رد: ماذا ستفعل لو كنت صف ثاني وقابلت الثور الهائج؟؟
السلام عليكم ورحمة الله وبركاته
أخي العزيز ليس انسب ولا اجمل في هذه المواقف سوى قول الرسول عليه الصلاة والسلام :
( ليس الشديد بالصرعه إنما الشديد الذي يملك نفسه عند الغضب )
صدق رسول الله صلى الله عليه وسلم
عايز أقولك ان انت طول ما انت بتسوق حتتعرض لمواقف كده
وعلى فكره مش من سواقين التاكسيات والميكروباصات بس
لأ انت حتلاقي الملاكي واحياناً بعض ضباط المرور وممكن بعض المشاه..يبقى الحل حاجه من اتنين يا تبقى (وانا اسف في اللفظ ) بلطجي وقليل الادب زيهم وساعتها اضمنلك حيبقوا زي الفراخ من غير صوت ومش شرط تضربهم لأ ..ده بالصياح والشتيمه ...الخ
بس وقتها حتبقى من عينة اللي قدامك وده طبعاً مفيش واحد محترم يقدر يقبله على نفسه..
الحل الثاني انك تمتص غضبه مهما كان حتى لو انت مش غلطان لغاية مايرجع لعقله تدريجياً وساعتها تفهمه بكل هدوء واما يتقبل ويعتذر واما يبصلك بقرف ويمشي بس مش مهم
المهم انك متنحدرش للمستوى الزباله البربري ده
طيب حتقولي ولو كسرلك فانوس عربيتك حقولك متكسرلوش فانوس عربيته لأن ده حيصعد الموقف زياده سيبه يمشي واتصل بالنجده واعمل محضر وانت واقف برقم عربيته وخليك محترم ومتحضر.
انا عارف ان فيه ناس مش حيعجبها الكلام وممكن تفتكره ضعف بس افترض انك اتخانقت وضربته كمان بس كان معاه مطواه وضربك بيها أو ضرب صاحبك ساعتها حتندم باقي عمرك..
أقسم بالله ان انا مجرب الموضوع ده عشان كده بنصحك من قلبي..
آسف اني طولت عليك
__________________
قال رسول الله صلى الله عليه وسلم : من ترك صلاة الصبح فليس في وجهه نور ومن ترك صلاة الظهر فليس في رزقه بركه ومن ترك صلاة العصر فليس في جسمه قوه ومن ترك صلاة المغرب فليس في أولاده ثمره ومن ترك صلاة العشاء فليس في نومه راحه. صدق رسول الله صلى الله عليه وسلم
|