المحبس ، وساعتها مش هتحتاج تقطع المية نهائي... إلا إذا كان المحبس نفسه فيه مشكلة بسبب صدا أو تسريب الجوان الداخلي بتاعه غالبا هتقدر تشوفه من ورا الموتور.. يعنى ما هواش داخل التابلوه... زي كده:     ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه
|
|
| الكلمات الدليلية |
| أوروبية, مكيف, خلط الهواء, يابانية, كفاءة المكيف |
|
|
