مصر موتورز مجتمع السيارات - التقرير السوبر لليوم السوبر في قسم السوبر

مبدايا و بناء علي طلب شخصي من محمد باشا كمال هذا الموضوع مهدي الي سامح بيك رمزي الشهير بسام رام
تاني حاجة ممنوع دخول كبار السن و مرضي القلب و السكر و الضغط

بسم الله

اتفقنا انا و محمد باشا كمال بعد ما سمعنا عن نزول جاجوار XJ الجديدة اننا نروح و نلقي نظرة و نتعرف عليها عن كثب
و في تمام الساعة الرابعة نزلت من بيتنا و لمواكبة الحدث الجلل و بما ان والدي مسافر قررت اخذ عربيتة عشان نترسم بيها شوية و عديت علي محمد باشا و اتجهنا الي توكيل جاجوار.
اول ما وصلنا دخلنا و لقيناها واقفة منورة في وسط المعرض فانقضينا عليها وعملنا حسابكم معانا

http://img31.imageshack.us/img31/5518/picture031nu.jpg

http://img19.imageshack.us/img19/1760/picture030rv.jpg

http://img9.imageshack.us/img9/5346/picture010zr.jpg

http://img19.imageshack.us/img19/9336/picture021ff.jpg

http://img9.imageshack.us/img9/9117/picture012qq.jpg

http://img189.imageshack.us/img189/2447/picture016x.jpg

طبعا اخدنا لفة حوالين العربية و ملينا عيونا من شكلها و بعدين ابتدينا نتفحص دواخلها
قعدنا ندردش مع مندوب المبيعات و سالناه عن الاختراعات الموجودة في العربية و اللي بتميزها عن المنافسين و من كلامة و من فحصنا لا يوجد العربية كلاسيكية صرفة و تعتمد علي عراقة و فخامة جاجوار و علي سلسة المحركات القوية اللي تحت تصرفها.
العربية بتيجي ب3 محركات:
الاولي 8 سلندر 5000 سي سي طبيعي بقوة 385 حصان
التاني 8 سلندر 5000 سي سي سوبر شجارد 470 حصان
التالت 8 سلندر 5000 سي سي سوبر شجارد 510 حصان
و زي ما انتم شايفين كلها محركات قوية هتسبب قلق للمنافسين و الفئة الاعلي تمنها في حدود ال 40,000 دينار كويتي (800 الف بندق مصري) يعني ارخص بكتير من المنافسات بنفس القوة

الانطباعات:
العربية شكلها حلو جدا جدا و مميزة و تلفت الانظار
الدواخل شيك و الخامات و التقفيل درجة اولي
لكن العربية ضيقة من قدام و من وره خصوصا من ناحية المساحة المخصصة للارجل في الامام و الراس في للخلف مع العلم ان العربية المعروضة هي الفئة الطويلة و العربية من بره ضخمة و طويلة و لم نجد تفسير للضيق ده. و المنافسين بيتفوقوا عليها في الناحية دي و بشدة كما بيتفوقوا في التكنولوجيا و الافتكاسات.

بعد كدة بصينا علي ال XF اللي برضوا حسينا انها ضيقة و بعد كدة بصينا علي قسم المستعمل اللي كان فيه حتة XF R و حتة فيراري F430 سكودريا و حتة بنتلي GTC كوبية و حتتين مازيراتي واحدة كواتروبوتي و التانية جراند تورزمو حاجات كدة اي كلام سيبكم انتم فمصورناش حاجة

بعد ما خلصنا الهدف من النزولة و بما ان الوقت كان لسة بدري قلنا نطلع علي مرسيدس لان محمد باشا كان عايز يبص عي ال E الجديدة و بما اني كنت شفتها و اديت انطباعي عنها لمحمد باشا هو مكانش مصدقني قلت فرصة ابرهن ليه و طلعنا علي مرسيدس و اول ما دخلنا لقينا وحش كاسر بيقلنا رايحين فين ياد منك ليه تعالوا هنا خدوني صورة و بالفعل طلعت الموبايل و بعد كام صورة مهزوزة من الخضة اخدت الصورة دي

