اشترى a113 ولا لأ؟؟
 

السلام عليكم ورحمة الله وبركاته

اولا احب اشكر كــــــــــــــل الناس الموجوده فى المنتدى الجامد جدا ده علشان بجد افدتونى كتييييييييير قوى
وان شاء الله هيبقى فى ميزان حسناتكم كل المجهود اللى بتعملوه ووقتكم اللى بتقضوه ففى تقديم النصايح

انا بقى ليا شوية اسئله كده و مستنى منكم الاجابه ان شاء الله علشان بعد صلاة الاستخاره هيبقى رايكم هو الفيصل اذ كان هجيب ال a113 ولا لأ

علشان انا قريت فى المنتدى هنا ناس كتير قوى بتشكر فى العربيه دى وكمان سمعت ان هى احسن من a516
فبعد اذنكم انا عايز يكون ركبها او يعرف حد ركبها ويوقلى ايه رايه فيه
من حيث الثبات على الطريق ومن حيث استهلاك البنزين يعنى بتسحب كتير ولا ايه ومن حيث جودة العربيه نفسها علشان سمعت مره من واحد ان الشاسيه بتاعها متربط بمسامير الانكيه يعنى اقل حاجه ممكن تاثر فيها

وهل بيظهر كمية المشاكل الكتيره قوى اللى ظهرت فى ال a516 ولا دى فعلا احسن منها

وسؤال اخير بقى هى تستحمل السفر ولا استخدام داخلى بس
وانا عن نفسى مش بسافر الا مره او اتنين فى السنه يعنى مش كل اسبوع ولا حاجه

معلش طولت عليكوا بس زى ما قلتلكم انا متوكل على ثم بعد كده عليكوا فى الموضوع ده

شكرا جدا مقدما يا جماعه

رد: اشترى a113 ولا لأ؟؟
 

هذا الراى من بعض المنتديات

إسبيرانزا A113

نوع المحرك:16v-DOCH
السعه اللتريه: 1297
لالعزم : 118 kg.m
القوه بالحصان : 87hp
قطر البستمx الشوط: 73x77.5
نسبه الانضغاط: 10-9.5
نظام ضخ الوقود: حقن اليكتروني متعدد النقاط
ناقل الحركه: 5 سرعات يدويه
نظام الفرامل : الاماميه ديسكات بالتهويه و الخلفيه طنابير
الابعاد:
الطول: 2700 سم
العرض: 1578 سم
الارتفاع: 1527 سم
وزن السياره فارغه 981 كجم
سعه خزان الوقود: 48 لتر
نصف قطر الدوران :4.7 متر
السرعه القصوي : 164 كمتر/ساعه
مقاس الاطارات: 14 ر60 /175
زده كله جمب التجهيزات الرائعهمن فرامل مانعه للانغلاق ونظام سمعي متطور

<TABLE id=ncode_imageresizer_war ning_15 class=ncode_imageresizer_ warning width=350><TBODY><TR><TD class=td1 width=20>http://www.masrmotors.com/vb/images/.../wol_error.gif</TD><TD class=td2 unselectable="on">نقره على هذا الشريط لعرض الصورة بالمقاس الحقيقي</TD></TR></TBODY></TABLE>http://img.photobucket.com/albums/v6.../DVD/chery.jpg



المواصفات: 1.3 سي سي تكييف و كاسيت.

السعر : 51,000 جنيه




السياره بشكل عام سعرها مناسب و محركها مناسب لحجمها, المساحة الداخليه للسياره ليست سيئه و تعتبر مريحه. السياره بالكامل صينيه و هذا ما قد يعيبها, قطع غيارها متوفره بالوكيل فقط و أسعارها مرتفعه نسبيا. السياره ليست إعتمادية في طرق السفر نظرا لما تعانيه الإسبيرانزا بشكل عام في ضعف المكابح و أنظمة التوجيه.

السياره مناسبه للشباب و المتزوجون حديثا و لهم ولد أو إثنان.

رد: اشترى a113 ولا لأ؟؟
 

ربنا يقدم اللي فيه الخير يا جولد:)
العربيه انا شايفها من العربيات الكويسه
و طالما انت استعمالك ما فيهوش بهدله يبقي حتنفعك ان شاء الله
انا مش معايا بس ركبتها مرتين تلاته مع واحد زميلي كانت عربيه اخته
حسيت ان العربيه معقوله مش وحشه بس عاوزه استعمال خفيف
و ربنا يسهل و نباركلك قريب:)

رد: اشترى a113 ولا لأ؟؟
 

العربيه ب52 الف
مش ب51

رد: اشترى a113 ولا لأ؟؟
 

بجد الف الف الف شكر يا جماعه لكل اللى شارك فى الموضوع وافادنى برايه وتعب معايا
فعلا الف شكر مره تانى وبجد افادتونى جدا فى الموضوع ده

انا عن نفسى شايف العربيه حلوه وبقت منتشره دلوقتى فى الشوارع وبشوف ناس كتير ركباها فده يدل على انها مضمونه بعض الشئ بس موضوع ان هى صينى هو ده اللى مقلقنى منها

بس انا برضه قلت اخد رايكوا فى حاجه هى لو فاضلت بينها وبين الاسبارك ياترى لو حضراتكوا مكانى هتختاروا ايه
واعتقد ان اسبارك فى نفس الفئه من حيث المبلغ ولكن اسبارك موتورها 1000 سى سى

بجد مستنى رايكم يا جماعه

والف الف شكر ليكم مره تانيه