http://img130.imageshack.us/img130/7991/picture025p.jpg

ايوا SLR 722 مكشوفة
لسة بشيل الموبايل لقيت حاجة بتقولي بس و انا كمان و خلي اللي معاك ده يجي يقف جنبي

http://img525.imageshack.us/img525/9...cture022ym.jpg

SLR مكشوفة بس العادية و دي ب 190,000 دينار بس (الدينار بحوالي 20 جنيه) احسبوها انتم
سلمنا عليهم و دخلنا علي هدفنا

http://img189.imageshack.us/img189/3...cture027kg.jpg

http://img9.imageshack.us/img9/745/picture015qx.jpg

http://img31.imageshack.us/img31/1579/picture013rq.jpg

و اول ما محمد باشا ركب قالي دلوقتي بس عرفت قصدك

انطباعي عن ال E الجديدة كان انها من برة جميلة و شكلها جديد لكن من جوة مش هي دي المرسيدس
العربية ما فيهاش روح و فخامة و دلع المرسيدس و فيها من ال C كتير من الاخر اقل من التوقعات و ده كان راي محمد باشا برضة
بعد كدة خدنا جولة سريعة علي عربيات مرسيدس المختلفة من ML و GL و C و G و قررنا نروح بي ام عشان تكمل.

روحنا توكيل البي ام و اول ما دخلنا لقينا مااااااااارد اسود و معاه اخوه بيقولنا علي فين يا اساتذا فين صورتي و تطوع محمد باشا و راح وقف معاه و مخدناش صور للاخ الصغير

http://img189.imageshack.us/img189/1...cture009qd.jpg

زي ما انتم شايفين الصور مخادتش المارد كله رولز رويس فانتوم و جنبها كانت الدروب هيد ضخامة و هيبة و الله
المهم اخدنا جولة علي سيارات بي ام المختلفة من ال 7 لل X6 و ال X5 و ال Z4 الجديدة و بصينا علي الرنج روفر العادية و السبورت و ال LR4 الجديدة و مشينا بعد ما سلمنا علي المارد

المهم و في طريق العودة الي المنزل قلت خلينا نحلي بحاجة حلوة كدة و مكنتش متاكد اذا كنت هلاقيها او هنلاقي المكان لسه فاتح و لحسن الحظ وفقنا و قضينا احلي 10 دقائق مع الامورة

http://img10.imageshack.us/img10/3596/picture011kk.jpg

http://img682.imageshack.us/img682/7549/picture020d.jpg

http://img706.imageshack.us/img706/1...cture008th.jpg

http://img692.imageshack.us/img692/4...cture006wp.jpg

http://img692.imageshack.us/img692/687/picture019x.jpg

http://img525.imageshack.us/img525/702/picture018v.jpg

هي هي صدقوا عنيكم
استون مارتن رابيد
طبعا الجمال الصارخ صعقنا و قعدنا نلف و ندور زي المجانين لدرجة اننا صعبنا علي الراجل و فتح لنا العربية و ركبناااااااااااها يا رجالة ايه ده. طبعا الكرسين اللي وره ما ياخدوش الا ناس رشيقة بس مش مهم.
و مهما وصفت مش هعرف اوفي للعربية حقها لدرجة اني شايف انها احلي استون مارتن علي الاطلاق و مع ان كان في DBS جنبها لكن ملفتتش نظري زي الرابيد و جنبها البورش بانيميرا بقت في غاية القبح و لو اننا بنفضل الانتريور بتاعها و لكن انتريور الاستون مش وحش من الاخر انجليزي

طبعا العربية 12 سلندر 6000 سي سي بتنفس طبيعي بقوة 470 حصان بالتمام و الكمال و الكويت اول بلد تستقبلها في الشرق الاوسط و العربية موديل 2011 و هي دلوقتي بالحجز و الاستلام شهر 5 2010 و سعرها 88,000 دينار كويتي

و قلنا نخلي ده مسك الختام و نروح لان ساعتها كل العربيات اللي موجودة بقت لعب بلاستيك بالنسبه لينا

في انتظار تعليق محمد باشا و بعدها تعليقاتكم و بعتذر عن ردائة بعض الصور لانها بالموبايل